DANIEL 1:2 - Lai (Hakha) Common Language Bible 2006

² Bawipa nih Nebukhadnezzar cu Judah siangpahrang Jehoiakim kha a tlaihter i biakinn chung thil zong kha tlawmpal a lakter. Thongtla hna cu Babilon ram i a pathian inn ah khan a kalpi hna i thilri hna cu chawhlawn chiahnak inn ah khan a chiah hna.

DANIEL 1:2 Iomraidhean Croise

GENESIS 10:10

Pennak a uk hmasa bikmi hna cu Babel, Erek le Akkad an si i an dihlak in Shinar ram chung ummi an si.

GENESIS 11:2

Nichuahlei i an hei i thawn tikah Shinar ram ah khan nelrawn pakhat an va phan i cuka ah cun umhmun an khuar.

2 SIANGPAHRANG 24:1

Amah chan ah cun Babilon siangpahrang Nebukhadnezzar kha a hung i Jehoiakim cu kum thum chung a sal ah a cang; sihmanhsehlaw aa let i a doh.

2 CHANRELNAK 36:5

Jehoiakim cu pen hram a thawk ah kum kul le kum nga a si i Jerusalem in kum hleikhat a pen. Bawipa a Pathian mithmuh i thil ṭhalo kha a tuah.

2 CHANRELNAK 36:7

Bawipa inn chung i a ummi umkheng a cheu hna zong kha Nebukhadnezzar nih Babilon ah a kalpi hna i Babilon i a siangpahrang inn ah cun a chiah hna.

EZRA 1:7

Nebukhadnezzar nih Jerusalem i a rak kalpi i a pathian hna inn chungah a rak chiahmi Bawipa inn umkheng hna zong kha Sairas siangpahrang nih cun a chuah hna.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 42:24

Aho nih dah Israel cu thil chuttu hna kut chungah khan a chanh? Bawipa hrimhrim kha a si, a cung i sualnak kan tuahmi Bawipa kha a si. Cuticun nung hna seh a kan tining in kan nung duh lo, a kan cawnpiakmi zong kha ka ngai lo.

JEREMIAH 25:1

Josiah fapa Jehoiakim, Judah siangpahrang, a bawi kum linak ah Judah mi vialte kong i Jeremiah sin i a phanmi bia cu hihi a si, (cucu Babilon siangpahrang Nebukhadnezzar a bawi kum khatnak a si ve),

JEREMIAH 27:16

Cun tlangbawi hna le mi vialte hna sinah cun ka chim i, Bawipa nih hi bangin a ti, tiah ka ti: Bawipa inn umkheng hna cu tuante Babilon in kirpi an si ṭhan lai, tiah a titu profet hna cu an bia ngai hna hlah u, an in hlennak hna men a si.

JEREMIAH 28:3

Kum hnih chungah, Babilon siangpahrang Nebukhadnezzar nih hi hmun in Babilon ah a kalpimi umkheng vialte cu hi hmun ah hin ka rak kirpi ṭhan hna lai.

JEREMIAH 35:11

Sihmanhsehlaw Babilon siangpahrang Nebukhadnezzar nih hi ram a ra doh tikah, “Ra u law Khaldi mi ralkapbu hna le Aramean mi ralkapbu a ra liomi hna hlanah hin Jerusalem ah kal u si,” a kan ti i cucaah Jerusalem ah hin kan um,’ an ti.

JEREMIAH 50:2

“Miphun kip sinah chim law thanh tuah, Hmelchunhnak tar law thanh tuah, Thup hlah; “Babilon cu a tlu cang, Bel cu ningzahnak a phan cang, Marduk cu a hnabei a dong cang, Babilon siasal hna cu ningzahnak an phan cang, a pathian deu hna cu an hnabei a dong cang.

JEREMIAH 51:44

Babilon ah Bel cu dan ka tat lai i A dolhmi kha ka chakter ṭhan lai; Miphun hna cu amah sinah khan an ra tungmang ti lai lo, Babilon kulhnak vampang cu a cim cang;

DANIEL 5:13

Cun Daniel cu siangpahrang hmaiah cun an run luhpi i siangpahrang nih cun a thawh i, “Nangmah hi maw Daniel cu na si? Siangpahrang ka pa nih Judah ram in saltangmi si awkah a ratpimi hna lak i aa tel vemi cu maw na si?

DANIEL 5:18

Siangpahrang ka bawipa, Cung Nung Bik Pathian nih na pa Nebukhadnezzar cu pennak le ṭhawnnak le sunparnak le lianhngannak kha a pek;

HABAKKUK 1:16

Cucaah an sur ngan kha raithawinak an pekchanh hna i an sur kha khangh thawinak an pekchanh hna; Zeicahtiah nun nuam ngaiin an nunnak le rawl tampi an ngeih khawhnak cu an sur hna thawng cun a si.

ZEKHARIAH 5:11

“Shinar ram ah an kalpi i cuka ah cun a caah inn pakhat an sak lai i cu inn cu lim a si tikah a chungah cun bawm cu an chiah lai i an biak lai,” tiah a ka leh.

DEUTERONOMI 32:30

An Lungpi nih a rak zuarh hna i Bawipa nih a rak hlawt cang hna dah ti lo ahcun, Zeitindah pakhat nih thong khat kha a dawi hna lai i, Pahnih nih thong hra cu an zamter hna lai?

BIACEIHTU 2:14

Cucaah Bawipa thinhunnak cu Israel cungah a alh i miramhtu hna sinah khan a pek hna i an ramh hna; cun an pawngkam i a ummi an ral hna kut chungah a zuarh hna, cucaah annih nih an ral kha an celh kho ti hna lo.

BIACEIHTU 3:8

Cucaah Bawipa thinhunnak cu Israel mi cungah a alh i Mesopotamia siangpahrang Kushan-rishathaim kut chungah khan a zuarh hna; cu caah Israel mi nih cun Kushan-rishathaim cu kum riat an rianh.

BIACEIHTU 4:2

Cun Bawipa nih Kanaan siangpahrang Jabin, Hazor i siangpahrang a simi kut chungah khan a zuarh hna; a ralbawi cu Harosheth-Hagoiim i a ummi Sisera a si.

1 SAMUEL 5:2

cun Filistin mi nih cun Pathian kuang cu an lak i Dagon inn chungah an luhpi i Dagon pawngah cun an chiah.