DANIEL 11:23 - Lai (Hakha) Common Language Bible 2006

²³ Hrokhrawl in ramdang he ṭanṭinak kha a ser duahmah lai i amah a zultu mi kha tlawmte hna hmanh seh law amah cu nawlngeihnak kha a hun ngei lai i daihnak caan lioah khan fek ṭhup in aa hmung lai.

DANIEL 11:23 Iomraidhean Croise

GENESIS 34:13

Jakob fapa pawl nih cun, Shekhem nih an farnu Dinah kha a thang a chiat caah bia an leh hna tikah Shekhem le a pa cu an hlen hna.

SALM 52:2

Midang hrawhnak ding caah khua na khang lengmang, na lei cu a harmi nam bantuk a si, lih lawng kha na chim ṭualmal ko.

PHUNGTHLÛKBIA 11:18

Miṭhalo nih ahmaan loin miaknak a hmuh tawn, ṭhatnak a tuhtu nih cun laksawng taktak cu a hmuh lai.

DANIEL 11:22

Amah a dohtu ralkapbu kha a tei thluahmah hna lai i Pathian tlangbawi hmanh kha a hloh lai.

DANIEL 11:24

Ram chung i a rum bikbik hmun kha a tei hna lai i a pa le a pu hna nih an rak tuah khawh lomi kha a tuah lai, a zultu hna kha hranchaw le thilri kha a phawt hna lai. Ralhruang kha nam awkah khua a khan lai sihmanhsehlaw caan tawite ca lawngah a si lai.

DANIEL 8:24

A ṭhawnnak cu a ngan ngaingai lai, Sihmanhsehlaw a ṭhawnnak cu amah thazang thawngin a si lai lo. Rawknak tampi kha a tuah lai i thil a tuahmi paoh ah a hlawhtling lai. Miphun nganngan hna le miphun thiang kha a hrawh hna lai.

DANIEL 8:25

Amah cu a zer caah zernak in khua a khanmi ah khan a hlawh a tling lengmang lai; Thil ngan pipi kha a lung chungin a ruah a khan hna lai i Bawi vialte Bawipa hmanh kha a zuam lai i amah cu tei a si lai nain minung kut in a si lai lo.

ROM 1:29

Annih cu ṭhat lonak a phunphun le duhfahnak le puarnak le nahchuahnak in an khat i an lungthin cu lainawnnak le i dohnak le i hlennak le ziarngeihnak in a liam in a liam. Pakhat le pakhat an i congoih,

2 KORIN 11:3

Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.

2 THESALON 2:9

Miṭhalo Pa cu Satan ṭhawnnak in a ra lai i khuaruahharnak a phunphun le hlennak hmelchunhnak a phunphun kha a tuah hna lai i