3 JOHAN 1:2 - Lai (Hakha) Common Language Bible 2006

² Ka dawtmi ka hawi, ngandam tein khua na sak i zeizong vialte na caah rem tein a um nakhnga thla kan campiak — thlarau leiah siarem in khua na sa ti kha ka hngalh.

Laibaibal Thiang (BSI)

² Dawtmi, na nunnâk nih thluachuah a hmuh bantukin, na ngan a dam i a lam kip in thluachuah na hmuh nâkhnga thla ka cam.

3 JOHAN 1:2 Iomraidhean Croise

MATTHAI 9:12

Jesuh nih cun a theih hna i, “A dammi nih cun sibawi an herh lo, a zawmi lawng nih khan an herh.

FILIPI 2:27

A zaw taktak i a thih zong a thi dengmang, sihmanhsehlaw Pathian nih a zaangfah, amah lawng kha a zaangfah si loin keimah hrimhrim zong kha a ka zaangfah i ka cung i ngaihchiatnak ngan chinchin a tlung dingmi khan a ka luatter.

FILIPI 2:4

Cun midang duhning kha hmuh thiam i zuam u law nanmah duhnak lawng kha ruat hlah u.

2 THESALON 1:3

U le nau hna, nanmah ruangah Pathian cu a zungzal in kan lawmh. Nannih nan zumhnak kha a ṭhan i pakhat le pakhat nan i dawtnak le midang nan dawt hnanak kha a ngan chinchin caah, cu ti Pathian kan lawmh cu ahmaanmi thil a si.

2 THESALON 2:13

U le nau hna, nanmah an dawtu hna Pathian kha zungzal in lawm ko u sih. Zeicahtiah nannih cu Pathian nih Thlarau ṭhawnnak thawngin Pathian mi ah an canter hna thawng le biatak nan zumhnak thawng khan, khamhnak hmuh awkah a rak in thim hna.

JEIM 5:12

Cun cu pinah biakamnak nan tuah tikah chiatsernak hmang hlah u; vancung cemchih in siseh, vawlei cemchih in siseh, zei thil paoh cemchih in siseh, chiatser hlah u. A si ti nan duh ahcun, a si, ti ko; a si lo, ti na duh ahcun, a si lo, ti ko; cu ti na tuah lo ahcun Pathian biaceihnak na ing sual lai.

1 PETER 4:8

Zeidang vialte nakin, pakhat le pakhat lungtak tein i daw u, zeicahtiah dawtnak nih cun sualnak tampi kha a khuh khawh.

2 PETER 3:18

Kan Bawipa le kan Khamhtu Jesuh Khrih vel le hngalhnak ah khan ṭhang ko u. Atu le zungzal tiang khin sunparnak cu amah ta si ko seh! Amen.

3 JOHAN 1:1

Khrihfa Upa nih, Ka dawt taktakmi Gaius, ca kan kuat.

BIAPHUAN 2:9

Na harnak kha ka hngalh ko hna; sifak na si kha ka hngalh — sihmanhsehlaw a ngaingai ti ahcun a rummi na si. Judah mi a si lo nain Judah mi ka si aa timi hna nih an in thangchiatnak kha ka hngalh; annih cu Satan ta a simi bu an si!