DANIEL 9:7 - Lai (Hakha) Common Language Bible 2006

⁷ Maw Bawipa nangmah cu na ding zungzal ko i kannih cu kan dihlak in kan tuahmi cu ningzak a si zungzal ko — Judea ram chungah a ummi le Jerusalem khua chungah a ummi si u sih, ram hla ah siseh, ram nai ah siseh, na kan ṭhekmi si u sih, nangmah sinah zumhawktlak loin khua a sami kan si ko.

DANIEL 9:7 Iomraidhean Croise

EZRA 9:13

Cun kan ṭhat lonak le kan mawhnak a nganmi ruang i kan cung i a tlungmi thil vialte hna hnuah hin, kan Pathian, kan ṭhat lonak nih a hmuh awk hnga nakin tlawm deuh in nangmah nih dan na kan tat i hi bantuk a tangmi hi na kan pek ti kha kan hmuh caah

EZRA 9:15

Maw Bawipa, Israel Pathian, nihin ah a si bang hin, kannih cu a luatmi a tangmi na kan nganh caah nangmah cu na ding ko. Na hmaiah misual si ko hmanh u sih law, kan zoh ko rih, zeicahtiah kan sualnak ruangah cun na hmaiah a dir khomi ahohmanh kan um lo,” tiah ka ti.

NEHEMIAH 9:33

Zeitin a si hmanh ah, kan cung i a tlungmi thil vialte kongah nangmah cu na ding ko, zeicahtiah nang nih cun zumhawktlak tein na tuah i kannih nih cun ṭhalo piin kan tuah;

SALM 119:137

Bawipa, nang cu na ding i na nawlbia zong a ding.

SALM 44:15

Kan ral hna le a kan huatu hna nih an ka nihsawhnak le an ka zawmhtaihnak ka theihmi ruangah hin, hmaichia in ka um zungzal i ningzahnak nih a ka khuh zungzal.

SALM 51:14

Maw Pathian, ka khamhtu, ka nunnak hi ka zuah ko sawh law, na dinnak hi lunglawm tein ka thanh lai.

SALM 51:4

Ka sualnak cu, nangmah cungah, nangmah cung hrimhrim ah a si i a ṭhalo ah na ruahmi kha ka tuah. Cucaah cun bia na ka ceih tikah na hmaan ko i sual na ka phawt tikah na ding ko.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 45:16

Siasal a sertu cu an dihlak in ningzahnak an phan lai; an dihlak in mual an pho lai.

JEREMIAH 12:1

Maw Bawipa, nangmah cu na din caah bia kan al lai, Na hmaiah ka bia cu ka rak chuahpi ko lai. Zeicahdah mi ṭhalo hna cu khuaawng an ton i hlen hmangmi hna cu nuam tein khua an sak?

JEREMIAH 23:6

Amah chan ah cun Judah cu him tein khua a sa lai i Israel cu hnahnawh lo tein a um lai. Amah a min cu, Bawipa cu kan Dinnak a si, ti a si lai.

JEREMIAH 24:9

Vawlei cung ram kip ah annih cu tuksapur ah ka ser hna lai, annih cu ka dawi hnanak ram kip ah nihsawh awk le phungthluk bia le zawmhtaih awk le chiatserh awkah ka ser hna lai.

JEREMIAH 3:25

Ningzak in it ko u sih, kan mualphonak nih khan kan khuh ko seh, Zeicahtiah kanmah le kan pupa hna nih Bawipa kan Pathian cungah khan Hlanpi in atu tiang kan sual i Bawipa kan Pathian kha a bia kan ngai lo,” nan ti.

JEREMIAH 32:32

Israel le Judah nih an siangpahrang hna le an bawi hna le an tlangbawi hna le an profet hna le Jerusalem le Judah ram chung i a ummi an mi hna nih ṭhat lonak an tuahmi in ka thin an ka phawh cang.

JEREMIAH 33:16

Khi ni ah cun Judah cu him tein a um lai i Jerusalem cu ahohmanh nih hnahnawh lo tein khua a sa lai; cun a min cu, ‘Bawipa cu kan dinnak a si,’ ti a si lai,” tiah Bawipa nih a ti.

JEREMIAH 4:17

Keimah kha a ka doh caah, Ral nih a velchum in an kulh dih, tiah Bawipa nih a ti.

JEREMIAH 7:19

Sihmanhsehlaw a thin an huntermi cu keimah ka si maw, tiah Bawipa nih a ti. Si hlah, anmah tu kha an si deuh, ningzahnak in anmah le anmah aa khuhmi hna kha an si.

EZEKIEL 16:63

Na tuahmi vialte kha kan ngaihthiam dih hnuah cun, na lung a pem lai i na ning a zak lai i na lung a ar lai i voi khat hmanh na kaa na ang ṭhan ti lai lo. Mah hihi Bawipa Pathian bia hrimhrim a si,” tiah a ti.

EZEKIEL 36:31

Nan ziaza ṭhalo le nan tuahsernak a ṭha lomi kha nan i hngal ṭhan lai i nan ṭhat lonak le fihnung nan sinak ruangah khan nanmah le nanmah nan i fih lai.

EZEKIEL 5:10

Cucaah maw Jerusalem, na chungah hin pale nih an fale kha an ei hna lai i fale nih an pale kha an ei hna lai; na cungah hin biakhiahnak ka tuah lai i na chung i a tangmi hna paoh cu khuazakip ah ka ṭhek dih hna lai.

EZEKIEL 6:12

Mi cu vainam le mangṭam le rai in an thi lai. A hlatnak hmun ah rai in an thi lai, inn ah vainam in an thi lai, cun a tangmi si hna seh, a luatmi si hna seh, mangṭam in an thi lai i cuticun a donghnak ah ka thinhunnak cu a dihnak a phan ve lai.

DANIEL 9:14

Bawipa kan Pathian, nangmah nih na tuahmi thil vialte cu a hmaanmi a si i kannih cu nangmah bia a ngai lomi kan si caah nangmah nih kannih dantat awk kha naa tim i dan cu na kan tat taktak.

DANIEL 9:18

Maw Pathian, na hna chi law kan theihpiak law kan zohpiak law kan ṭiaonak le na min a pumi khua cu kan hmuhpiak ko sawh; kannih nih dinnak kan tuahmi thawngin si hin loin nangmah na vel thawng lawngin kan thlacamnak na hmai i kan rak chuahpinak cu a si.

DANIEL 9:8

Maw Bawipa, kan siangpahrang hna le kan bawi hna le kan pupa hna cung i ningzahnak a tlun bantuk khan kan cung zongah a tlung ve ko; nangmah cungah kan dihlak in kan sual ko.

AMOS 9:9

Keimah nih nawlbia kha ka chuah lai i Miphun vialte hna lakah khan Israel mi cu ka vamh hna lai, Mi nih fingrilh an rilh i cu fingrilh chungin lungtekem pakhat hmanh vawlei ah a tlak lo bantukin Israel mi cu ka rilh hna lai.

ROM 6:21

asinain zeital a miak nan hmu maw? Atu i nan i zahpimi thil hna dah ti lo hi cu, zeihmanh nan hmu lo. Cu hna an donghnak cu thihnak a si.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

DEUTERONOMI 4:27

Cun Bawipa nih miphun hna lakah an ṭhek hna lai i Bawipa nih an dawi hna naklai miphun hna lakah tlawmte lawng nan taang lai.