2TIMOTE 3:1 - Lai (Hakha) Common Language Bible 2006

¹ Ni hmanung bik kha an phak tikah harnak caan a si lai ti kha philh hlah.

Laibaibal Thiang (BSI)

¹ Asinain hihi philh hlah, ni hmahnung ahcun ṭih a nung mi cân an phân lai.

2TIMOTE 3:1 Iomraidhean Croise

GENESIS 49:1

Jakob nih a fapale kha a auh hna i, “I pum u law, hmailei ah nan cungah zeidah a tlung lai ti kha kan chimh hna lai,” a ti.

ISAIAH 2:2

Hmailei caan pi ah cun Bawipa biakinn a dirnak tlang hi tlang vialte lakah a sang bik tlang a si lai. Miphun vialte kha cuka ah cun an ra luaimai lai i

JEREMIAH 48:47

Sihmanhsehlaw hmailei caan ah cun Moab cu, Vanṭhatnak kha ka pek ṭhan lai, tiah Bawipa nih a ti. Hi tiang hi Moab cung i biaceihnak cu a si.

JEREMIAH 49:39

Sihmanhsehlaw hmailei caan ah cun Elam cu a vanṭhatnak kha ka pek ṭhan lai,” tiah Bawipa nih a ti.

EZEKIEL 38:16

Thlichia nih ram kha a hrawh bantukin ka mi Israel mi cu na hrawh hna lai. Cun caan hmanung bik caan ah cun, ka ram doh awkah keimah hrimhrim nih kan kalpi lai i nangmah hmang in ka tuahmi nih keimah cu ahodah ka si ti langhternak caah le ka thiannak langhternak caah, nang Gog, an hmangtu cu Keimah ka si kha miphun hna nih an hngalh lai, a ti.

DANIEL 10:14

Cun ka ratnak cu, hmailei ah na mi hna cungah zeidah a tlung lai ti chimh awkah a si i hi langhnak hi hmailei kong langhnak thar a si,” tiah a ti.

DANIEL 11:36

Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha ṭhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.

DANIEL 12:11

Nifate in pekchanh tawnmi raithawinak kha an ngol i cucu Ṭhiotu Fihnung kha an bunh thawk in ni thong khat za hnih le sawm kua a rau lai.

DANIEL 12:7

Puan hmangṭhia aa aihmi nih cun a kehlei kut le a orhlei kut kha van leiah a hler hna i, “Caan khat, caan hnih le caan cheu chung a si lai; mithiang mi hna a hremtu hna kha a donghnak caan a phak ve tikah hi thil vialte cu an donghnak an phan ve lai,” tiah zungzal a nungmi Pathian min chalh in chiat a ser kha ka theih.

DANIEL 7:8

A ki kha ka zoh lio hna ah cun ki dang pakhat, ki hmete an lak i a hung chuah kha ka hmuh i cu ki hmete nih cun umnak a hmuh khawh nakhnga a um ciami hna lak i ki pathum kha a thlongh hna. Cun cu ki nih cun minung mit le minung kaa a ngei i aa porhlaw i tluang a khawng.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

MIKAH 4:1

Hmailei caan ah cun Bawipa inn a umnak tlang cu tlang vialte lakah a sang bik a si lai; Cu tlang ah cun mi tampi kha an ra lai, phun tampi kha an ra lai i,

2TIMOTE 4:3

Cawnpiaknak a hmaanmi kha mi nih an ngaih duh lo i anmah duhnak tu kha an zulh i anmah theih duhmi chimtu dingah cawnpiaktu an lak hna lai caan kha a phan lai.

2 PETER 3:3

A hmasa bik ah nan hngalh awk i ka duhmi cu, caan donghnak caan ah cun, an pumsa duhnak nih a ukmi hna kha an hung chuak lai. Nannih cu an in nihsawh hna lai i

1JOHAN 2:18

Ka dawtmi ka fale hna, caan donghnak cu atu hi a si. Khrih Ral kha a ra lio, tiah nan theih i atu ah hin Khrih ral tampi an hung chuak cang; cucaah cun caan donghnak cu atu hi a si cang ti kha kan hngalh.

JUDAS 1:17

Sihmanhsehlaw ka hawile hna, kan Bawipa Jesuh Khrih lamkaltu hna nih an rak chimchungmi kha philh hlah u.

JUDAS 1:18

An in chimhmi hna cu, “Donghnak ni a phak tikah cun, nanmah an nihsawhtu hna le a ṭha lomi an pumsa duhnak lawng a zulmi hna kha an chuak lai,” ti pei a si kha.