DANIEL 7:1 - Lai (Hakha) Common Language Bible 2006

¹ Babilon siangpahrang Belshazzar a bawi kum khatnak ah, Daniel nih a ihkhun i a ih lioah khan mang le langhnak kha a lu chungah an hung lut. Cun a mang cu a ṭial i a ṭialmi cu hitihin aa thawk:

DANIEL 7:1 Iomraidhean Croise

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

GENESIS 46:2

Pathian nih Israel cu zan ah langhnak in a chawnh i, “Jakob, Jakob,” a ti i anih nih, “Asi, na salpa nih ka ngaih ko,” tiah a leh.

JOB 4:13

Mi an i hngilh hluahmah lio i zan i langhnak ka hmuhmi ka ruah tikah.

ISAIAH 30:8

Hi miphun hi zeidah an lawh ti kha cauk pakhat chungah a ṭial in na ṭial lai i cu na ṭialmi cu an ca i a hmunmi tehte a si lai, tiah Pathian nih a ka ti.

ISAIAH 8:1

Bawipa nih a ka thawh i, “Ca ṭialnak tlap a nganmi pakhat in i lak law cafang puam pipi in, ‘Maher-shalal-hash-baz’ tiah ṭial.

JEREMIAH 23:28

Profet pakhatkhat nih mang a manh ahcun, a mang cu chim ko seh, bia chim awk a ngeih ahcun, ka bia cu a ning tein chim ko seh. Favai le a fang cu nan thleidang kho hna lo maw, tiah Bawipa nih a ti.

JEREMIAH 27:7

Miphun vialte hna nih amah le a fapa le a tupa kha, a ram nih, a caan a phak hlantiang, an rianh hna lai; cun miphun ṭhawng hna le siangpahrang ngan hna nih amah cu an duhduh in an hman ve te lai.

JEREMIAH 36:32

Cun Jeremiah nih cazual dang pakhat kha aa lak i caṭialtu Baruk, Neriah fapa kha a pek i Judah siangpahrang Jehoiakim nih mei ah a khanghmi cazual chung i a ummi bia vialte kha Jeremiah nih a auhning in a ṭial ṭhan; cun cu bantuk bia cu Jeremiah nih tampi a chap.

JEREMIAH 36:4

Cucaah Jeremiah nih Neriah fapa Baruk kha a auh i Baruk nih cun Bawipa nih Jeremiah sinah a chimmi bia vialte Jeremiah nih a auh in a auhmi kha cazual chungah cun a ṭial.

EZEKIEL 1:1

Kum sawm thum kum, thla linak thla, ni nga ni ah cun, saltangmi hna sinah Khebar tiva pawngah khan ka um i van kha aa hung i Pathian langhnak kha ka hmuh hna.

EZEKIEL 40:2

Langhnak kha ka hmuh i cu langhnak chungah cun Pathian nih Israel ram ah khan a ka kalpi i a sang ngaingaimi tlang cungah khan a ka chiah i cuka ah cun keimah lei a hoihmi khuapi chung i a ummi inn bantuk inn pakhat kha ka hmuh.

DANIEL 1:17

Hi tlangval pali hna hi an dihlak tein Pathian nih ca lei fimnak le hngalhnak le thiamnak phun kip kha a pek hna i Daniel cu langhnak le mang sullam hngalh khawhnak pahrang kha a ngei.

DANIEL 2:1

Nebukhadnezzar cu a bawi kum hnihnak ah khan mang pakhat a ngei i a lung a suk tuk caah aa hngilh kho lo.

DANIEL 2:26

Khi tikah siangpahrang nih Daniel cu a thawh i, “Ka mang i ka hmuhmi kha zeidah a si le a sullam cu na ka chim kho lai maw?” tiah a ti. (Daniel cu Belteshazzar ti zongah ti a si).

DANIEL 4:13

Cun langhnak a dang pakhat ka ihkhun i ka ih lio i ka hmuh rihmi cu hihi a si: Cu ti i ka zoh ko lioah cun, Vancung in Vengtu Thiang pakhat, a rung ṭum kha ka hmuh.

