2TIMOTE 1:13 - Lai (Hakha) Common Language Bible 2006

¹³ Kan cawnpiakmi biatak kha fek tein i tlaih hna law na zulh awkah i chiah hna, cun Khrih Jesuh he kan i pehtlaihnak thawngin kan ta a simi zumhnak le dawtnak chungah khan um peng ko.

Laibaibal Thiang (BSI)

¹³ Krih Jesuh i a ummi zumhnâk le dawtnâk in, a ngandammi cawnpiaknâk ka sin in na theihmi kha fek tein i tlaih.

2TIMOTE 1:13 Iomraidhean Croise

PHUNGTHLÛKBIA 23:23

Biatak kha vaa cawk law zuar ti hlah, fimnak, cawnpiaknak le hngalhthiamnak kha i cawk hna.

PHUNGTHLÛKBIA 3:18

Amah aa tlaihmi hna caah cun nunnak thingkung a si i amah kha fek tein aa tlaihmi cu him tein an um.

PHUNGTHLÛKBIA 3:21

Ka fapa, fimnak ṭha le ruahthiamnak cu i ken hna, na mit hmuhnak chungin liamter hna hlah;

PHUNGTHLÛKBIA 4:13

Cawnpiaknak kha i tlaih peng law thlah hlah; Cucu zul peng tuah, na nunnak a si.

PHUNGTHLÛKBIA 8:14

Hngalhthiamnak le ṭhawnnak zong keimah ta an si.

ROM 2:20

a hrutmi cawnpiaktu le a nomi hna saya kan si nan ti; cun Nawlbia chungah hin hngalhnak le biatak cu tling tein kan hmuh nan ti.

ROM 6:17

Sihmanhsehlaw Pathian cu lawm cio ko u sih. Zeicahtiah nannih cu sualnak sal nan rak si nain cawnpiaknak nan hmuhmi chung i a ummi biatak kha nan lungthin dihlak in nan zulh cang.

FILIPI 1:27

A biapimi cu hi tu hi a si: Khrih Thawngṭha nih si hna seh ti an duhmi hna kha nan nuncan a si awk a si. Cucaah kan hmuh khawh hna ah siseh, kan hmuh khawh hna lo ah siseh, tinhmi pakhat he fek tein nan dir i Thawngṭha zumhnak ah hmunkhat i ral a do ṭimi nan si kha theih ka duhmi cu a si.

FILIPI 4:9

Keimah sinin nan hngalhmi le nan hmuhmi kha tuah i zuam hna u, ka chimmi nan theihmi si hna seh, ka tuahmi nan hmuhmi si hna seh, tuah i zuam hna u. Daihnak a kan petu Pathian nih cun an umpi hna lai.

KOLOSE 1:4

Zeicahtiah Khrih Jesuh nan zumhnak le Pathian mi nan dawtnak hna kong kha kan rak theih.

1THESALON 5:21

Zeizong vialte kha hneksak dih hna u: a ṭhami kha i chiah u law

1TIMOTE 1:10

nu le pa sualnak a tuahmi hna le nu le pa kong ah ningcanglo in khua a sami hna le minung fir a hmangmi hna le lihchim a hmangmi hna le tehte dinglo a simi hna le cawnpiaknak ahmaanmi he aa tlak lomi thil a tuahmi hna ca tu ah khan tuah a si.

1TIMOTE 1:14

Cun kan Bawipa nih cun a tam ngaingaimi a vel kha a toih in a ka toih i Khrih Jesuh he kan i pehtlaihnak thawngin zumhnak le dawtnak kha a ka pek i cu hna cu kanmah ta an si cang.

1TIMOTE 6:3

Hihi na cawnpiak hna awk le na chimh hna awk a si. Kan Bawi Jesuh Khrih bia le kan biaknak phung nih a kan cawnpiakmi he aa khat lomi cawnpiaknak phun dang a cawnpiaktu hna paoh cu

2TIMOTE 1:1

Khrih Jesuh he kan i pehtlaihnak thawngin Pathian nih a kan kamhmi nunnak kan hmuhmi kong chim awkah thlahmi keimah Paul, Pathian duhning in Khrih Jesuh lamkaltu a simi nih,

2TIMOTE 1:14

Kan chungah a ummi Thiang Thlarau ṭhawnnak thawngin na kut chungah chiahmi thil ṭha kha him tein keng hna.

2TIMOTE 2:2

Tehte tampi hna theih ah ka chimmi bia kha i lak law, midang a cawnpiak kho ve dingmi, na zumhmi hna kha va kenter hna.

2TIMOTE 3:14

Sihmanhsehlaw nang cu biatak kan cawnpiakmi ah khan dir law fek tein zum peng ko. Nangmah cawnpiaktu saya cu ahodah kan si kha na kan hngalh i

2TIMOTE 4:3

Cawnpiaknak a hmaanmi kha mi nih an ngaih duh lo i anmah duhnak tu kha an zulh i anmah theih duhmi chimtu dingah cawnpiaktu an lak hna lai caan kha a phan lai.

TITAS 1:9

Cawnpiaknak ahmaanmi aa tlaih pengmi a si lai, cuticun a bia a ngaitu pawl kha cawnpiaknak ṭha in an lung a thawhter khawh hna lai i cawnpiaknak ṭha a altu pawl kha an palhnak a langhter khawh lai.

TITAS 2:1

Sihmanhsehlaw nang nih cun cawnpiaknak a ṭhami kha na cawnpiak hna lai.

TITAS 2:8

Soi khawh lo ding bia ṭha kha hmang hna law, na ral pawl kha kan thangchiatnak zeihmanh chim awk an ngeih lai lo caah an ning tu zak seh.

HEBRU 10:23

Bia a kan kamhtu Pathian cu zumh awk tlak a si bantukin kan i ruahchanmi cu fek tein i tlaih peng ko u sih.

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

HEBRU 4:14

Cucaah kan zumhnak hi fek tein i tlaih ko u sih. Pathian umnak hrimhrim ah a hung lutmi Tlangbawi Ngan kan ngei i amah cu Pathian Fapa Jesuh kha a si.

JUDAS 1:3

Ka dawtmi ka hawile hna, kan dihlak in kan i hrawmmi khamhnak kong kha ca in, in chim hna ning ti cu ka duh zungzalmi a si. Sihmanhsehlaw atu ah hin, Pathian nih voi khat ah za lak in a mi a pekmi hna zumhnak kha rak ṭanh u, tiah in chimh hna kha a herh hringhran in ka hngalh caah cu kong cu ca in kua loin kan um kho hna lo.

BIAPHUAN 2:25

Sihmanhsehlaw atu i nan ngeihmi kha ka rat tiang fek tein rak i tlaih ko u.

BIAPHUAN 3:11

Ka ra zau lai. Na ngeihmi kha ṭha tein i chiah, teinak laksawng na hmuh ding cu ahohmanh nih in chut hna hlah seh.

BIAPHUAN 3:3

Cucaah cun zeidah an in cawnpiakmi kha a si ti le zeitindah na rak theih ti kha philh hlah, cucu zul law na sualnak kha mertak hna. Naa hlauh lo ahcun mifir bantukin kaan rathnawh lai i ka rat caan kha a hngalh hmanh na hngal lai lo.