DANIEL 10:2 - Lai (Hakha) Common Language Bible 2006

^2-3 Khi caan ah cun kei Daniel cu zarh thum kheng zun ngaiin ka um. Rawl thaw paohpaoh kha ei kaa sum, sa zong ka ei lo, zu zong ka ding lo, cun zarh thum a dih hlan cu sathau zong kaa thuh lo.

DANIEL 10:2 Iomraidhean Croise

NEHEMIAH 1:4

Hi bia cu ka theih tikah ka ṭhu i ka ṭap i saupi ngaihchia in ka um i vancung Pathian hmaiah khan rawl ul lengmang le thlacam lengmang in ka um.

SALM 42:9

Pathian ka lungpi cu ka thawh i, “Zeicahdah na ka philh? Ka ral nih an ka hremnak hi zeicahdah ka in zungzal ko lai?

SALM 43:2

Nangmah cu a ka hupphengtu Pathian na si; zeicahdah na ka kaltak? Ka ral nih an ka hremnak hi zeicahdah ka in zungzal ko lai?

ISAIAH 66:10

Jerusalem a dawmi vialte hna, Jerusalem he cun i lawm ṭi u law amah ruangah cun nan tha nuam tuah u. Hmasa i a rak ṭahtu vialte hna, atu cu amah he cun i lawm tuah u.

JEREMIAH 9:1

Ka lu hi tikhor hei si seh law, Ka mit hi mitthli cerhtiput hei si seh law ka hei duh dah, Cuticun ka mi a thimi hna kha chunzan in ka ṭah khawh hna hnga.

DANIEL 10:12

“Daniel, na thin phang hlah, zeicahtiah hngalh awkah na lung na bunh ni khan le na Pathian hmaiah na pum sifah naa pek ni khan, na thlacamnak cu Pathian nih a theih cang i cu na thlacamnak lehnak ah cun ka ratnak hi a si.

MATTHAI 9:15

Jesuh nih cun, “Nupi ṭhit rawl danghnak puai ah, nupi ṭhitu a um chungah cun zeitindah an sawmmi hna cu ngaihchia in an um lai? Sihmanhsehlaw nupi ṭhitu an sinin aa ṭhen caan kha a phan ve te lai i cu tikah cun rawl cu an ul te ko lai.

ROM 9:2

Ka miphun, ka thi le ka sa a simi hna caah ka ngaih a chia hringhran ko i ka lung chung fahnak cu a dong lo.

JEIM 4:9

Ngaihchia in um u, ṭap u law ai u; nan nihnak kha ṭahnak in thleng u, nan i lawmhnak kha ngaihchiatnak in thleng u.

BIAPHUAN 11:5

Harnak pek a zalmi hna paoh kha an kaa chungin a chuakmi mei in an thah hna; hi bantukin harnak pek a timtu hna paoh cu thah an si lai.