DANIEL 2:49 - Lai (Hakha) Common Language Bible 2006

⁴⁹ Cuhleiah Daniel nih a nawl bantukin siangpahrang nih cun Shadrak, Meshak le Abednego cu Babilon ram uktu ah a ser hna. Sihmanhsehlaw Daniel tu cu siangpahrang inn ah khan a um.

DANIEL 2:49 Iomraidhean Croise

ESTHER 2:19

Cun ngaknu hna cu a voi hnihnak an i pumh tikah Mordekai cu siangpahrang kutka ah khan a ṭhu.

ESTHER 2:21

Cun cu caan ah cun, Mordekai cu siangpahrang kutka i a ṭhut lioah khan, siangpahrang a tildit pahnih innka a cawngtu Bigthana le Teresh cu an thin a hung i Siangpahrang Ahasuerus cu tlaih awk kha an timh.

ESTHER 3:2

Cun siangpahrang kutka ah a ummi siangpahrang sinum vialte hna nih khan Haman cu an kunpiak i upatnak an pek; zeicahtiah cuticun nan tuah lai tiah siangpahrang nih khan nawl a pek hna. Sihmanhsehlaw Mordekai nih cun a kunpiak lo i upatnak zong a tuahpiak lo.

PHUNGTHLÛKBIA 28:12

Miding mi nih uknak an co tikah conglawmhnak tampi a um, sihmanhsehlaw miṭhalo an kai tikah mi cu an i thup dih.

JEREMIAH 39:3

Jerusalem cu an lak tikah Babilon siangpahrang i a bawi vialte hna cu an ra i a laifang kutka ah khan an ṭhu: Samgar mi Nergal-sharezer, tilditmi lak upa bik Nebo-sarsekim, hmaisuang ralkapbu haotu Nergal-sharezer le Babilon siangpahrang i a bawi dang vialte hna cu an si.

DANIEL 1:17

Hi tlangval pali hna hi an dihlak tein Pathian nih ca lei fimnak le hngalhnak le thiamnak phun kip kha a pek hna i Daniel cu langhnak le mang sullam hngalh khawhnak pahrang kha a ngei.

DANIEL 1:7

Sihmanhsehlaw tilditmi bawi bik nih khan min thar a sak hna i Daniel cu Belteshazzar a ti, Hananiah cu Shadrak a ti, Mishael cu Meshak a ti i Azariah cu Abednego a ti.

DANIEL 2:17

Cun Daniel cu inn ah a ṭin i thil umtuning vialte cu a hawile, Hananiah, Mashael le Azariah kha a chimh hna.

DANIEL 3:1

Siangpahrang Nebukhadnezzar nih sui milem pakhat, a san pe sawm kua, a ngan pe kua a simi kha a ser i Babilon ram Dura nelrawn ah cun a dirter.

DANIEL 6:2

an cungah cun vuanzi pathum a chiah hna; siangpahrang duhnak kha a tlin khawh nakhnga mangki bawi hna nih cun cu vuanzi pathum hna sinah cun thawngthanhnak an tuah lengmang awk a si i cu pathum hna lak i pakhat cu Daniel kha a si ve.

AMOS 5:15

Ṭhat lonak kha hua u law ṭhatnak kha duh u; Biading kha biaceihnak zung ah bawiṭhutdan cungah ṭhutter u; Cuticun Bawipa, Ralkapbu Pathian cu Josef tefa a tangmi hna cungah khan zaangfahnak a hei ngei phum ko hnga.