2 SAMUEL 2:7 - Lai (Hakha) Common Language Bible 2006

⁷ Cucaah nan kut kha ṭhawng hna seh law nan ralṭha ko u; zeitintiah nan bawipa Saul cu a thi cang i Judah hrin hna nih annih cung i siangpahrang ah keimah cu chiti an ka thuh cang,” tiah a ti hna.

2 SAMUEL 2:7 Iomraidhean Croise

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

2 SAMUEL 10:12

Ralṭha ngaiin um tuah, cun kan mi hna le kan Pathian khua hna caah hin pasal si u sih; cun Bawipa nih a ṭha a tining paoh in tuah ko seh,” tiah a ti.

2 SAMUEL 2:6

Atu cu Bawipa nih nan cungah a fekmi dawtnak le zumhawktlaknak kha langhter ko seh! Cun nannih nih hi thil hi nan tuah caah nan cungah ṭhatnak ka tuah lai.

2 SAMUEL 2:8

Ner fapa Abner, Saul ralkapbu haotu nih khan Saul fapa Ishbosheth kha a lak i Mahanaim ah a ratpi i,

2 SAMUEL 5:3

Cucaah Israel upa vialte cu siangpahrang sinah cun Hebron ah khan an ra i Siangpahrang David nih Bawipa hmaiah Hebron ah khan anmah he biakamnak a ser i annih nih David cu Israel mi cung i siangpahrang ah chiti an thuh.

2 SIANGPAHRANG 11:12

Cun siangpahrang fapa kha a hun chuahpi i bawi luchin a chinh i hngalhternak bia kha a pek; cun annih nih siangpahrang ah an ser i chiti an thuh; an kut kha an bengh i, “Siangpahrang cu saupi nung ko seh!” an ti.

NEHEMIAH 2:18

Cun ka Pathian kut ka cung i ṭhatnak caah a ummi le siangpahrang nih ka sinah a chimmi bia hna kha annih cu ka chimh hna. Cun annih nih an i thawh i, “Tho u si law sa u sih,” an ti. Cuticun rian ṭha ṭuan awk caah cun an kut cu an i ṭhawnter.

1 KORIN 16:13

Lungfim tein um u, nan zumhnak ah khan fek tein dir u, ralṭha in um u law thazang ṭhawng in um u.

EFESA 6:10

A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

1 SAMUEL 31:12

ralṭha vialte cu an tho i zan khuadei in an kal i Saul ruak le a fapa pathum hna an ruak kha Bethshan kulhnak vampang khan an va lak hna; cun Jabesh ah an ra phan i khika ah an khangh hna.

1 SAMUEL 31:7

Cun ralchan ah a ummi Israel mi hna le Jordan tiva ral ah a ummi hna nih Israel mi kha an zam i Saul le a fapa hna kha an thi, ti an theih tikah, an khua kha an chuahtak hna i an zam; cun Filistin mi kha an ra i an khua kha an rawlh hna.

1 SAMUEL 4:9

Nan ralṭha ko uh, maw Filistin mi hna, pa bantukin um uh, cu ti a si lo ahcun, nannih tang ah sal an si bantuk hin, anmah Hebru mi tangah hin sal nan si sual lai; pa bantukin um u law, do hna u,” tiah an ti.