DANIEL 1:4 - Lai (Hakha) Common Language Bible 2006

⁴ Annih cu aa dawhmi, an pum cungah tlin lonak zeihmanh a ngei lomi, a fimmi, a thiammi, an si lai i siangpahrang inn i rianṭuan dingah aa tlakmi an si lai. Cun Khaldi mi ca le holh kha na cawnpiak hna lai,” tiah a ti.

DANIEL 1:4 Iomraidhean Croise

GENESIS 41:46

Izipt ram siangpahrang Faro kut tang i rianṭuan hram aa thawk ah khan Josef cu kum sawm thum a si. Siangpahrang cu khualtlawnnak nawl kha a hal i Izipt ram chung khuazakip ah khan aa chawk.

2 SAMUEL 14:25

Israel mi vialte lakah dawh leiah Absalom tlukin thangṭhat awk aho hmanh an um lo; a kechik in a luthlung tiang soisel awk pakhat hmanh a um lo.

PHUNGTHLÛKBIA 22:29

Amah a rian ah a thiammipa cu siangpahrang hna hmaiah a dirmi a si lai, mi sawhsawh hna hmai men ah a dirmi a si lai lo.

PHUNGCHIMTU 7:19

Uktu pahra nih khua pakhat caah ṭhatnak an tuahmi nakin fimnak nih minung pakhat caah a tuahmi cu a tam deuh.

ISAIAH 36:11

Cun Eliakim le Shebna le Joah nih khan ralbawipa cu, “Aramaik holh in kan chawn, kan hngalh ko. Hebru holh cun kan chawn hlah; ralhau cung mi vialte nih kan bia an kan ngaih ko,” an ti.

JEREMIAH 5:15

Maw Israel innchungkhar, zohhmanh, Na cungah lamhlatpi in miphun phun khat ka ratpi lio, tiah Bawipa nih a ti. Cu miphun cu miphun ṭhawng ngai, hlan piin a rak ummi, An holh nan theih lomi miphun, an chimmi zong nan hngalh khawh lomi miphun a si.

DANIEL 2:10

Siangpahrang cu Khaldi mi hna nih cun an thawh i, “Siangpahrang nih hngalh na duhmi hi vawlei cung khuazeihmanh ah a chim khomi an um lai lo. Siangpahrang ahohmanh nih, a ngan bik le a ṭhawng bik hna hmanh nih, hi bantuk ngelcel in mitlehthiam hna le khuachia ṭhawlthiam hna le Khaldi mi hna kha an ti bal hna lo.

DANIEL 2:2

Khi tikah siangpahrang nih cun mitlehthiam hna le camhthiam hna le khuachia ṭhawlthiam hna le eihthiam hna kha a kawh hna i ka mang cu a sullam ka chim u, tiah a ti hna. Annih nih an rat i siangpahrang hmaiah an dir tikah khan a thawh hna i,

DANIEL 3:8

Khi tikah Khaldi mi mi cheukhat cu an ra i Judah mi kha sual an phawt hna.

DANIEL 4:7

Mitlehthiam hna le khuachia thawl thiam hna le Khaldi mi hna le mang ih thiam hna kha an ra i an hmaiah cun ka mang cu ka chim.

DANIEL 5:11

Na ram chungah hin mipa pakhat, a chung i pathian thiang hna thlarau a ngei i na pa chan ah hngalhnak a ngei ti hngalhnak a fiangmi le pathian fimnak bantuk fimnak a ngei ti hngalhmi a um. Na pa Nebukhadnezzar siangpahrang nih khan mitleh thiam hna le khuachia ṭhawlthiam hna le Khaldi mi hna le mang ihthiam hna haotu bik ah khan a chiah.

DANIEL 5:7

Khuachia ṭhawlthiam hna le camhthiam hna le mang ihthiam hna kha, runpi hna u, tiah fak piin a au i Babilon mifim hna cu. “Hi ca ṭialmi hi a rel kho i a sullam a ka chim khotu paoh cu puan sen aih an si lai i a hngawng ah sui ṭhi rual oih an si lai i ka pennak chungah bawi ngan pathumnak an si lai,” tiah a ti.

DANIEL 9:1

Ahasuerus fapa Darius (a chuahkehnak lei in ti ahcun amah cu Media mi a si i amah cu Khaldi mi hna ram chung bawi i sermi a si) a bawi kum khatnak ah,

ZEKHARIAH 2:4

a dang vancungmi pakhat amah ton awkah cun a hung chuak i, “Va tli law tlangvalpa khi va chim law, Jerusalem khua cu kulhnak a ngei lomi khua a si lai i a chung i a ummi minung le saṭil cu an tam tuk hringhran lai.

LAMKALTU 7:20

Hi caan lioah hin Moses kha a rak chuak i fa dawh ngai a si. Inn ah thla thum an zohkhenh i

LAMKALTU 7:22

Moses cu Izipt fimnak vialte kha an cawnter i bia ah siseh, thil tinak ah siseh, mingan ngaingai ah a hung cang.

EFESA 5:27

Cu ti a tuah cu khrihfabu kha i dawhte le thiangte le soi awk zeihmanh um lo le dawh lonak le sawngkornak zeihmanh um lo le tlin lonak dang zeihmanh um loin amah sin lila ah khan pek a duh caah a si.

BIACEIHTU 8:18

Cun Zebah le Zalmunna cu, “Tabor i nan thahmi hna kha khuazei ah dah an um?” tiah a ti hna. Annih nih, “Nangmah bantuk hi an si ve ko, an dihlak in; siangpahrang fapa an lo hna,” tiah an leh.