2 JOHAN 1:4 - Lai (Hakha) Common Language Bible 2006

⁴ Kan Pa nih a kan fial bantukin na fale cheukhat cu biatak in an nung ti kha ka theih tikah ka lung aa lawm tuk hringhran.

Laibaibal Thiang (BSI)

⁴ Pa sin in nawlpêk kan hmuh bang khan na fale lakah cheu khat biatak ah an um ti kha ka hmuh tikah kan i lawm ngai ngai.

2 JOHAN 1:4 Iomraidhean Croise

HOSEA 14:9

A fimmi nih cun hika i aa ṭialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.

MALAKHI 2:6

Cawnpiaknak mi a rak pekmi hna kha biatak a si i dinlonak bia kha a kaa chungin a chuak lo; keimah he i rem tein le ding tein a kal i mi tampi kha sualnak chungin a khirh hna.

1 KORIN 13:6

Dawtnak cu midang sualnak cungah khan diriam in a um lo, biatak tu ah khan aa lawm.

GALATI 2:14

Thawngṭha biatak lam ding kha an zul ti lo ti ka hmuh tikah, an dihlak hmaiah Peter cu ka thawh i, “Nang cu Judah mi na si, sihmanhsehlaw Jentail mi bantukin na um, Judah mi um in na um lo. Cucaah zeitindah Jentail mi cu Judah mi bantukin nan um lai tiah na hnek khawh hna lai?” ka ti.

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

EFESA 5:8

Nanmah hrimhrim zong kha muihnak chungah khua nan rak sa, sihmanhsehlaw Bawipa mi nan si cang caah ceunak chungah nan um. Cucaah ceunak mi a simi bantukin nan um awk a si.

FILIPI 4:10

Ka zawn nan ka ruahnak kha nan hun parter ṭhan caah Bawipa chungah hin kaa lawm hringhran. Ka zawnruah kha nan rak ngol ka ti duhnak a si lo, langhternak caan nan rak ngeih lo ca lawnglawng ah khan a rak si.

1JOHAN 2:6

Pathian chungah kan um, a timi paoh nih cun Jesuh Khrih bantukin kan um awk a si.