2TIMOTE 3:5 - Lai (Hakha) Common Language Bible 2006

⁵ kan biaknak phung hi a lenglei in an i tlaih lai, sihmanhsehlaw a chung i a ummi ṭhawnnak taktak kha cu an duh lai lo, cu hna cu hrial i zuam hna.

Laibaibal Thiang (BSI)

⁵ Pathian duh ngaimi an i lawhter lai, asinain a ṭhawnnâk an zum lai lo. Cubantuk mi hna cu hrial hna.

2TIMOTE 3:5 Iomraidhean Croise

ISAIAH 29:13

Bawipa nih, “Hi mi hna nih hin kan in biak tiah an ka ti, sihmanhsehlaw an bia cu sullam a ngei lomi lawngte an si i an lung cu kaa dangpi ah a um. Biaknak an timi cu minung serchommi phung le pupa nih an zulh tawnmi lam lawnglawng kha a si i an kaa in a chim a thiam sawhsawh in an thiammi kha a si.

MATTHAI 7:15

“Nal profet kha i ralring hna u, nan sin an rat ah cun tuu bantukin an i umter, sihmanhsehlaw an chunglei cu cenghngia hrang an si.

EFESA 4:14

Midang a palhter tawntu hlenthiammi hna cawnpiaknak tilet le thlichia bantuk a simi nih a kenkip ah a choihmi ngakchia bantuk hna si ti loin,

2 THESALON 3:14

Hi ca kan in kuatmi hna chung bia a zul duh lomi hi an um ko lai. Cu bantuk mi hna cu an ning a zah nakhnga kom hna hlah u.

2 THESALON 3:6

U le nau hna, Bawi Jesuh Khrih min in, mi thathu le kan in cawnpiakmi hna a zul duh lomi cu kom hna hlah u, tiah kan in fial hna.

1TIMOTE 4:7

Pathian kong a si lomi tuanbia menmen kha cu hrial hna, kha hna kha cu nutar ca lawngah an i tlak. Pathian he aa tlakmi nunnak kha ngeih i zuam zungzal.

1TIMOTE 4:8

Pum in thiam lakin cawnmi kha santlaihnak a ngei, asinain cu bantuk santlaihnak cu donghnak a ngei; sihmanhsehlaw biaknak ṭhathnemnak cu donghnak a ngei lo, zeicahtiah cu biaknak chungah cun Pathian nih atu kan nunnak ca he hmailei kan nunnak ca he bia a kan kamh.

1TIMOTE 5:8

Mi pakhatkhat nih a rualchan kha a zohkhenh hna lo ahcun, cun cu nak hmanh in biapi deuh a simi cu, a innchungkhar kha a zohkhenh hna lo ahcun, amah cu zumhnak a hlawmi, Pathian a zum lomi nak hmanh in a ṭha lo deuhmi a si.

1TIMOTE 6:5

le dong loin bia i al lengmangnak kha a chuahter: biatak a ngei ti lomi cu hi bantuk hi an si ko. Biaknak hi rumnak lam pakhat ah an ruah.

2TIMOTE 2:16

Pakpalawng a simi le hruhnak men a simi, i al lengmangnak kha hrial i zuam. Cu nih cun Pathian he lam a hlatter chinchin hna.

2TIMOTE 2:23

Bia i al lengmangnak, hruhnak men le zeihmanh hngalh set ṭung loin i al lengmangnak hi hrial i zuam, zeicahtiah hi bantuk bia i al lengmangnak cu i siknak ah a dong ti kha na hngalh.

TITAS 1:16

Pathian kan hngalh ti cu an ti, sihmanhsehlaw an tuahnak nih an chimmi cu a si lo ti kha a langhter. Mi huat awkin an um, nawl ngai loin khua an sa i thil ṭha tuah dingah an i tlak lo.

TITAS 3:10

Bu chung ṭhennak a chuahtertu kha, a tlawm bik ah voi hnih tal ralrinnak pe hna, cu hnuah cun chuah ko hna.