BIAPHUAN 7:3 - Lai (Hakha) Common Language Bible 2006

³ Vancungmi nih cun, “Kan Pathian sal hna kha an cal ah hmelchunhnak kan khenh hna hlan cu vawlei le rili le thingkung kha hrawk hna hlah u,” tiah a ti.

Laibaibal Thiang (BSI)

³ kan Pathian salle hna cu an cal i kan chihchiah hna hlanah cun lei le rili le thinghna cu hrawk rih hlah u, tiah a ti.

BIAPHUAN 7:3 Iomraidhean Croise

EXODUS 12:13

Thisen hi nannih nan umnak inn hmelchunhnak a si lai. Thisen kha ka hmuh tikah nannih cu kan lanhtak hna lai i Izipt ram ka hrem tikah dantatnak nih a chuahtermi rawhralnak cu nan cungah a tlung lai lo.

EXODUS 12:23

Bawipa cu Izipt mi hna kha thah awkah Izipt ram i aa chawh tikah nan innkaba cung thi le nan innka tung cung thi kha a hmuh hna lai i cuticun hrawktu kha nanmah thah awkah nan inn chungah khan lut loin a umter lai.

ISAIAH 27:8

Bawipa nih a mi hna dan a tat hna cu, ramdang i a kalter hna kha a si. A ṭhawngmi thli, nichuahlei thlitu kha a choihter hna.

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

ISAIAH 6:13

Ram chungah hin mi pahra an taan hmanh ah cu hna zong cu thah an si ṭhiamṭhiam lai; annih cu mi nih an haumi kuhthing chumhmui bantuk an si lai,” a ti. (Cu thing chumhmui cu Pathian miphun a thar in an i thawk ṭhannak ding hmelchunhnak a si.)

ISAIAH 65:8

Bawipa nih aa thawh i, “Mitsur thei ṭha cu ahohmanh nih an rawk bal lo, mitsur hang sernak tu ah khan an hman hna. Cu bantukin kei zong nih ka mi cu an dihlak in ka hrawk hna lai lo, ka rian a ṭuantu cu ka khamh hna lai.

EZEKIEL 9:4

“Khua chungah khan vaa chawk tuah, Jerusalem khua chungah khan vaa chawk tuah, khika i thil fihnung an tuahmi ruang i a ṭapmi hna le a ngaih a chiami hna kha an cal ah hmelchunhnak va khenh hna, tiah Bawipa nih a ti,” tiah a ti.

EZEKIEL 9:6

An dihlak in that hna u law hrawk dih hna u, a tar siseh, a no siseh, nu ngakchia si hna seh, ngakchia tete si hna seh, nu si hna seh, that dih hna u; sihmanhsehlaw hmelchunhnak a ngeimi kha cu ahohmanh tawng hna hlah u; ka hmunthiang khan i thawk u,” tiah a ti thawng kha ka theih. Cucaah biakinn hmai khan upa hna nih cun an i thawk.

DANIEL 3:17

“Maw siangpahrang, hi kong ah hin kan in leh awk a herhmi a um ti awk zeihmanh kan hngal lo; a alh hluahmahmi meiphu chungin le na kut chungin kan biakmi Pathian nih a kan khamh khawh ahcun, kan khamh ko seh;

DANIEL 3:26

Nebukhadnezzar nih cun a alh hluahmahmi meiphu a kaa cu a hei naih i mi cu a hei auh hna i, “Shadrak, Meshak le Abednego, Cung Nung Bik Pathian sal hna, hung chuak u law hika ah hin ra tuah u,” tiah a ti hna. Cun Shadrak, Meshak le Abednego cu mei chung cun an hung chuak.

DANIEL 6:16

Cucaah siangpahrang nih cun nawlbia a chuah i Daniel cu an ratpi i chiandeih thong ah cun an thlak; sihmanhsehlaw Daniel cu a thawh i, “A rian na ṭuan zungzalmi na Pathian nih khan an khamh ko lai,” tiah a ti.

ZEFANIAH 2:3

Ram chungah toidor tein a phung kha a zul i khua a sami vialte hna, Bawipa cu kawl tuah u; Dinnak cu kawl u, toidornak lungthin cu kawl u; Bawipa thinhun ni ah cun dornak nan hmu kho lai lo dahkaw.

