DANIEL 7:14 - Lai (Hakha) Common Language Bible 2006

¹⁴ Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si.

DANIEL 7:14 Iomraidhean Croise

SALM 102:22

cucu zeitik ah dah a si lai ti ahcun, miphun hna le pennak hna kha hmunkhat ah an i pumh i Bawipa kha an biak tikah a si lai.

SALM 103:19

Bawipa nih a bawiṭhutdan cu vancung ah khin a hun; zeizong vialte cungah siangpahrang a si.

SALM 145:13

Na pennak cu zungzal in a hmun lai i nangmah cu zungzal in siangpahrang na si lai. Pathian nih cun biakamnak a tuahmi kha zumhawktlak tein a zulh i a tuahmi thil paoh kha an ṭha dih.

SALM 146:10

Bawipa cu zungzal in siangpahrang a si ko lai! Zion, na Pathian cu zungzal in uktu a si lai. Bawipa cu thangṭhat u!

SALM 45:6

Pathian nih an pekmi bawiṭhutdan cu zungzal in a hmun lai! Na ram cu dinnak in na uk;

SALM 72:11

Siangpahrang vialte kha a hmaiah an kun lai i miphun vialte nih a rian an ṭuan lai.

SALM 72:17

A min cu zeitikhmanh ah philh si ti hlah seh; a minthannak cu ni a um chung paohpaoh dai loin um zungzal ko seh. Miphun zakip nih amah cu thangṭhat hna seh, mi vialte nih Pathian cu, siangpahrang thluachuah na pek bantukin kannih zong ka pe ve, tiin nawl hna seh.

SALM 8:6

Na sermi thil vialte a uktu ah na ser i zeizong vialte hna dihlak cungah khan na chiah:

ISAIAH 16:5

Khi tikah David tefa pakhat cu siangpahrang a si lai i a mi kha zumhawktlak le dawtnak in a uk hna lai. A hmaanmi thil tuah ah khan a khul a rang lai i mi kha dinnak cu a tuahter hna lai.)

ISAIAH 60:12

Sihmanhsehlaw na rian an ṭuanpiak duh lomi miphun hna cu hrawh cikcek an si lai.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

DANIEL 2:35

Khi tikah thir le vawlei le dar le ngun le sui cu an i cheu an i hmal dih cikcek i ṭhal caan i phuhri i favai cu thli nih a choih hna bantuk khin an choi dih i an lohnak zawn hmanh hngalh an si lo. Sihmanhsehlaw milem a dengtu lungpi cu tlang nganpi ah a cang i vawlei vialte kha a khat dih.

DANIEL 2:37

Maw siangpahrang, nangmah cu siangpahrang hna siangpahrang na si i vancung Pathian nih siangpahrang ah cun an canter i ṭhawnnak le nawlngeihnak le sunparnak an pek cang;

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.

DANIEL 3:4

Khi tikah tlangautu nih khan fak piin a au i,

DANIEL 4:3

Hmelchunhnak a tuahmi hna cu zeitluk in dah an ngan i Khuaruahhar a tuahmi hna cu zeitluk in dah an ṭhawn, A pennak cu zungzal hmunmi pennak a si i Bawi a sinak cu chan vialte tiangin a hmun, a ti.

DANIEL 6:26

Ka peng chung dihlak ah mi vialte nih Daniel i a Pathian cu nan ṭih lai i nan upat lai: Zeicahtiah amah cu Pathian nung, zungzal in a hmunmi, A ṭhawnnak a dong lo i a bawi sinak a dong lomi a si —

DANIEL 7:18

Sihmanhsehlaw Cung Nung Bik mithiang hna nih cun siangpahrang ṭhawnnak kha an hmuh lai i zungzal in an i ngeih lan lai,” tiah a ti.

DANIEL 7:27

Siangpahrang sinak siseh, bawi sinak siseh, vanrang tang i a ummi pennak hna lianngannak vialte cu siangpahrang ṭhawnnak an ngeihmi cu zungzal hmunmi ṭhawnnak a si lai i peng kip le ram kip nih an rian an ṭuanpiak hna lai i an nawl an ngaih hna lai,” a ti.

OBADIAH 1:21

Israel mi hna cu Zion Tlang ah an kai lai i Esau Tlang cu an uk lai. Cun Bawipa cu Siangpahrang a si lai.”

MIKAH 4:7

A tlaumi kha a tangmi bantukin ka kilkawi hna lai i Zohkhenh ti lomi kha a ṭhawngmi miphun ah ka ser hna lai, tiah Bawipa nih a ti. Bawipa cu Zion tlang cungah atu le zungzal in an siangpahrang a si lai.

MATTHAI 11:27

Ka Pa nih zeizong vialte kha ka kut chungah a ka pek dih. Pa dah ti lo nih cun ahohmanh nih Fapa kha an ka hngal lo i Fapa le an sinah a phuanmi hna dah ti lo nih cun ahohmanh nih Pa kha an hngal lo.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

LUKA 1:33

Jakob tefa hna siangpahrang zungzal in a si lai, a pennak cu zeitikhmanh ah a dong lai lo,” tiah a ti.

LUKA 10:22

“Ka Pa nih zeizong vialte kha a ka pek cang: Pa nih dah ti lo nih cun ahohmanh nih Fapa kha ahodah a si, ti awk an hngal lo, Fapa le an sinah Fapa nih Pa a phuan duhmi hna dah ti lo nih cun Pa kha ahodah a si ti awk ahohmanh nih an hngal lo,” tiah a ti.

JOHAN 12:34

Mibupi nih cun an hei leh i, “Kan Phung nih Messiah cu zungzal in a nung lai, tiah a kan chimh. A si kun ah cun zeitindah Mi Fapa cu hler a si lai tiah na ti khawh? Mi Fapa timi cu ahodah a si?” an ti.

JOHAN 3:35

Pa nih a Fapa kha a dawt i zeizong vialte kha amah kut tangah a chiah dih.

HEBRU 12:28

Cucaah cun kannih nih hninh khawh lomi pennak kha kan hmuh caah i lawm u sih.

1 PETER 3:22

amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le ṭhawnnak vialte kha a uk dih hna.

BIAPHUAN 1:6

a Pathian le a Pa rian kha tlangbawi bantukin a ṭuantu dingah siangpahrang phun ah a kan ser. Cu Jesuh cungah cun sunparnak le ṭhawnnak kha zungzal in zungzal tiang um camcin ko seh! Amen.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.