2 JOHAN 1:1 - Lai (Hakha) Common Language Bible 2006

¹ Khrihfa Upa nih, Ka dawtmi Bawinu le a fale hna kha ca kan kuat hna. Keimah lawnglawng hi an dawtu hna ka si lo, biatak kha a hngalmi vialte nih cun an in dawt hna,

Laibaibal Thiang (BSI)

¹ Upa nih, thimmi nu le a fale hna sinah, biatak i ka dawtmi hna, keimah lawng hmanh si loin, biatak a hngaltu vialte hna sin zongah,

2 JOHAN 1:1 Iomraidhean Croise

LUKA 1:3

Cucaah Bawipa, kei zong nih hi thil vialte hi a hramthawk tein ṭha tein ka dothlat cikcek hnuah na sinah aa tlai thliahmah in ṭial ah a ṭha tiah ka ruah.

JOHAN 8:32

biatak cu nan hngalh lai i biatak nih cun an luatter hna lai,” tiah a ti hna.

LAMKALTU 11:30

Cuticun an tuah i tangka cu khrihfa upa hna sinah khan Barnabas le Saul kut in an kuat.

ROM 16:13

Bawipa rian ah hawi hlei in a ṭuanmi Rufas le a fa bantukin a ka zoh zungzaltu a nu kha nan kut kan tlaih hna.

GALATI 2:14

Thawngṭha biatak lam ding kha an zul ti lo ti ka hmuh tikah, an dihlak hmaiah Peter cu ka thawh i, “Nang cu Judah mi na si, sihmanhsehlaw Jentail mi bantukin na um, Judah mi um in na um lo. Cucaah zeitindah Jentail mi cu Judah mi bantukin nan um lai tiah na hnek khawh hna lai?” ka ti.

GALATI 2:5

Asinain thawngṭha kha nan ca i him tein chiah ka duh caah minit pakhat hmanh kan i teiter hna lo.

GALATI 3:1

Galati mi mihrut hna! Aho nih dah an in hamh hna? Jesuh Khrih vailam cung i a thihnak cu fiang tein kan in hmuhter ko ṭung hna!

GALATI 5:7

Ṭha tein nan rak kal ko. Aho nih dah biatak zulh kha an in ngolter hna?

KOLOSE 1:5

Biahmaan taktak, Thawngṭha Bia kha, nan sin a phak terte ah khan, ruahchannak zeidah an pek hna ti cu nanmah nih nan hngalh. Cuticun nan zumhnak le dawtnak nan ngeihmi cu vancung i nan ca i chiahmi ruahchannak cungah an hram cu a dir.

HEBRU 10:26

Biatak kha hngalhter kan si hnu i kan sual lengmang peng ko ahcun, sualnak thianhnak caah raithawinak zeihmanh a um ti lo.

1 PETER 1:2

Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.

1 PETER 5:1

Khrihfa upa hna, kei zong Khrihfa upa ka si ve bantukin kan nawl hna. Khrih nih temhnak a inmi tehte pakhat ka si ve i a lang laimi sunparnak zongah kaa tel ve lai.

1 PETER 5:13

Babilon i a ummi Khrihfabu nih nan kut an in tlaih hna. Hi Khrihfabu zong cu Pathian thimmi a si ve. Cun ka fapa Marka zong nih biakchawnhnak an kuat ve hna.

1JOHAN 2:21

Cucaah nan sin i ca ka ṭial hi biatak kha nan hngalh lo caah si loin biatak kha nan hngalh ca le biatak chungin lih bia a chuah bal lo ca tu ah khan a si.

1JOHAN 3:18

Ka fale hna, kan i dawtnak hi hmur le kaa lawngin a si awk a si lo, dawtnak taktak, thil tinak ah a langmi dawtnak in a si awk a si.

2 JOHAN 1:13

Na dawtmi na Unaunu fale hna nih daihnak an in kuat.

2 JOHAN 1:5

Cucaah cun ka dawtmi Bawinu, pakhat le pakhat i daw hna u sih. Hihi nawlbia thar kan kuatmi a si lo, a hramthawk tein kan rak ngeih cangmi nawlbia kha a si ko.

3 JOHAN 1:1

Khrihfa Upa nih, Ka dawt taktakmi Gaius, ca kan kuat.