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.

MATTHAI 24:22

Cu caan cu Pathian nih rak tawiter hlah seh law ahohmanh a nungmi an um hnga lo. Asinain Pathian nih a mithim mi hna caah, cu caan cu a tawiter lai.

MATTHAI 24:31

Muko nganpi cu an tum lai i a vancungmi kha vawlei kil li ah a thlah hna lai i vanrang toi khuazakip in a mithim hna kha a pumh hna lai.

JOHAN 12:26

Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

JOHAN 3:33

A bia a cohlangmi paoh nih cun kha an cohlannak thawng khan, Pathian chimmi cu a taktak a si ti kha an langhter.

ROM 6:22

Sihmanhsehlaw atu cu sualnak chung khan luatter nan si cang i Pathian sal nan si cang; nan miakmi cu Pathian sinah pekchanhmi nunning a si i cu nih a chuahpimi cu zungzal nunnak a si.

BIAPHUAN 13:16

Sahrang nih cun mi vialte, a hme si hna seh, a ngan si hna seh, a rum si hna seh, sifak si hna seh, sal si hna seh, a luatmi si hna seh, an dihlak in an orhlei kut asiloah an cal ah hmelchunhnak hramhram in a ngeihter hna.

BIAPHUAN 13:17

Cu hmelchunhnak an ngeih lo ahcun ahohmanh nih thil kha a cawk zong an caw kho lo i a zuar zong an zuar kho lo, cu hmelchunhnak cu sahrang min, asiloah, sahrang min ca i hmanmi nambar kha a si.

BIAPHUAN 14:1

Khua ka hun zoh i Zion Tlang i Tuufa a dir ko kha ka hmuh; a sinah cun mi sing khat sang li le thong li an um i cu hna cu an cal i amah min le a Pa min khenhmi kha an si.

BIAPHUAN 14:9

Vancungmi pathumnak nih hmasa pahnih hna kha a hun zulh hna i aw fak piin, “Sahrang le a milem a bia i a hmelchunhnak kha a cal ah siseh a kut ah siseh a ngeimi paoh nih cun,

BIAPHUAN 19:2

A biaceihmi cu dingte le hmaan tein a ceih. Vawlei a hornak in a thurhnawmhtertu hlawhhlangnu milianngan nu kha sual a phawt cang. Pathian sal kha a thah hna caah Pathian nih dan a tat cang,” a ti.

BIAPHUAN 20:4

Cun bawiṭhutdan hna le a cung i a ṭhumi hna kha ka hmuh hna; annih cu biaceihnak nawl kha pek an si. Jesuh nih a phuanmi biatak le Pathian bia an chim ruangah thahnak a ingmi thlarau hna zong kha ka hmuh hna. Sahrang kha an bia lo, a milem zong an bia lo, an cal le an ban zongah sahrang hmelchunhnak kha an ngei lo. An hung nung i Khrih he cun siangpahrang bantukin kum thong khat chung uktu bawi an si.

BIAPHUAN 22:4

Annih nih a hmai an hmuh lai i a min cu an cal ah aa ṭial lai.

BIAPHUAN 6:6

Saram nung pali hna lakin a chuakmi aw a lomi aw pakhat ka theih i cu aw nih cun, “Ni khat ni hlawh caah changvut cu khiat khat, barli cu khiat thum. Sihmanhsehlaw oliv chiti le mitsur hang cu hrawk hna hlah,” a ti.

BIAPHUAN 7:1

Cu hnuah cun vancungmi pali vawlei kil li cung i an dir kha ka hmuh i vawlei cung thlitu pali hna kha, vawlei cungah siseh, rili cungah siseh, thingkung cungah siseh, an hrannak hnga lo an thlauh hna.

BIAPHUAN 7:2

Cun nichuahlei in vancungmi a dang pakhat a nungmi Pathian cakhenhnak he a rat kha ka hmuh. Pathian nih vawlei le rili hrawh khawhnak nawl a pekmi vancungmi pali kha aw fak piin a auh hna.

BIAPHUAN 9:4

Ram hring siseh, thingkung siseh, ramkung siseh, hrawk hna hlah u, tiah an ti hna; an cal ah Pathian hmelchunhnak a ngei lomi lawnglawng kha nan hrawh khawh hna, ti an si.