BIAPHUAN 9:2 - Lai (Hakha) Common Language Bible 2006

² Dongh hngal lo khor cu arfi nih cun a vun hun i somei nganpi chung i meikhu a chuakmi bantuk meikhu kha a hung chuak hluahmah; cu dongh hngal lo khor in a chuakmi meikhu nih cun ni ceunak le thli kha a muihter dih hna.

Laibaibal Thiang (BSI)

² Cun taw a ngei lomi khor kha a on i khor chungin meikhu tampi sosernâk meikhu bantuk a hung chuak. Cuticun khor chungin mei khu ruangah ni le vanrâng khi muihter an si.

BIAPHUAN 9:2 Iomraidhean Croise

GENESIS 15:17

Cun ni a tlak i khua a muih tikah a khumi mei um pakhat le a alhmi mei tom pakhat kha an hung chuak i sa a chiahmi hna karlak ah khan an kal.

GENESIS 19:28

Sodom le Gomorrah le nelrawn cu a vun cuanh hna i, somei nganpi chung i meikhu a chuah hluahmah bantuk khin, vawlei cun meikhu cu a tho.

EXODUS 19:18

Bawipa cu Sinai Tlang cungah khan mei in a rung ṭum caah Sinai Tlang cu a dihlak in meikhu nih a zelh. Meikhu cu meiphu meikhu bantuk khin a kai hluahmah i mi zapi cu an dihlak in a ther in an ther.

ISAIAH 14:31

Filistin mi khuapi hna, ai u law, bawmhnak duh ah au tuah u! Nan dihlak in therphang in um u. Chaklei in leidip khu a rung lio — cu leidip khu cu ralchia aa tel lomi ralkap an si.

DANIEL 3:6

A bawk lo i a bia lomi paoh cu a alh hluahmahmi meiphu chungah paih nan si lai,” tiah a ti.

JOEL 2:10

An hmaiah cun vawlei kha aa hnin i van kha an ther, Ni le thlapa kha an mui i arfi kha an ceu ti lo.

JOEL 2:2

Cu ni cu muihnak le khuachiat ni, Chum le minmei aa zelh ni a si lai. Tlang cungah khin nak khupmap in khaubawk bu ngan pipi cu an hung chuak; Anmah bantuk cu a um bal lo i hmailei caan zongah a um bal fawn lai lo.

JOEL 2:30

“Cu ni a rat lai nakding hmelchunhnak hna cu van le vawlei ah ka langhter hna lai: Thisen chuahnak le mei le meikhu tlangtlang an si lai.

LAMKALTU 2:19

Cunglei van ah khin khuaruahharmi thil ka tuah hna lai i Tanglei vawlei ah hin hmelchunhnak ka umter hna lai — thisen le mei le a chahmi meikhu an si lai.

BIAPHUAN 14:11

A hremtu hna mei a khu cu zungzal in a kai zungzal ko. Sahrang le a milem a biami le sahrang hmelchunhnak a ngeimi hna caah cun, chun zongah zan zongah lungdaih hnangamnak zeihmanh a um ti lo.

BIAPHUAN 16:10

Cun vancungmi panganak nih a kanto cu sahrang bawiṭhutdan cungah khan a bungh. Sahrang pennak ram cungah khan muihnak a tlung ciammam i fahnak an inmi kha a fah tuk caah an lei kha an i seh,

BIAPHUAN 8:12

Cun vancungmi palinak nih a muko cu a vun tum, nika cu cheu thum ah cheu khat a beuh i thlapa zong cheu thum ah cheu khat a beuh ve, arfi zong cheu thum ah cheu khat an lo fawn. Cucaah cun an ceunak cu cheu thum ah cheu khat a zor i chun ah ṭhen thum ṭhen khat chung a mui i zan zongah ṭhen thum ṭhen khat chung ceunak a um lo.

BIAPHUAN 9:1

Cun vancungmi panganak nih khan a muko cu a vun tum, van in vawlei ah arfi pakhat a tlami ka hmuh; dongh hngal lo khor tawh kha amah cu an pek.

BIAPHUAN 9:11

An uktu ah siangpahrang pakhat an ngei i dongh hngal lo khor a uktu vancungmi kha a si. A min cu Hebru holh in Abaddon ti a si; Grik holh cun Apollyon ti a si i a sullam cu “Hrawktu” tinak a si.

BIAPHUAN 9:17

Cun langhnak ka hmuhmi ah cun rangtum hna le an cung i aa citmi cu ka hmuh hna: an ṭangphaw cu mei bantukin a sen, safaiar lungvar bantukin a dum i kat bantukin a eng. Rangtum cu an lu chiandeih lu bantuk an si i an kaa chungin mei le meikhu le kat kha an chuak.