DANIEL 2:5 - Lai (Hakha) Common Language Bible 2006

⁵ Siangpahrang nih cun a leh hna i, “Ka mang le a sullam kha nan ka chimh khawh lo ahcun nan liang vang in kan thleh dih hna lai i nan inn cu tlaih an si dih lai.

DANIEL 2:5 Iomraidhean Croise

2 SIANGPAHRANG 10:27

Cun Baal tungphun kha an hrawh cikcek i Baal inn kha an hrawh cikcek i zunput ah an ser i nihin ni tiangin a si lan.

EZRA 6:11

Cun hi nawlbia hi ahohmanh nih an thlen ahcun a thlengtu cu a inn chung i kaan pakhat kha zuh a si lai i cu kaan ah cun amah cu ṭem chih i fung in tuk a si lai; cu pinah a inn kha chuh a si lai, tiah nawl zong ka ser fawn.

SALM 50:22

“Zei i a ka rel lomi hna, hihi ngai tuah u, nan ngaih lo ahcun kan hrawh hna lai i ahohmanh nih an in khamh kho hna lai lo.

SALM 58:7

Tlang pang i a luangmi ti a loh bantukin lo hna seh, lam i lamh chihmi belh bantukin lo hna seh.

DANIEL 2:12

Hi bia a theih tikah siangpahrang cu a thin aa sum kho ti lo i Babilon ram chung i mifim vialte kha that dih hna u, tiah a ti.

DANIEL 3:29

Cucaah ahohmanh, mi zei miphun chung mi hmanh si ko uh, cun nan holh zong zei holh hmanh si ai kun, hi hna Shadrak le Meshak le Abednego hna Pathian a serhsatmi paohpaoh cu thlehbaoh dih nan si lai i nan inn kha chuh nan si lai, tiah keimah nih nawlbia ka chuah; zeicahtiah hi bantukin mi a khamh khotu pathian dang zeihmanh an um lo,” tiah a ti.

DANIEL 4:9

Amah zong cu ka mang cu ka chimh i, “Mitleh thiam hna lak i a thiam bik, keimah hrimhrim nih pathian thiang hna thlarau nih an umpimi a si ti ka hngalhmi le biathli zeihmanh a hngal kho dihtu a si tiah ka hngalhmi Belteshazzar, ka mang i ka hmuhmi langhnak cu ka ngaihpiak law a sullam cu ka chim tuah,” tiah ka ti.

DEUTERONOMI 13:16

Cun a hranchaw vialte cu khualai tual laifang ah nan pumh hna lai i, a khua le a hranchaw vialte cu Bawipa nan Pathian sin i pum khangh thawinak caah mei in nan khangh lai; vawlei bo men a si zungzal cang lai, sak ṭhan a si ti lai lo.

JOSHUA 6:26

Khi tikah Joshua nih chiatser in, “A tho i hi Jeriko khua a sa ṭhanmi cu Bawipa hmaiah chiatserh si seh. A fater luhloh in a hram lung cu a phum lai i A fapa hniang bik luhloh in a kutka cu a bunh hna lai,” tiah a ti hna.

1 SAMUEL 15:33

Cun Samuel nih, “Nangmah na vainam nih nu kha fa loin a tuah hna bantukin, cu bangin na nu cu nu hna lakah fa ngei lomi a si ve lai,” tiah a ti. Cun Samuel nih Agag cu Bawipa hmaiah Gilgal khua ah cun a sam cikcek.