2 SAMUEL 1:7 - Lai (Hakha) Common Language Bible 2006

⁷ Cun a hnulei kha a hei zoh tikah a ka hmuh i a ka auh. Cun kei nih ka leh i, ‘Hika ah hin ka um,’ ka ti.

2 SAMUEL 1:7 Iomraidhean Croise

2 SAMUEL 1:6

Cun amah a chimtu tlangval nih khan, “Zeitimaw in Gilboa tlang ah khan ka rak um ngelcel i, khika ah khan Saul cu a fei kha i rinhchan in a rak dir i zohhmanh, rangleng le rangcung ralkap hna nih khan an naih chin cuahmah cang.

2 SAMUEL 1:8

Cun anih nih keimah cu, ‘Ahodah na si?’ tiah a ka ti i, ‘Amalek mi ka si,’ tiah ka leh.

2 SAMUEL 9:6

Cun Saul fapa Jonathan i fapa Mefibosheth cu David sinah a ra i a kun i upatnak kha a pek. Cun David nih, “Mefibosheth,” tiah a ti. Cun anih nih, “Zohhmanh, na salpa hi,” tiah a leh.

ISAIAH 6:8

Cun Bawipa nih, “Ahodah ka fial lai? Ahodah ka lamkal a si lai?” a ti kha ka theih. Kei nih, “Keimah ka kal lai! Ka thlah tuah,” tiah ka leh.

ISAIAH 65:1

Bawipa nih aa thawh i, “Ka mi hna thlacamnak kha leh awkah timh cia tein ka rak um ko, sihmanhsehlaw thla an cam lo. Ka hmu hna seh, tiah timh cia tein ka rak um ko, sihmanhsehlaw a kawl timh in an ka tim lo. An thlacamnak leh i, ‘Hika ah ka um ko, kan bawmh hna lai,’ ti in ti awkah timh cia tein ka um ko, sihmanhsehlaw ka miphun nih ka sinah thla an cam lo.

BIACEIHTU 9:54

Khi tikah a hriamnam putu tlangvalpa cu khulrang in a auh i, “Na vainam kha i zuh law, ka that tuah, cu ti a si lo ahcun, ‘Nu pakhat nih a thah,’ an ka ti sual hnga,” tiah a ti. Cun a tlangvalpa nih cun tleng lakin a chunh i a thi.

1 SAMUEL 22:12

Cun Saul nih, “Ahitub fapa, thei tuah,” tiah a ti. Cun anih nih, “Hika ah ka um, ka bawipa,” tiah a leh.