BIAPHUAN 21:12 - Lai (Hakha) Common Language Bible 2006

¹² Kulhnak vampang nganpi a sang ngaimi pakhat a ngei i cu kulhnak vampang ah cun kutka hleihnih an um i cu kutka hleihnih cu vancungmi hleihnih nih an cawngh hna. Cu kutka ah cun Israel mi phun hleihnih min kha an i ṭial.

Laibaibal Thiang (BSI)

¹² Kutkâ hleihnih ngeimi a lianngan i a sângmi hau in kulhmi a si, cun kutkâ hram ah vanmi hleihnih le min ṭialmi kha an um, cu hna cu Israel miphun hleihhnih hna min an si;

BIAPHUAN 21:12 Iomraidhean Croise

2 CHANRELNAK 9:19

lamhbak kam kip ah khan a lamhbak paruk in, chiandeih hleihnih an dir. Cu bantuk cu khuazei ram hmanh ah an ser bal lo.

EZRA 9:9

Kannih cu sal kan si ko, sihmanhsehlaw sal kan sinak chungah hin kan Pathian nih a kan philh lo i kan Pathian inn cu dirh ṭhan awk le a rawhnak kha remh awk le Judea ram le Jerusalem khua ah kannih cu huhphenhnak pek awk le nun ṭhannak kannih cu pek awkah Persia siangpahrang hna hmaiah cun a fekmi a dawtnak tu kha a kan pek.

NEHEMIAH 12:27

Cun Jerusalem kulhnak vampang an pekchanh ah khan, lunglawmhnak le thanuamnak le hla in, sumsel, tingtang le thonglawi he tiah pekchanhnak cu conglawmh awkah Levi mi cu an umnak cio ah khan Jerusalem i ratpi awkah an va kawl hna.

SALM 122:7

Na kulhnak vampang chunglei ah daihnak um seh law na siangpahrang inn hna chungah himnak um seh.

SALM 51:18

Maw Pathian, Zion cu zaangfah law bawm tuah; Jerusalem kulhnak vampang cu remh ṭhan hna.

EXODUS 28:21

Lungvar cu hleihnih an si lai i an cungah khan Israel fapale min kha an i ṭial lai. Lungvar cu Israel fapa hna zat kha an si lai i lung khat cungah khan Israel fapa hna lak i pakhat min paoh kha aa ṭial lai, min khenhnak cung min ṭial bantuk khin ṭial an si lai.

ISAIAH 54:12

Na innsang cu rubi lungvar in ka sak hna lai i na kutka cu mei bantukin a ceumi lungvar in ka sak hna lai; na kulhnak vampang cu sui lungvar in ka sak hna lai!

ISAIAH 60:18

Puarṭhawnnak thawng kha theih a si ti lai lo, rawhnak nih na ram cu a hnin ti lai lo. Vampang nih khua a ven bangin kan ven lai i kan huhphenh lai; nangmah cu kan khamh caah na ka thangṭhat lai.

MATTHAI 18:10

“Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko.

LUKA 15:10

Cu bantuk ṭhiamṭhiam in, aa ngaihchihmi misual pakhat ruangah Pathian vancungmi hna cu an i lawm,” tiah a ti.

LUKA 16:22

Misifakpa cu a thi i vancungmi nih vancung puai tuahnak ah khan an zuanpi i Abraham pawngah khan an ṭhutter. Mirumpa zong cu a thi ve i an vui.

LAMKALTU 26:7

cu ka ruahchanmi cu kan miphun phu hleihnih hna nih Pathian kha chun he zan he an rak biak tikah kan hmuh te lai tiin an rak i ruahchanmi ṭhiamṭhiam kha a si ko. Cu ruahchannak ruangah cun, Bawipa, Judah mi nih sual an ka puh hi a si.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

BIAPHUAN 21:13

Kam khat ah kutka pathum cio an um: nichuahlei ah pathum, thlanglei ah pathum, chaklei ah pathum, nitlaklei ah pathum an si.

BIAPHUAN 21:15

A ka chawntu vanmi nih cun khuapi le a kutka hna le a vampang tahnak ah sui in sermi tahnak fung pakhat aa put.

BIAPHUAN 21:25

Khuapi kutka cu chunnitlak in an i hung zungzal ko, zeitikhmanh ah an i khar lo, zeicahtiah khika ah zan a um ti lo.

BIAPHUAN 22:14

An puan kha thiang tein a su i nunnak thingkung theitlai ei khawhnak nawl le khuapi kutka chung luhnak nawl a ngeimi cu lunglawmmi an si.