BIAPHUAN 11:6 - Lai (Hakha) Common Language Bible 2006

⁶ Van kharnak nawl kha an ngei i cucaah cun Pathian bia an chim chung cu ruah a sur lai lo. Cerhti put zong kha thi i canternak nawl an ngei fawn. Cun vawlei zong kha an duh tik caan paoh ah hremnak a phunphun in hremnak nawl an ngei.

Laibaibal Thiang (BSI)

⁶ Hi hna nih chimchung bia an phuan lioah ruahsur lo dingin van phih khawhnâk ṭhawnnâk pêk an si, cun ti kha thisen i canter khawhnâk an ngei i an duh cân pauh ah vulei hi zawtnâk rai phunphun in hrem khawhnâk an ngei,

BIAPHUAN 11:6 Iomraidhean Croise

1 SIANGPAHRANG 17:1

Gilead ram chung Tishbe khua Tishbe mi Elijah nih Ahab cu a thawh i, “Bawipa, Israel Pathian, a hmaika i ka dir tawnmi a nun bangin, dap siseh, ruah siseh, ka bia in dah ti lo ahcun, hi kum hna chungah hin a um lai lo,” tiah a ti.

LUKA 4:25

Cucaah ka bia hi ngai hmanh u. Elijah chan i kum thum le a cheu khua a khen i Israel ram chung dihlak ah pam a tlun ah khan, cu ram chungah nuhmei tampi an rak um taktak ko,

BIAPHUAN 11:3

Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.

BIAPHUAN 16:3

Cun vancungmi pahnihnak nih a kanto cu rili ah a bungh. Ti cu mithi mi chungin a chuakmi thisen bantuk ah a cang i rili chung thilnung vialte cu an thi dih.

BIAPHUAN 16:4

Cun vancungmi pathumnak nih a kanto cu tiva le tiput cungah khan a bungh i thisen ah an cang dih.

BIAPHUAN 8:8

Vancungmi pahnihnak nih khan a muko cu a vun tum, tlang nganpi a alh hluahmahmi bantuk khi rili chungah a tla. Rili cheu thum cheu khat kha thisen ah a cang i

1 SAMUEL 4:8

Belo kan si ai! Aho nih dah hi a ṭhawngmi khuazing hna ṭhawnnak chung hin a kan chuah khawh lai? Hi hna hi ramlak ah Izipt mi hna kha rai phunphun in a thattu khuazing an si.