2TIMOTE 2:2 - Lai (Hakha) Common Language Bible 2006

² Tehte tampi hna theih ah ka chimmi bia kha i lak law, midang a cawnpiak kho ve dingmi, na zumhmi hna kha va kenter hna.

Laibaibal Thiang (BSI)

² Cun hngalhpitu tampi hna le keimah sinin na theihmi hna kha midang a cawnpiak chin khotu zumhawktlâk sinah pe chin hna.

2TIMOTE 2:2 Iomraidhean Croise

EZRA 7:10

Ezra nih Bawipa phungbia kha cawn awk le tuah awk le a nawlbia hna le a phunglam hna kha Israel mi cawnpiak awk kha a lung in aa sehchih.

EZRA 7:25

“Cun nang, Ezra, na Pathian fimnak na kut chung i a ummi ning khan, Tiva Ral ram i a ummi vialte, na Pathian phungbia a hngalmi vialte kha bia a ceihtu dingah uktu bawi le biaceihtu kha na chiah hna lai; cun phungbia a hngal lomi kha nan cawnpiak hna lai.

NEHEMIAH 7:2

ka unau Hanani le ralvennak inn uktu Hananiah kha Jerusalem khua zohkhenhnak rian cu ka pek hna, zeicahtiah amah cu midang tampi nakin zumhawktlak deuh le Pathian a ṭih deuhmi a si.

SALM 101:6

Zumhawktlak bikbik kha ka hawikom ah kaa thim hna lai i ka sal cu an nunning soi awk a um lomi kha an si lai.

PHUNGTHLÛKBIA 13:17

Lamkaltu ṭhalo nih harnak chungah a luhpi tawn hna, Sihmanhsehlaw zumh awk tlak lamkaltu nih cun zeizong vialte kha an ṭhatter ṭhan tawn.

JEREMIAH 23:28

Profet pakhatkhat nih mang a manh ahcun, a mang cu chim ko seh, bia chim awk a ngeih ahcun, ka bia cu a ning tein chim ko seh. Favai le a fang cu nan thleidang kho hna lo maw, tiah Bawipa nih a ti.

LEVITIKAS 14:42

cun lung dang an lak hna lai i kha lung hna umnak ah khan an chiah hna lai i lung benhnak thung dang zong kha an lak lai i inn cu an benh lai.

MALAKHI 2:7

Tlangbawi cu Ralkapbu Bawipa lamkaltu a si caah a bia kha mi nih an i tlaih i fimnak le cawnpiaknak kha amah sinin an kawl.

NAMBAR 12:7

Sihmanhsehlaw ka sal Moses cu, cu bantuk cun a si lo; ka inn cu a dihlak in a kut chungah ka chiah;

MATTHAI 13:52

Cucaah a thawh hna i, “Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si,” tiah a ti.

MATTHAI 24:25

Ngai hmanh u. A hlankan in hihi kan chimchung hna hih.

LUKA 12:42

Bawipa nih a leh i, “A si ahcun, aho cu dah zumhawktlak le a fimmi sal cu a si? Zumhawktlak le a fimmi sal cu a bawipa nih a innchungkhar zohkhenhtu ah a chiah i sal dang kha anmah le an caan te cio ah an co awk hnga rawl a pemi hna cu a si.

1 KORIN 4:2

Cu bantukin thil ken fialmi a rian biapi bik cu a bawipa sin i zumh awk tlak te i um kha a si.

2 KORIN 2:14

Sihmanhsehlaw Pathian cu lawm ko u sih. Zeicahtiah Khrih teinak puai i a kal nuahmahmi mibu chungah khan kannih cu Khrih he kan i pehtlaihnak thawngin Pathian nih thongtla bantukin a kan hruai zungzal. Khrih kong hngalhnak cu khuazakip ah zihmui bantukin karhter awkah Pathian nih kannih cu a kan hman.

2 KORIN 3:5

Hi rian hi kan ṭuan khawh vun i ti awkah kanmah ah hin zeihmanh i chim awk kan ngei lo. Kan ṭuan khawhnak cu Pathian sinin a rami a si i

KOLOSE 1:7

Cucu Epafras sin khan nan theih; amah cu kan rianṭuanhawi, kanmah aiawh in Khrih ca i rian a ṭuanmi, zumh awk tlak ngaimi a si.

1TIMOTE 1:12

Ka rianṭuannak ah thazang a ka petu kan Bawipa Khrih Jesuh cu ka lawmh. Amah rianṭuantu ah ser awk tlak i a ka ruah caah a cungah kaa lawm.

1TIMOTE 1:18

Ka fa, Timote, hi bantukin mi va chimhhrinnak ding rian hi na kut chungah ka chiah. Hi ka chiahmi cu nangmah kongah rak chimchungmi bia ning khan a si. Kha bia kha raldohnak hriam ah i hman hna law na zumhnak le na lungthin kha fek tein umter hna.

1TIMOTE 4:14

Profet hna nih bia an chim i upa hna nih na cung i an kut an chuan tikah na hmuhmi thlarau laksawng kha hlothlau hlah.

1TIMOTE 4:6

Kan u le kan nau pawl kha, hi cawnpiaknak hi na chimh hna ahcun nangmah cu Khrih Jesuh sal ṭha na si lai, thlarau lei i naa cawmnak ah zumhnak bia le na zulhmi cawnpiaknak ahmaan taktakmi kha, va hmang hna.

1TIMOTE 5:22

Bawipa rianṭuantu ding caah ahohmanh khulrang tuk in kutchuannak va pe hna hlah. Midang tuahmi sualnak ah i tel loin thiang tein um i zuam ko.

1TIMOTE 6:12

Zumhnak tlik zuamnak ah hin na tha ngeihmi dihlak in i zuam law zungzal nunnak kha co i zuam. Tehte tampi hmaiah na zumhnak na rak phuan ah khan Pathian nih an kawhnak cu hi nunnak hmuh awk caah hin a rak si.

2TIMOTE 3:10

Sihmanhsehlaw nang nih cun kaan cawnpiaknak le ka ziaza le ka nunnak i kaa tinhmi kha na zulh hna; zumhnak ka ngeihmi le ka lungsaunak le ka dawtnak ngeihmi le ka in khawhnak ngeihmi le

2TIMOTE 3:14

Sihmanhsehlaw nang cu biatak kan cawnpiakmi ah khan dir law fek tein zum peng ko. Nangmah cawnpiaktu saya cu ahodah kan si kha na kan hngalh i

HEBRU 2:17

Cucaah zeizong kip ah a unau hna bantuk kha a si awk hrim a si i cu bantukin a si cu, annih nih sual ngaihthiamnak an hmuh khawh nakhnga ding caah, zumh awk a tlakmi le zaangfah a thiammi an Tlangbawi Ngan a si nakhnga caah a si.

1 SAMUEL 2:35

Cun keimah hrimhrim nih zumhawktlak tlangbawi pakhat, ka lung chung le ka ruahnak chungah a ummi ningin a tuahtu ding cu ka chuahter lai; cun amah cu a fekmi innchungkhar ka sakpiak lai i ka chiti thuhmi hmaiah a zungzal in a lut a chuak lai.