DANIEL 12:10 - Lai (Hakha) Common Language Bible 2006

¹⁰ Mi tampi cu an i thianh lai i an thiang lai, vaar virver in an um lai, sihmanhsehlaw miṭhalo hna nih cun an hngal lai lo i ṭhat lonak kha an tuah lengmang ko lai, hruaitu fim hna lawng nih khan an hngalh lai.

DANIEL 12:10 Iomraidhean Croise

SALM 107:43

A fimmi nih cun hi thil hi ruat hna seh; Bawipa dawtnak fek cu ruat zungzal hna seh.

SALM 51:7

Ka sualnak cu ka hnawhpiak law ka thiang lai, ka ṭawl law hawhra nakin ka rang deuh lai.

PHUNGTHLÛKBIA 1:5

Cun mifim zong nih an ngaih ahcun an fimnak a ṭhang lai i Hngalhthiamnak a ngeimi nih thiamnak an hmuh chin lai i

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

EZEKIEL 36:25

Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

EZEKIEL 47:11

sihmanhsehlaw a cerh le a tidil hna cu an ti kha thlumter an si lai lo, cite sernak caah cuticun chiah an si ko lai.

DANIEL 11:33

Hi miphun a hruaitu hna mifim hna nih khan zapi cu lam an hruai hna lai, sihmanhsehlaw caan tlawmte chung cu mei le vainam in hremmi ah an tla lai i saltannak le ramhnak kha an in lai.

DANIEL 11:35

Hi hruaitu hna lakah hin a cheu cu thah an si lai i annih cu hneksak cikcek le thianh an si lai i a vaar in an vaar lai. Asinain caan khiahmi cu a donghnak a phan ṭhiamṭhiam ve lai.

DANIEL 12:3

Hruaitu fim hna cu van i arfi ceu bantukin an ceu lai i Lamding ah mizapi a hruaitu hna cu zungzal in zungzal tiang arfi bantuk an si lai.

HOSEA 14:9

A fimmi nih cun hika i aa ṭialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

MALAKHI 3:3

Levi mi kha a thianh hna lai i ngun le sui an ṭawl hna bantukin a ṭawl hna lai i cucaah Bawipa sin i laksawng a rak putu dingah khan an i tlak lai.

MARKA 4:11

Jesuh nih cun a leh hna i, “Pathian Pennak biathli cu nannih cu pek nan si cang, sihmanhsehlaw lenglei i a ummi hna cu bianabia lawnglawng in cawnpiak an si.

LUKA 24:25

Cun Jesuh nih cun a thawh hna i, “Nan va hrut thiam dah! Profet nih an chimmi zumh kha nan vaa harh hringhran dah.

JOHAN 18:37

Cucaah Pilat nih cun, “Siangpahrang cu tah na si kun maw?” tiah a hal. Jesuh nih, “Siangpahrang na si tiah na ka ti. Hi vawlei ah ka chuah chan le ka rat chan cu biatak kong chim hi a si. Biatak kha a hna a phihkanh lomi paoh nih cun ka bia kha an ngaih,” tiah a ti.

JOHAN 7:17

Pathian duhnak tuah a duhmi hna nih cun, kan cawnpiakmi hna hi Pathian sinin a rami maw a si keimah i ka hei in cawnpiak menmenmi hna dah a si, ti kha nan hngalh ko lai.

JOHAN 8:47

Pathian sinin a rami nih cun Pathian bia kha a ngaih, sihmanhsehlaw nannih cu Pathian sinin a rami nan si lo i cucaah cun nan ngaih duh lonak cu a si,” tiah a ti hna.

1 KORIN 6:11

A cheu cu cu bantuk cu nan rak si. Asinain sualnak in thianh nan si cang; Pathian sinah pekchanh nan si cang; Bawipa Jesuh Khrih min le kan Pathian Thlarau thawngin Pathian he remter nan si cang.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

HEBRU 12:10

Minung kan pale nih cun anmah nih ahmaan ti i an hmuhning in an kan chimhhrin i caan tawite ca lawng a si tawn; sihmanhsehlaw Pathian nih a kan chimhhrin cu kanmah ca ṭha dingah le a thiannak kha kan i hrawm khawh ve nakhnga caah a si.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

BIAPHUAN 16:11

cun fahnak le hmachia an in ruangah khan vancung Pathian cu an thangchiat. Asinain an lam ṭhalo kha an kaltak hlei lo.

BIAPHUAN 19:14

Vancung ralkap bu nih khan rang rang cungin an zulh i puan rang in an i thuam.

BIAPHUAN 19:8

Aa thuamhnak dingah, puan hmang ṭhia a thiang i a cer in a cermi kha pek a si cang,” an ti. (Puan hmangṭhia cu Pathian mi hna nih ding tein rian an ṭuanmi kha a si).

BIAPHUAN 22:11

Miṭhalo cu ṭhat lonak kha tuah lengmang ko seh, fihnung a simi cu fihnung kha tuah lengmang ko seh, miṭha a simi cu ṭhatnak kha tuah lengmang ko seh, mithiang a simi cu thiannak kha tuah lengmang ko seh,” a ti.

BIAPHUAN 3:18

Cucaah ruahnak kan cheuh duhmi cu, keimah sinin sui thiang taktak kha ka caw law na rum lai. Cun naa thuamhnak ding le taklawng in na umnak ningzahnak khuhnak ding caah, thil rang i cawk fawn. Cun na mit thuh awkah si zong i cawk law cuticun khua na hmu kho lai.

1 SAMUEL 24:13

Hlanlio mi hna phungthluk ah, ‘Miṭhalo chungin ṭhat lonak a chuak,’ ti a si; sihmanhsehlaw ka kut nih cun an tu lai lo.