2TIMOTE 3:15 - Lai (Hakha) Common Language Bible 2006

¹⁵ na ngakchiat lio tein Cathiang kha a hngalmi na si; na hngalh bangin cu Cathiang hna nih cun Khrih Jesuh zumhnak thawngin hmuhmi khamhnak i an kalpi khotu fimnak kha an pek.

Laibaibal Thiang (BSI)

¹⁵ zeitintiah Krih Jesuh zumhnâk thawngin khamhnâk hmu lakin an fimter khotu Cathiang kha, na ngakchiat lio tein na hngalh cang.

2TIMOTE 3:15 Iomraidhean Croise

2 CHANRELNAK 34:3

Zeitintiah a bawi kum riatnak kum, tlangval note a si lioah khan, a pa David i Pathian kha kawl hram a thawk; cun a kum hleihnih kum ah Judah le Jerusalem chung i khuahrum bo hna le Asherim hna le suaimi milem hna le thletmi milem hna kha thianh hram a thawk hna.

SALM 19:7

Bawipa phung cu a ṭhat a tling, nunnak thar petu a si. Bawipa nawlbia cu bochan awk a tlak, fimnak a baumi fimnak petu a si.

SALM 71:17

Ka no lio tein nangmah nih na ka cawnpiak i atu tiangin khuaruahhar na tuahmi kha ka chim lengmang ko.

PHUNGTHLÛKBIA 22:6

A zulh awk a simi lam kha ngakchia cu cawnpiak law, a upat tikah mah cucu a pialtak ti lai lo.

PHUNGTHLÛKBIA 8:17

A ka dawmi cu ka dawt hna i fel tein a ka kawlmi nih cun an ka hmuh.

PHUNGCHIMTU 12:1

Cucaah nan tlanval lioah nanmah an sertu kha philh hlah u, ni ṭhalo hna an phak hlan le, “An chungah nuamhnak zeihmanh kan ngei lo,” nan timi kum hna an nai hlanah hin.

MATTHAI 22:29

Jesuh nih cun, “Nan hei palh hringhran dah. Hi ti nan palhnak cu Cathiang kha siseh, Pathian ṭhawnnak kha siseh, nan hngalh lo caah a si.

LUKA 1:15

Zeicahtiah amah cu Bawipa hmaiah mi ngan a si lai. Zu siseh, zureu siseh, zeihmanh a ding lai lo. A chuahka hrimhrim in Thiang Thlarau in a khat lai;

LUKA 2:40

Ngakchia cu a hung ṭhang i a hung ṭhawng; fimnak in a khat i Pathian thluachuahnak kha a cungah a um.

LUKA 24:27

Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

LUKA 24:32

Annih nih cun, “Lampi i bia a kan ruah le Cathiang sullam a kan chimh ah khan kan chungah mei kang bang a si lo mei kha?” tiah pakhat le pakhat cu an i ti.

LUKA 24:45

Cun an lungthin kha a hun pemh hna i Cathiang sullam kha an hun hngalh.

JOHAN 5:47

Sihmanhsehlaw a ṭialmi cu nan zumh lo caah, zeitindah ka chimmi cu nan zumh khawh fom hnga,” tiah a ti.

LAMKALTU 10:43

Profet vialte nih amah kong cu an rak chim i amah a zummi paoh cu a min ṭhawnnak thawngin an sualnak kha ngaihthiam an si lai, tiah an ti,” tiah a ti.

LAMKALTU 13:29

Amah kongah Cathiang nih a chimmi vialte an tuah dih hnuah vailam cung khan an ṭhumh i thlan ah an vui.

LAMKALTU 16:1

Paul cu Derbe khua le Listra khua ah khan a lan chin. Khika ah Khrihfa pakhat a min Timote a simi kha a rak um; a nu zong cu zumtu a si ve i Judah mi a si, sihmanhsehlaw a pa cu Grik mi a si.

LAMKALTU 17:2

Paul nih a tuah tawn bantukin pumhnak inn ah khan a va kal. Khika ah Sabbath ni ni thum chung, mi hna he khan Cathiang chung bia kha an i al i

LAMKALTU 26:24

Cu bantukin Paul nih a sual lonak kong a chim lioah khan Festas nih cun a hei auh chih i, “Paul, na hrut cang! Na cawn sannak nih an hruhter cang,” tiah a hei ti.

ROM 1:2

Cu Thawngṭha cu Pathian nih hlanpi in a profet hna sinin a rak kan kamh i Cathiang chung i a rak i ṭialmi kha a si i

ROM 16:26

Atu cu kha biatak kha profet hna ṭial bang khan phuan a si cang i zungzal hmunmi Pathian nawl bangin, mi vialte nih an zumh i a nawl cu an ngaih nakhnga, miphun dihlak sinah chim a si cang.

ROM 2:27

Cucaah nannih Judah mi cu, Nawlbia kha nan i ṭial i nan cuarpar nan i tan nain, nawlbia kha nan buar caah Jentail mi nih, an pum in cuarpar tannak an ngei lo nain, Nawlbia kha an zulh caah, sual an in phawt hna lai.

1 KORIN 1:21

Minung nih anmah fimnak in Pathian hngalh khawh lo ding kha Pathian nih a fimnak in a rak tuahmi a si. Kan chimmi “hruh bia” tu hin Pathian nih zumhnak a ngeimi cu khamh a duh hna.

EFESA 6:4

Nu le pa hna, nan fale kha an thin hung seh tiin ti hna hlah u. Khrihfa ziaza le cawnpiaknak he tu khan ṭhanter hna u.

DEUTERONOMI 4:6

Ul hna u law, tuah hna u, zeitintiah miphun hna hmuh ah mah cucu nan fimnak le nan hngalhnak a si lai; hi nawlbia vialte an theih tikah, ‘Hi a nganmi miphun hi a fim le a hngalhthiammi an si hrimhrim ko,’ an ti lai.

1TIMOTE 4:13

Mizapi cu ka rat hlantiang Cathiang kha rak relpiak lengmang hna, phung kha rak chim lengmang hna law rak cawnpiak lengmang hna.

2TIMOTE 1:1

Khrih Jesuh he kan i pehtlaihnak thawngin Pathian nih a kan kamhmi nunnak kan hmuhmi kong chim awkah thlahmi keimah Paul, Pathian duhning in Khrih Jesuh lamkaltu a simi nih,

2TIMOTE 1:5

Na pi Lois le na nu Zunis nih an ngeihmi zumhnak bantuk, zumhnak taktak na ngeih kha ka hngalh i atu zongah hin na ngei ko tiah ka zumh.

2 PETER 3:16

Hi kong a ṭial tik paoh ah hin a cakuat dihlak chungah a chimmi cu hihi a si ko. Asinain a cakuat chungah khan hngalh awk a harmi thil an um i cu thil hna cu a hrutmi le lungthin reprai a ngei set lomi pawl nih cun, Cathiang chung biadang zong an rak tuah tawn bantuk khan, a si lo ning in a sullam kha an chuahter. Cucaah anmah rawhralnak kha anmah lila nih an tlunter.

BIAPHUAN 19:10

Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.

1 SAMUEL 2:18

Asinain Samuel cu ngakchia si hmanh seh law Bawipa hmaiah la hmang ṭhia tlangbawi angki i aih in rian a ṭuan.