2TIMOTE 1:7 - Lai (Hakha) Common Language Bible 2006

⁷ Pathian nih a kan pekmi Thlarau nih cun mi ralchia ah a kan ser lo, ṭhawnnak le dawtnak le mah le mah i uk khawhnak tu khan a kan khahter.

Laibaibal Thiang (BSI)

⁷ Zeitintiah Pathian nih ṭihnâk thlarau a kan pe lo, ṭhawnnâk dawtnâk le ruahnâk ṭha thlarau tu kha a kan pêk.

2TIMOTE 1:7 Iomraidhean Croise

SALM 119:80

Ral tuknak i sungh ningzahnak khan ka luat nakhnga, na nawlbia cu tlamtling tein ka zulhter ko.

PHUNGTHLÛKBIA 2:7

Miding mi hna caah fimnak ṭha kha a khon i ding tein a kalmi hna caah amah cu phaw a si i

PHUNGTHLÛKBIA 8:14

Hngalhthiamnak le ṭhawnnak zong keimah ta an si.

ISAIAH 11:2

A mi kha a uk khawh hna nakhnga Bawipa ṭhawnnak nih amah cu fimnak le hngalhnak le thiamnak a pek lai. Bawipa duhnak kha zeidah a si ti a hngalh lai i Bawipa cu a ṭih lai.

MIKAH 3:8

Sihmanhsehlaw kei tu cu Bawipa thlarau nih ṭhawnnak le bia khiah thiamnak le ral ṭhatnak in a ka khahter i Israel mi hna cu an sualnak kha zeidah a si tiah ka chimh hna.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

LUKA 10:19

Ngai hmanh u: rul le tlangngaikuang hmanh lamh khawhnak ṭhawnnak le nan Ral ṭhawnnak tei khawhnak kan pek hna caah zeihmanh nih an ti kho hna lai lo;

LUKA 15:17

A donghnak ah cun a lung a hung fim i, ‘Ka Pa kuli vialte hmanh nih ei cawk loin ei awk an ngei, kei vial hika ah hin rawlṭam in ka thi cuahmah.

LUKA 24:49

Cun keimah hrimhrim nih ka Pa nih bia aa kammi kha nan cungah ka run thlah lai. Sihmanhsehlaw cunglei in ṭhawnnak kha nan cung i a tlun hlantiang khuapi chung hin hngak ko u,” tiah a ti hna.

LUKA 8:35

Cu ti i thil a hung ummi zoh awkah mi cu an va kal. Jesuh sinah khan an va phan i khuachia nih an chuahtak cangmi pa kha a kehram ah puan i aih le lungfim tein a ṭhut kha an va hmuh i an dihlak in an thin a phang.

JOHAN 14:27

“Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u.

LAMKALTU 1:8

Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.

LAMKALTU 20:24

Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.

LAMKALTU 21:13

Sihmanhsehlaw a kan thawh i, “Zeidah nan tuah? Hi bantukin nan ṭah ahcun ka lung nan ka hnoter. Jerusalem ah hin Bawi Jesuh caah ṭemnak huah lawng hi kaa tinhmi a si ṭung lo, thihnak tiang hmanh ka in lai tiah pei kaa timh cu,” tiah a kan ti.

LAMKALTU 26:11

Pumhnak inn kip ah khan voi tampi hremnak ka inter hna i an zumhnak kha hlawtter kaa zuam hna. An cungah khan ka thin a hun tuk caah anmah hrem awkah cun ramdang khua hmanh ah ka fuh hna.

LAMKALTU 26:25

Paul nih cun a hun leh ve i, “Ka hrut lo, Bawipa. Ka chimmi bia hi bia hmaan le fimhrin biate an si ko.

LAMKALTU 6:8

Pathian nih thluachuahnak tampi a pekmi le ṭhawnnak in a khatmi Steven nih khan mizapi lakah khan a liannganmi khuaruahharnak le hmelchunhnak kha a ser hna.

LAMKALTU 9:22

Sihmanhsehlaw Saul phungchimmi cu a ṭhawng chin lengmang i Jesuh cu Messiah a si tiah a chim khawhnak kha mi lung a fianter tuk caah Damaskas khua i a ummi Judah mi hna nih khan an let kho lo.

ROM 5:5

zeicahtiah a kan pekmi Thiang Thlarau thawngin kan lung chungah Pathian nih a dawtnak cu a toih in a kan toih.

ROM 8:15

Pathian nih an pekmi hna Thlarau cu sal i an canter ṭhantu hna ding thlarau a si lo, ther lengmang le phang lengmang i nan rak nunning ah an kalpi ṭhantu hna ding zong a si fawn lo. Pathian fa ah a kan sertu ding tu kha a si i amah nih cun Pathian kha, “Ka Pa, ka Pa,” tiah a kan auhter khawh.

1 KORIN 2:4

kan cawnpiaknak hna le ka phungchimmi ah khan nan lung an pemtu hna cu minung fimthiamnak holh dawhdawh kha si loin Pathian Thlarau ṭhawnnak tu kha a si deuh.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

KOLOSE 1:8

Thlarau nih an pekmi hna dawtnak kong kha a kan chimh.

HEBRU 2:15

thihnak an ṭih ruang i an nun chung vialte sal bantukin khua a sami hna kha a luatter hna nakhnga caah a si.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

1JOHAN 4:18

Dawtnak chungah cun ṭihnak a um lo. Dawtnak tling nih cun ṭihnak vialte kha a chuah dih hna. Cucaah ṭihnak a ngeimi cu dawtnak tling a ngei rih lo, zeicahtiah ṭihnak cu dantatnak he aa pehtlaimi a si.