DANIEL 1:7 - Lai (Hakha) Common Language Bible 2006

⁷ Sihmanhsehlaw tilditmi bawi bik nih khan min thar a sak hna i Daniel cu Belteshazzar a ti, Hananiah cu Shadrak a ti, Mishael cu Meshak a ti i Azariah cu Abednego a ti.

DANIEL 1:7 Iomraidhean Croise

GENESIS 41:45

Josef cu Zafenath-paneah min a sak. Cun nupi a ṭhitpiak i a nupi cu, On khua tlangbawi Potifera fanu Asenath a si. Josef cu Izipt ram chungah khan cuticun nawl a ngei.

2 SIANGPAHRANG 23:34

Cun Faro Neko nih Josiah fapa Eliakim cu a pa Josiah hmun ah khan siangpahrang ah a canter i a min cu Jehoiakim tiah a let. Sihmanhsehlaw Jehoahaz cu a kalpi i Izipt ram a phan i khika ah a thi.

2 SIANGPAHRANG 24:17

Cun Babilon siangpahrang nih cun Jehoiachin i a pacheu Mattaniah kha amah hmun ah khan siangpahrang ah a chiah i a min cu Zedekiah ah a thlen.

DANIEL 1:19

Siangpahrang nih cun bia a ruah hna i Daniel le Hananiah le Mishael le Azariah a tluktu kha ahohmanh an um lo, cucaah siangpahrang rian ah khan an lut.

DANIEL 1:3

Khi tikah siangpahrang nih cun tilditmi bawi bik Ashpenaz kha a thawh i, “Israel mi saltangmi hna lak i bawi phun le tuavon hna chung khan tlangval tlawmpal in na thim hna lai.

DANIEL 10:1

Persia siangpahrang Sairas a bawi kum thum kum ah Belteshazzar ti zongah a min sak a simi Daniel sinah bia pakhat kha phuan a si. Hi bia cu biangai a si nain a sullam hngalh awk a har ngaingaimi bia a si. Langhnak a hmuhmi thawng khan a sullam a hun hngalh khawh.

DANIEL 2:26

Khi tikah siangpahrang nih Daniel cu a thawh i, “Ka mang i ka hmuhmi kha zeidah a si le a sullam cu na ka chim kho lai maw?” tiah a ti. (Daniel cu Belteshazzar ti zongah ti a si).

DANIEL 2:49

Cuhleiah Daniel nih a nawl bantukin siangpahrang nih cun Shadrak, Meshak le Abednego cu Babilon ram uktu ah a ser hna. Sihmanhsehlaw Daniel tu cu siangpahrang inn ah khan a um.

DANIEL 4:5

ka ihnak i ka ih lioah mang pakhat ka manh i cu nih cun ka thin a ka phanter.

DANIEL 4:8

Sihmanhsehlaw annih nih an let kho lo. Asinain a dang pakhat ka hmaiah cun a ra chuak i amah cu Daniel a si, ka pathian min zulh in Belteshazzar ti zongah ti a si; amah cu pathian thiang hna thlarau nih an umhnawhmi a si.

DANIEL 5:12

Hi Daniel, siangpahrang nih Belteshazzar tiah min a sakmi hi hawi hlei in thil ti khawhnak a ngei tiah hngalh a si i hngalhnak le fimnak le mang leh khawhnak le biahar fianter khawhnak le dawi leh khawhnak a ngei; amah cu atu ah auh si seh law a sullam a chim khawh ko lai,” tiah a ti.