DANIEL 4:5

ka ihnak i ka ih lioah mang pakhat ka manh i cu nih cun ka thin a ka phanter.

DANIEL 5:1

Siangpahrang Belshazzar nih a bawi thong khat hna caah khan rawldanghnak a ser i thong khat hna he cun zu an ding.

DANIEL 5:22

Sihmanhsehlaw a fapa, Belshazzar, nangmah nih hi vialte cu na hngal ko nain, toidornak lungthin na ngei duh lo. Vancung Pathian cu a doh in na doh.

DANIEL 5:30

Cu zan hrimhrim ah cun Khaldi mi hna siangpahrang Belshazzar cu thah a si i Media mi Darius nih pennak kha a lak, Darius cu kum sawm ruk le kum hnih a si.

DANIEL 7:13

Zan i langhnak ka hmuhmi ah cun minung a lomi pakhat cu van khuadawm he a rat kha ka hmuh; zungzal in a nungmi kha a hei naih i a hmaiah cun a va dir.

DANIEL 7:15

Langhnak ka hmuhmi hna nih cun ka khuaruah an ka harter i ka lungre a thei ngaingai.

DANIEL 7:7

Cun zan i langhnak ka hmuhmi hna chungah cun, sahrang palinak kha ka hmuh, ṭihnung ngai le tuksapur ngai a si i a ṭhawng hringhranmi a si, a ha cu thir an si i a tin cu dar an si. Zeizong vialte kha a khai hna i a ei hna i a tangmi paoh cu a lamh hna. Amah hlan i a ummi sahrang hna pakhat he hmanh khan an i lo lo, zeicahtiah amah cu ki pahra a ngei.

DANIEL 8:1

Siangpahrang Belshazzar a bawi kum thum kum ah, Elam ram khuapi Susa khua i ka um lioah langhnak pakhat keimah Daniel sinah a ra lang i hmasa i langhnak ka rak hmuhmi bantuk kha a si.

JOEL 2:28

“Cun cu hnuah cun, mi vialte kha ka thlarau ka toih hna lai i Nan fapa hna le nan fanu hna nih ka bia kha an chim lai, Nan tar hna nih mang an manh lai i Nan tlangval hna nih langhnak an hmuh lai.

AMOS 3:7

Bawipa Pathian nih aa tinhmi kha, a sal profet hna theihter hmasa loin zeihmanh a tuah bal lo.

HABAKKUK 2:2

Cun Bawipa nih a ka leh i, “Langhnak na hmuhmi cu ṭial tuah, Lungtlap ah khan ṭial law a reltu nih tlikpah hmanh in an rel khawh nakhnga fiang tein ṭial tuah.

NAMBAR 12:6

Cun amah nih, “Ka bia ngai tuah u: Nannih lakah profet an um tikah Bawipa keimah nih langhnak in an sinah kaa hngalhter i mang in ka chawnh hna.

ROM 15:4

Cathiang nih lungsaunak le lungthin ṭhawnnak a kan pekmi thawngin ruahchannak kha kan ngeih khawh nakhnga Cathiang chung i aa ṭialmi vialte cu kanmah cawnpiaknak caah a si.

2 KORIN 12:1

A ṭhathnemnak zeihmanh a um lo hmanh ah kaa porhlawt a hau ko. Atu cu Bawipa nih a ka pekmi langhnak le biathlam kong kha ka chim cang hna lai.

BIAPHUAN 1:19

Cucaah cun na hmuhmi thil, atu i a um liomi thil hna le hmailei ah a um lai dingmi thil hna kha ṭial hna.

BIAPHUAN 10:4

Bia an chim dih cangka cun ṭial kaa tim i sihmanhsehlaw vancung in aw pakhat nih, “Khuari pasarih nih an chimmi kha biathli ah chia, ṭial rih hlah,” tiah a run ka ti kha ka theih.