1 SAMUEL 6:3 - Lai (Hakha) Common Language Bible 2006

³ Annih nih, “Israel Pathian i a kuang kha nan kirter a si ahcun, a lawng in kirter citcet hlah u; phungbuar thawinak he nan kirter hrimhrim lai. Cun nan dam lai i zeicahdah a kut cu nan sinin aa mer lo ti kha nan hngalh lai,” an ti.

1 SAMUEL 6:3 Iomraidhean Croise

JOB 10:2

Pathian cu ka thawh lai i, ‘Sual ka phaw hlah; Zeicahdah na ka ralchanh hi a si, ka hngalhter.

EXODUS 23:15

Thilnu Phulh Lo Changreu puai kha nan tuah lai; kan chimh cang hna bantuk khan, Abib thla chung i ni khiahmi ni sarih chung kha thilnu phulh lo changreu nan ei lai, zeicahtiah cu thla cu Izipt ram in nan chuah thla kha a si. Ahohmanh ka hmaiah kut put ngei loin nan chuak lai lo.

EXODUS 34:20

Asinain hrin hmasa bik laa paohpaoh cu tuu in nan tlanh hna lai; nan tlanh hna lo ahcun an hngawng nan khiah hna lai. Hrin hmasa bik fapa paohpaoh kha nan tlanh hna lai. Ka hmaiah ahohmanh pekchanhmi thil um loin nan chuak lai lo.

EXODUS 8:15

Faro nih thil cu a hung ṭha deuh ṭhan ti kha a hmuh tikah a lung a hak ṭhan i Bawipa nih a rak chim bantukte khan Moses le Aaron cu an bia ngaih kha a duh ṭhan hna lo.

LEVITIKAS 5:6

sualnak a tuahmi caah khan Bawipa sinah sual thawinak a rak put lai, tuurun chungin a nu, tuufa siseh meheh siseh, sual thawinak caah a si lai; cun tlangbawi nih a sualnak caah remnak a serpiak lai.

LEVITIKAS 6:6

Cun tlangbawi sinah Bawipa sin i a pekchanhmi phungbuar thawinak cu a rak put lai, tuurun chungin tuukawng pakhat dotla, nangmah nih phungbuar thawinak caah a man a za na timi a si lai;

DEUTERONOMI 16:16

“Kum khat ah nan lak i pa vialte nih Bawipa hmaiah a thim laimi hmun ah voi thum an chuak lai: thilnu telh lo changreu puai le zarh hna puai le deu puai ah an si lai. Bawipa hmaiah kutro in an chuak lai lo;

1 SAMUEL 5:11

Cucaah Filistin bawi vialte kha an cah an pumh hna i, “Israel Pathian i a kuang cu kalter ko u, kanmah le kan mi hna kha a kan thah nakhnga lo, amah umnak hmun ah kirter ṭhan ko u,” tiah an ti. Zeitintiah khua chungah khan ṭih a nung ngaingaimi launak a um dih. Pathian kut cu khika ah a rit ngaingai ko.

1 SAMUEL 5:7

Cun Ashdod khuami nih zeitin thil umtuning a si kha an hmuh tikah, annih nih, “Israel Pathian i a kuang cu kan sinah a um awk a si lai lo, zeicahtiah a kut cu kan cung le kan khuazing Dagon cungah a rit ai,” tiah an ti.

1 SAMUEL 5:9

Sihmanhsehlaw an ratpi hnuah, Bawipa kut nih cu khua cu a ralchanh i launak nganpi a chuahter i cu khuami hna cu a tar a no in a hrem hna i an cungah tak bonak kha a chuak.

1 SAMUEL 6:8

Cun Bawipa kuang kha la u law, cawleng cungah khan chia u, cun a pawngah thingkuang in, phungbuar thawinak caah amah nan kuatmi sui siasal tete kha chia hna u. Cun thlah u law kalter u.

1 SAMUEL 6:9

Cun zoh tuah u, amah ram lei i a hung kalmi Beth-shemesh lei i a kalmi lam kha a hun zulh ahcun, kannih cungah hi harnak nganpi a tuahtu hi amah a si; sihmanhsehlaw cu ti a si lo ahcun, a kan tutu cu amah kut a si lo, kan cungah a tlung sual i a si ko, ti kha kan hngalh lai,” an ti.