2 SAMUEL 13:4 - Lai (Hakha) Common Language Bible 2006

⁴ Cun anih nih amah cu a thawh i, “Maw siangpahrang fapa, zeicahdah zing khat hnu zing khat na hmai lawng a chiat ko? Na ka chim lai lo maw?” tiah a ti. Anih nih, amah cu, “Ka unau Absalom far Tamar khi ka duh,” tiah a ti.

2 SAMUEL 13:4 Iomraidhean Croise

2 SAMUEL 13:3

Sihmanhsehlaw Amnon nih cun hawi pakhat a ngei i a min cu Jonadab a si, amah cu David u Shimeah fapa a si i Jonadab cu mizer ngai a si.

2 SAMUEL 13:5

Jonadab nih anih cu, “Na ihkhun ah it law i zawtter; cun na pa nih nangmah zoh awkah a rat tikah, ka farnu Tamar kha ka sinah hin ra seh law, ei awk rawl ka pe seh law, cun ka hmuh khawh nakhnga ka mit hmuh ah hin rawl cu chuang tuah seh, a kut chung ta cu ka ei nakhnga,’ na ti lai,” tiah a ti.

1 SIANGPAHRANG 21:5

Sihmanhsehlaw a nupi Jezebel kha a sinah a ra i, “Zeicahdah cuticun na thlarau cu a thin a hun i rawl na ei duh lo?” tiah a ti.

1 SIANGPAHRANG 21:7

Cun a nupi Jezebel nih a thawh i, “Israel hi atu ah nangmah nih na uk maw? Tho law rawl ei law na lung kha lawmhter tuah; Jezreel mi Naboth mitsur dum cu keimah nih kan pek lai,” tiah a ti.

ISAIAH 3:9

Ṭhat lonak lungthin an paw chung i an i chiahmi hrimhrim kha anmah sual phawtu tehte a si te lai. Sodom mi nih langhngan rumro in an rak sual bantukin annih zong nih an tuah ve. Annih cu an lo ko cang, cucu anmah nih anmah cung lila i an i tluntermi a si.

JEREMIAH 8:12

Annih nih fihnung kha an tuah tikah an ning a zak maw? Zak hlah e, an ning a zak hrimhrim lo; Hmaisen zong kha an hngal lo. Cucaah a tlumi hna sinah an tlu ve lai; Annih cu dan ka tat hna tikah an ril lai,” tiah Bawipa nih a ti.

LEVITIKAS 18:9

Na far pumlawnnak cu na hlim lai lo, na pa fanu a si ah, na nu fanu a si ah, innchung i hrinmi a si ah, kaa dang i hrinmi a si ah a pum lawnnak na hlim lai lo.

LEVITIKAS 20:17

“Mipa pakhatkhat nih amah far, amah pa fanu maw amah nu fanu maw a lak i pa nih nu a pumlawnnak kha a hmuh i nu nih pa a pumlawnnak kha a hmuh ahcun, mah cucu ningzah awk thil a si, an mi hna mithmuh ah hlonh an si lai; pa nih a farnu pumlawnnak kha a hlim a si caah a dantatnak cu amah nih a in lai.

MIKAH 7:3

Ṭhat lonak tuah kha a thiam ngaingaimi an si dih. Bawi nih si hna seh, biaceihtu nih si hna seh, ziknawh kha an duh dih. Nawl ngeimipa nih khan a duhnak kha a chimh hna i hmunkhat ah khua an khang ṭi.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.