AMOS 4:11 - Lai (Hakha) Common Language Bible 2006

¹¹ Pathian nih Sodom le Gomorrah a hrawh bantuk khan nan cungah rawhralnak ka tlunter; Nannih cu mei alh chungin chuahmi mei thingthu bantuk nan si, Sihmanhsehlaw ka sinah nan kir hlei lo. Hihi Bawipa bia hrimhrim a si.

AMOS 4:11 Iomraidhean Croise

ISAIAH 13:19

Babilon ram hi ram vialte lakah ram dawh bik a si, a chung i a ummi a mi hna nih an i chor ngaingaimi a si. Sihmanhsehlaw Bawipa nih Sodom le Gomorrah ka rak hrawh bantuk khan ka hrawh ve lai.

ISAIAH 7:4

Amah cu, i ralring peng in lungdai tein um ko, lau hlah, awlokchong in um hlah, nan va ti lai. Rezin Siangpahrang le a mi Siria mi hna thinhunnak le Siangpahrang Pekah thinhunnak cu a mit dengmangmi thingthu bul pahnih khu tluk fang men a si ko.

ISAIAH 9:12

Nichuahlei in Siria nih, nitlaklei in Filistia nih, an ka an i aan i seh an duh hna. Cu ti a si na hmanh cun Bawipa cu a thin a dam kho lo i dantatnak pek awkah a kut cu aa samh ko rih.

JEREMIAH 23:14

Jerusalem profet hna chungah thil fihnung bik pakhat ka hmuh: Va cungin pa aa duhmi an si i miziathiam an si, Ṭhat lonak a tuahmi hna kha thazang an pek hna i Cucaah ahohmanh nih an sualnak kha an mertak duh lo. A chung i a ummi vialte hna cu, Ka caah Sodom le Gomorrah bantuk an si ko.

JEREMIAH 49:18

Sodom le Gomorrah le an pawngkam khua vialte bantuk khan a rawk lai, tiah Bawipa nih a ti. Khika ah ahohmanh khua an sa lai lo, minung ahohmanh innlo a khuarmi an um lai lo.

JEREMIAH 5:3

Maw Bawipa, na mit nih biatak kha a kawl a si lo maw? Nangmah nih annih kha na tuk hna, sihmanhsehlaw an zei a poi lo, An lung kha na chunh hna, sihmanhsehlaw an i remh hlei lo. Annih nih an hmai cu ṭeklung nak hak deuh ah an ser i Ngaihchih kha an duh lo.

JEREMIAH 50:40

Pathian nih Sodom le Gomorrah le an pawngkam khua hna kha a hrawh tik hna ah khika ah mi ahohmanh an um ti lo bantukin a chungah ahohmanh khua an sa ve lai lo, tiah Bawipa nih a ti.

EZEKIEL 24:13

Cu bantukin na zuanzam thurhhnawmhnak in kan thianh tik hmanh ah cun na thiang rih lo, Cucaah na cung i ka thinhunnak ka tlinter cikcek hlantiang cu na thiang bal lai lo, a ti.

HOSEA 11:5

Keimah lei i kir ṭhan cu an duh lo caah Izipt ram ah cun pei dik an kal ṭhan ko lai i Assiria mi cu an siangpahrang a si ko lai.

HOSEA 11:8

Zeitindah kan hlawt khawh lai, Efraim? Zeitindah kan thlah khawh lai, Israel? Admah ka rak hrawh bantuk khan kan hrawh lai maw? Zeboiim cung i ka rak tuah bantuk khan na cungah ka tuah lai maw? Ka tuah kho lai lo, ka chungah ka lung cu aa thleng cang i ka ngaihchiatnak cu a alh in a alh cang.

AMOS 4:6

Nan khua chungah mangṭam a tluntertu le Nan inn chungah rawl ei awk ngei loin an tuahtu hna cu keimah ka si; Sihmanhsehlaw keimah sinah nan kir duh hlei lo. Hihi Bawipa bia hrimhrim a si.

HAGGAI 2:17

Nannih le nan kumvui rawl vialte cu rocarnak le hrirai le rial in kan den hna, sihmanhsehlaw keimah leiah kirnak lungthin nan ngei hlei lo, tiah Bawipa nih a ti.

ZEKHARIAH 3:2

Bawipa nih Satan cu a thawh i, “Satan, nangmah cu Bawipa nih kan sik, Jerusalem khua a thimtu Bawipa nih kan sik. Hi mipa hi mei chungin chuahmi mei thingthu a si lo maw?” tiah a ti.

ROM 9:29

Isaiah ṭhiamṭhiam nih, “Bawipa, a Lianngan Bik Pathian nih tefa tlawmpal kan nganh hlah seh law cu, Sodom bantuk kan si diam cang hnga i Gomorrah bantukin kan um diam cang hnga,” a rak ti bantuk khan a si.

1 KORIN 3:15

Asinain ahohmanh a sakmi inn cu a kangh dih ahcun, cu inn cu a sung ko lai; mei chungin luat bantuk khi a si lai nain amah cu khamh a si ko lai.

DEUTERONOMI 28:24

Nan loh dih hlantiang Bawipa nih nan ram ruah cu leidip ah a canter lai i van in nan cungah thetse a sur lai.

DEUTERONOMI 29:23

cu hremnak cu, ram cu a dihlak in kat le cite, thi lakin khanghmi, zeihmanh tuh lo, zeihmanh corh lo, ram zeihmanh khoh khawh lonak a si, a thinhunnak le a thinlinhnak in Bawipa nih a hrawhmi Sodom le Gomorrah le Admah le Zeboiim rawknak bantuk a si —

2 PETER 2:6

Pathian nih Sodom le Gomorrah khua cu dan a tat hna i mei in a hrawh hna; Pathian zei i a rel lomi hna caah zohchun awkah a ser hna.

JUDAS 1:23

mei chung khan chuah hna u law khamh hna u. Cun midang zong kha ṭih le hmaizah kemh hna u, sihmanhsehlaw an pumsa duhnak an nehmi puan hrimhrim kha cu hua hna u.

JUDAS 1:7

Cun Sodom le Gomorrah le an pawngkam i a ummi khua hna kha philh hna hlah u. Cu khua mi hna nih cun, kha vancungmi hna bantuk khan, nu le pa sualnak kha an tuah i hawi ningkel hmanh in an tuah lo. Annih nih mei hremnak kha zungzal in an huah i cucu mi vialte ca in ralrin peknak a fiang komi thil a si.

BIAPHUAN 9:20

Hi hremnak pathum nih a thah lomi, a taangmi minung hna nih khan, anmah nih an ser chommi thil kha an mertak hlei hna lo. Khuachia biak kha an ngol lo i sui le ngun le dar le lung le thing in sermi siasal, khua zong a hmu kho lomi, a theih zong a thei kho lomi, a kal zong a kal kho lo mi biak kha an ngol hlei fawn lo.