BIAPHUAN 1:11 - Lai (Hakha) Common Language Bible 2006

¹¹ A ka thawh i, “Na hmuhmi kha ṭial law na ṭialnak cauk cu Khrihfabu pasarih kha kua hna: cu Khrihfabu hna cu Efesa khua le Smyrna khua le Pergamum khua le Thiatira khua le Sardis khua le Filadelfia khua le Laodisia khua i a ummi kha an si,” tiah a ti.

Laibaibal Thiang (BSI)

¹¹ Cu aw nih “Kei cu Alpha le Omega, Hmaisa bik le Hmahnung bik ka si. Na hmuhmi cu cauk ah ṭial law, Asia ram i a ummi kawhhran pasarih; Efesa, Smirna, Pergamos, Thiatira, Sardis, Filadelfia le Laodisia sinah kuat hna,” tiah a ti.

BIAPHUAN 1:11 Iomraidhean Croise

ISAIAH 30:8

Hi miphun hi zeidah an lawh ti kha cauk pakhat chungah a ṭial in na ṭial lai i cu na ṭialmi cu an ca i a hmunmi tehte a si lai, tiah Pathian nih a ka ti.

JEREMIAH 30:2

Hihi Bawipa, Israel Pathian bia cu a si: Na sin i ka chimmi bia vialte kha cauk chungah ṭial tuah,

HABAKKUK 2:2

Cun Bawipa nih a ka leh i, “Langhnak na hmuhmi cu ṭial tuah, Lungtlap ah khan ṭial law a reltu nih tlikpah hmanh in an rel khawh nakhnga fiang tein ṭial tuah.

LAMKALTU 16:14

Cu hna lak i kan bia a theimi pakhat cu Lidia a si, amah cu Thiatira khuami a si i maimaw puan a zuarmi a si. Amah cu Pathian a biami nu a si i Paul nih a chimmi bia ngaih awk caah khan Pathian nih a lungthin kha a hunpiak.

LAMKALTU 18:24

Alekzandria khuami Judah mi pakhat a min Apollo a simi kha Efesa khua ah a ra. Amah cu biachim a thiam ngaingaimi a si i Cathiang kha ṭha tein a hngalmi a si.

LAMKALTU 20:17

Paul nih Miletas khua khan mi a thlah hna i Efesa khua khrihfa upa kha rak ka tong hna seh tiah bia a cah hna.

1 KORIN 15:32

Cun Efesa khua i “sahrang” he kan rak i sual kha minung ruahnak lawnglawng in rak si seh law zeital ka miakmi a um hnga maw? Mithi cu nunnak i thawhter an si lo tham ah cun, phungthlukbia bangin, “thaizing ah pei kan thih ko lai cu, ei in ding ko ngat u sih.”

1 KORIN 16:8

Asinain Efesa khua ah hin Pentekos ni tiang ka um lai.

EFESA 1:1

Pathian duhnak in Khrih Jesuh lamkaltu a simi keimah Paul nih, Efesa khua i a ummi Pathian mi hna, Khrih Jesuh chung i nan nunnak ah zumh awk tlak in khua a sami hna, ca kan kuat hna.

DEUTERONOMI 31:19

Cucaah hi hla hi ṭial law, Israel mi kha cawnpiak hna; hi hla cu Israel mi hna kongah keimah ka biahngaltu a si nakhnga, an kaa chungah chia tuah.

KOLOSE 2:1

Nanmah caah siseh, Laodisia mi hna caah siseh, cun pumpak in a ka hngal lomi hna caah siseh, zeitluk fak in dah ka ṭuan ti kha kan theihter tuah hna lai.

1TIMOTE 1:3

Masidonia ram lei ka rak kalpah i ka rak in fial bantuk khan, Efesa khua ah um law ti ka duh. Efesa khua ah khan, cawnpiaknak hmaanlo a cawnpiaktu hna an um i kha hna kha ngolter kho hna law ti ka duh.

BIAPHUAN 1:17

Amah cu ka hmuh tikah mithi bantukin a ke hramah ka tlu. A orhlei kut in a vun ka tawngh i, “Na thinphang hlah! Kei cu hmasa bik le hmanung bik kha ka si.

BIAPHUAN 1:19

Cucaah cun na hmuhmi thil, atu i a um liomi thil hna le hmailei ah a um lai dingmi thil hna kha ṭial hna.

BIAPHUAN 1:2

Johan nih cun a hmuhmi thil vialte cu a chim dih. Pathian sinin hmuhmi bia le Jesuh Khrih nih a phuanmi biatak Johan nih a chim chinmi cu hihi a si.

