1 SAMUEL 6:2 - Lai (Hakha) Common Language Bible 2006

² Cun Filistin mi hna nih tlangbawi hna le litin thiam hna kha an auh hna i, “Bawipa kuang hi zeitindah kan tuah lai? A umnak ah zei he dah kan kuat lai, ti kha kan chim tuah u,” an ti.

1 SAMUEL 6:2 Iomraidhean Croise

GENESIS 41:8

A thaizing ah cun a khuaruah a har i cucaah cun Izipt ram chung camhthiam le mifim vialte kha a kawh dih hna. A mang cu a chimh hna, asinain ahohmanh nih a sullam an lehpiak kho lo.

EXODUS 7:11

Cun Faro nih a mifim le camhthiam pawl kha a auh ve hna i annih zong nih cu bantuk cu an tuah khawh ve.

ISAIAH 2:6

Pathian, na mi Jakob tefa hna cu na hlawt cang hna. Nichuahlei in a rami camhthiam hna le Filistia ram in a rami camhthiam hna cu, hi ram hi an khat dih i hi ram mi hna nih, cu hna phung cu an zulh ve.

DANIEL 2:2

Khi tikah siangpahrang nih cun mitlehthiam hna le camhthiam hna le khuachia ṭhawlthiam hna le eihthiam hna kha a kawh hna i ka mang cu a sullam ka chim u, tiah a ti hna. Annih nih an rat i siangpahrang hmaiah an dir tikah khan a thawh hna i,

DANIEL 5:7

Khuachia ṭhawlthiam hna le camhthiam hna le mang ihthiam hna kha, runpi hna u, tiah fak piin a au i Babilon mifim hna cu. “Hi ca ṭialmi hi a rel kho i a sullam a ka chim khotu paoh cu puan sen aih an si lai i a hngawng ah sui ṭhi rual oih an si lai i ka pennak chungah bawi ngan pathumnak an si lai,” tiah a ti.

MATTHAI 2:4

Tlangbawi upa vialte hna le Phungbia cawnpiaktu saya hna kha a pumh hna i, “Khuazei ah dah Messiah cu a chuah lai?” tiah a hal hna.

1 SAMUEL 5:8

Cucaah Filistin bawi vialte kha an cah an pumh hna i, “Israel Pathian i a kuang hi zeitindah kan tuah lai?” tiah an ti. Annih nih, “Israel Pathian i a kuang cu Gath hrawngah ratpi si tuah seh,” tiah an leh hna. Cucaah Israel Pathian i a kuang cu cuka ah cun an kalpi.

1 SAMUEL 6:1

Bawipa kuang cu Filistin mi hna ram chungah thla sarih a um.