BIAPHUAN 9:21 - Lai (Hakha) Common Language Bible 2006

²¹ Cun an lainawn le an pumsa camh le an pumsa sualnak le an fir zong kha an i ngaihchih hlei fawn lo.

Laibaibal Thiang (BSI)

²¹ Cun lainawn le doih, nupa sualnâk tuah le thil an fir tawnmi zong an i ngaihchih hlei lo.

BIAPHUAN 9:21 Iomraidhean Croise

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

BIAPHUAN 17:5

A cal ah min pakhat aa ṭial i cu min cu sullam hleng a ngei. Cu min cu, “A liannganmi Babilon, vawlei cung hlawhhlangnu vialte le sual thurnak vialte nu,” ti a si.

2 KORIN 12:21

Nan sin ka rat nolh tik cu, ka Pathian nih nan hmaiah ningzak in a ka umter sual lai ti ka phang. Nun thur in a rak nung i nu le pa sualnak pumsa duhnak an tuahmi aa ngaihchih lomi hna ruangah khan ka ṭap lai.

BIAPHUAN 17:2

Vawlei cung siangpahrang hna nih hlawhhlangnu milianngan nu he cun sualnak an tuah i a sualnak zu an dinnak cun vawlei cung mi cu an ri dih,” a ti.

BIAPHUAN 18:3

Zeicahtiah a zu kha mi vialte a pek hna i a dinter hna — a hornak zu ṭhawng kha a dinter hna. Vawlei cung siangpahrang hna nih amah he cun nu le pa sualnak an tuah i aa sum lomi a hornak nih cun vawlei cung khuazakip chawlet pawl kha a rumter hna,” a ti.

ISAIAH 47:9

Asinain chikkhatte ah, ni khatte ah, hi thil hi an pahnih in na cungah an tlung lai. Camh cu zeizat hmanh na hmang ko lai nain na fale cu an thi ṭhiamṭhiam ko lai i nuhmei cu na si ṭhiamṭhiam ko lai.

BIAPHUAN 16:6

Pathian mi hna le profet hna kha an thi an rak chuah hna caah nangmah nih annih cu din awkah thi kha na pek ve hna. Annih nih hmuh awk i an i tlakmi kha an hmuh ko,” a ti.

BIAPHUAN 14:8

Vancungmi pahnihnak nih pakhatnak kha a hun zulh i, “Minu cu a ril cang! Babilon khuapi cu a ril cang. A zu cu mi vialte kha a pek hna i a dinter hna — cu a zu cu a hornak zu ṭhawng kha a si,” a ti.

GALATI 5:20

siasal biak tehna le dawih le eih tehna hi an si. Pakhat le pakhat an i ral, an i do, an i nahchuah, an thin a hung anmah zawn cio lawng an ruat, an i ṭhen,

MATTHAI 15:19

Zeicahtiah lai a nawntertu, nu le pa sualnak a tuahtertu, thil ṭhalo dangdang a tuahtertu, a firtertu, lih a chimtertu, mi a congoihtertu ruahnak ṭhalo vialte cu a lung chungin a hung chuakmi an si.

ISAIAH 57:3

Nannih misual mi, mifihnung hna, hika ah hin biaceih awkah ra tuah u. Nannih cu vacung in pa a duhmi hna le hlawhhlangnu hna nakin nan ṭha deuh hlei lo.

ISAIAH 47:12

“Na camh le na eih vialte kha i chiah hna; na no lio tein na hman zungzalmi an si. A bawmh zong an hei in bawmh khawh ko hnga dahkaw, na ral kha an thin zong na hei phanter khawh ko hna hnga dahkaw!

BIAPHUAN 19:2

A biaceihmi cu dingte le hmaan tein a ceih. Vawlei a hornak in a thurhnawmhtertu hlawhhlangnu milianngan nu kha sual a phawt cang. Pathian sal kha a thah hna caah Pathian nih dan a tat cang,” a ti.

BIAPHUAN 13:15

Sahrang pakhatnak milem chungah khan sahrang pahnihnak cu nunnak thaw khumhnak nawl pek a si i cucaah milem cu a holh kho i amah a bia lomi cu a thah hna.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

DANIEL 11:33

Hi miphun a hruaitu hna mifim hna nih khan zapi cu lam an hruai hna lai, sihmanhsehlaw caan tlawmte chung cu mei le vainam in hremmi ah an tla lai i saltannak le ramhnak kha an in lai.

BIAPHUAN 13:13

Sahrang pahnihnak nih cun khuaruahhar ngan pipi kha a tuah hna; mi vialte mit hmuh ah vancung in mei kha vawlei ah a tlakter.

BIAPHUAN 13:7

Pathian mi kha doh awk le tei awkah onh a si i phun kip ram kip holh kip le mi kip cungah nawlngeihnak nawl pek a si.

BIAPHUAN 9:20

Hi hremnak pathum nih a thah lomi, a taangmi minung hna nih khan, anmah nih an ser chommi thil kha an mertak hlei hna lo. Khuachia biak kha an ngol lo i sui le ngun le dar le lung le thing in sermi siasal, khua zong a hmu kho lomi, a theih zong a thei kho lomi, a kal zong a kal kho lo mi biak kha an ngol hlei fawn lo.

BIAPHUAN 17:4

Nu cu maimaw le puansen in aa thuam i sui hlawn le lungvar le pale lungvar in aa ṭamh. A kut in sui hrai pakhat aa put i cu sui hrai cu fihnung le ṭeifiak in a khat, cu fihnung le ṭeifiak cu a sualnak theitlai kha an si.