BIAPHUAN 12:12 - Lai (Hakha) Common Language Bible 2006

¹² Cucaah cun nannih van hna le khika i a ummi vialte hna, i lawm tuah u. Sihmanhsehlaw vawlei le rili caah cun ṭihnung a va si hringhran dah! Zeicahtiah Khuachia cu nan sinah a rung ṭum cang i cu pinah caan tawite lawnglawng ka ngei ti kha a hngalh fawn caah a thin a linh in a lin ko,” tiah a ti.

Laibaibal Thiang (BSI)

¹² Cucaah maw, van le a chung i a ummi hna i lawm tuah u! Vulei le rili cungah a ummi hna caah ngaihchia ava si dah! Zeitintiah khuachia nih cân tawite lawng a ngeih kha â hngalh caah, thinhung ngai in nan sinah a rung ṭum.

BIAPHUAN 12:12 Iomraidhean Croise

ISAIAH 44:23

Nannih van hna, lunglawmhnak in au tuah u, vawlei cung i a thukmi hmun hna, au tuah u. Tlang te tupi chung thing vialte hna, lunglawmhnak in au tuah u. Bawipa nih a mi Israel mi cu a khamh cang hna i cuticun a lianhngannak kha a langhter cang.

ISAIAH 49:13

Van hna, hlasa tuah u! Maw vawlei, lunglawmhnak in au tuah! Tlang cu lunglawmhnak in au hna seh. Bawipa nih a mi cu a hnemh cang hna lai; retheihnak a ingmi a mi cu a zaangfah cang hna lai.

LUKA 15:10

Cu bantuk ṭhiamṭhiam in, aa ngaihchihmi misual pakhat ruangah Pathian vancungmi hna cu an i lawm,” tiah a ti.

LUKA 2:14

“A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

HEBRU 10:37

Zeicahtiah Cathiang nih, “Tlawmpalte lawnglawng hnuah a ra dingmi cu a ra lai, a rau lai lo.

2 PETER 3:8

Sihmanhsehlaw ka dawtmi ka hawile hna, hi bia hi philh hlah u. Pathian caah cun ni khat hi kum thong khat bantuk a si i kum thong khat hi ni khat bantuk a si.

BIAPHUAN 10:6

zungzal in zungzal tiang a nungmi Pathian, van le a chung i a ummi thil vialte a sertu, vawlei le a chung i a ummi thil vialte a sertu, rili le a chung i a ummi thil vialte a sertu min khan biakamnak a ser. Vancungmi nih cun aa thawh i, “A rau ti lai lo.

BIAPHUAN 11:10

Hi profet pahnih hna nih hin vawleicung mi kha temhnak tampi an pek hna caah, hi hna pahnih an thihnak ah hin vawlei cung mi cu an i lawm lai i an thihnak cu an tuk an aih lai i pakhat le pakhat laksawng an i ṭhen lai.

BIAPHUAN 11:14

Thil ṭihnung pahnihnak cu a dih cang; sihmanhsehlaw zohhmanh, thil ṭihnung pathumnak a ra zau lai.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 13:6

Pathian le Pathian min le Pathian a umnak hmun vancung khua i a ummi vialte kha a vawlh a pamh hna.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

BIAPHUAN 8:13

Cun khua ka hun zoh i vanlai ah sang piin a zuangmi mupi pakhat nih aw fakpi i, “Ṭih a va nung thiam dah! Ṭih a va nung thiam dah! A dang vanmi pathum hna nih an muko an tum ve tikah vawlei mi vialte hna caah zeitluk riamruam in dik ṭih a nun lai!” a ti.

BIAPHUAN 9:12

Thil ṭihnung hmasa bik cu a dih; hi hnuah hin a dang pahnih a ra ding an um rih.