BIAPHUAN 1:20

Ka orhlei kut i na hmuhmi arfi pasarih hna le sui mei vannak pasarih hna an sullam biathli cu hihi a si: arfi pasarih hi Khrihfabu hna i an vancungmi kha an si i mei vannak pasarih hna hi Khrihfabu pasarih hna kha an si,” tiah a ti.

BIAPHUAN 1:4

Asia peng chung i a ummi Khrihfabu pasarih kha Johan nih bia kan cah hna: Atu i a um liomi le a rak um cangmi le a um lai ding a simi Pathian le a bawiṭhutdan hmai i a ummi thlarau pasarih le Jesuh Khrih nih vel le daihnak in pe ko hna seh.

BIAPHUAN 1:8

Lianngan Bik Bawipa Pathian nih cun, “Kei cu Alfa le Omega ka si,” a ti, cu Pathian a um liomi le a um cangmi le a um laimi cu, zeizong vialte siangpahrang Bawipa a si.

BIAPHUAN 10:4

Bia an chim dih cangka cun ṭial kaa tim i sihmanhsehlaw vancung in aw pakhat nih, “Khuari pasarih nih an chimmi kha biathli ah chia, ṭial rih hlah,” tiah a run ka ti kha ka theih.

BIAPHUAN 14:13

Cun vancung in aw pakhat ka theih i, “Hihi ṭial tuah: Khrih zumh bu tein a thimi cu lunglawmmi an si,” a ti. Cun Thlarau nih, “A si hrimhrim lai. An rianṭuanmi nih khan a zulh hna lai i rian an ṭuannak cun an i din cang lai,” tiah a leh.

BIAPHUAN 19:9

Cun vancungmi nih cun a ka thawh i, “Mah hihi ṭial tuah: Tuufa nupi ṭhitnak puai i sawmmi hna cu milunglawm an va si dah!” a ti. Cun vancungmi nih cun, “Hi bia hi Pathian bia ngaingai an si,” a ti fawn.

BIAPHUAN 2:1

“Efesa khua i a ummi Khrihfabu vancungmi sinah hitihin va ṭial tuah: A orhlei kut in arfi pasarih aa put i sui mei vannak pasarih hna lakah aa chawkmi bia cu hihi a si:

BIAPHUAN 2:12

“Pergamum khua i a ummi Khrihfabu vancungmi sinah hitihin va ṭial tuah: “Hi bia hi vainam kap hnih har a ngeimi bia kha a si.

BIAPHUAN 2:18

“Thiatira khua i a ummi Khrihfabu vancungmi sinah hi bangin va ṭial tuah: Hi bia hi Pathian Fapa, a mit mei alh bantukin a alhmi le a ke dar tleu bantukin a tleumi bia a si.

BIAPHUAN 2:24

Sihmanhsehlaw Thiatira khua i a ummi a dang nih cun hi cawnpiaknak ṭhalo cu nan zul lo i midang nih, “Satan biathli thuk,” an timi cu nan hngal lo. Nannih cungah cun thilrit khinh kan duh hna lo.

BIAPHUAN 2:8

“Smyrna khua i a ummi Khrihfabu vancungmi sinah hitihin va ṭial tuah: Hi bia hi a hmasa bik le a hmanung bik a simi, a thi i a nung ṭhanmi bia a si.

BIAPHUAN 21:5

Cun bawiṭhutdan i a ṭhumi nih cun, “Atu cu thil vialte kha a thar in ka ser dih cang hna,” a ti. A ka thawh i, “Hi bia hi ṭial hna, zeicahtiah ahmaanmi le zumhawktlak a simi bia an si,” a ti.

BIAPHUAN 22:10

Cun hitihin a ka ti, “Hi cauk chung i aa ṭialmi profet chimchung bia hi a thli in i chiah ko hlah. Zeitintiah hi thil vialte cu a tlin lainak caan a nai cang.

BIAPHUAN 22:16

“Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.

BIAPHUAN 3:1

“Sardis khua i a ummi Khrihfabu vancungmi sinah hi bangin va ṭial tuah: Hi bia hi Pathian thlarau pasarih le arfi pasarih a ngeimi bia kha a si. Na tuahmi kha ka hngalh, a nungmi a si tiah na min a thang nain na thi ko.

BIAPHUAN 3:14

“Laodisia khua i a ummi Khrihfabu vancungmi sinah hi bangin va ṭial tuah: Hi bia hi zumhawktlak le ahmaan taktakmi tehte Amen bia kha a si; amah cu Pathian nih a sermi vialte hram a si.

BIAPHUAN 3:4

Asinain Sardis khua i a ummi tlawmpal nih cun nan puan kha thiang tein nan chiah ko. Puan rang aih in keimah sinah nan i chawk lai, zeicahtiah cu bantukin aa chawk dingah cun aa tlakmi nan si.

BIAPHUAN 3:7

“Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si.