1 SAMUEL 5:8 - Lai (Hakha) Common Language Bible 2006

⁸ Cucaah Filistin bawi vialte kha an cah an pumh hna i, “Israel Pathian i a kuang hi zeitindah kan tuah lai?” tiah an ti. Annih nih, “Israel Pathian i a kuang cu Gath hrawngah ratpi si tuah seh,” tiah an leh hna. Cucaah Israel Pathian i a kuang cu cuka ah cun an kalpi.

1 SAMUEL 5:8 Iomraidhean Croise

1 CHANRELNAK 7:21

Zabad, Shuthelah. Shuthelah hleiah Efraim nih fapa dang pahnih a ngeih hna: Ezer le Elead an si; anmah cu cuka ram Gad mi hna saṭil an fir ruang i an rak thahmi hna kha an si.

AMOS 6:2

Kalneh ah cun va kal u law va zoh tuah u, Hamath Ngan ah cun hei lan u law Filistin mi hna khua Gath ah cun vung kal tuah u. Hi ram hna nak hin nan ṭhawng deuh maw? Nan ram tah an ram nakin a ngan deuh maw?

ZEKHARIAH 12:3

Vawlei cung miphun vialte nih Jerusalem le Judah kha an kulh hna tikah, cu ni ah cun Jerusalem cu aho ca hmanh i ṭhial awkah a rit tukmi lungtum ah ka ser lai i cawi aa zuammi paoh cu anmah tu kha an i hliam lai.

JOSHUA 13:3

(Izipt nichuahlei i a ummi Shihor in chaklei ah Ekron ramri tiang, mah cucu Kanaan mi ram ah rel a si; cun Filistin bawi panga an um, Gaza i le Ashdod i le Ashkelon i le Gath i le Ekron i hna cu an si),

JOSHUA 15:11

ramri cu Ekron fing tiang chaklei ah a kal, cun Shikkeron leiah aa kuai i Baalah Tlang leiah a kal i Jabneel ah a chuak; cun ramri cu rili ah a dong.

1 SAMUEL 17:4

Cun Filistin mi hna riahhmun cun an mi ṭhawng bik a min Goliath a simi, Gath khuami, a tung dong ruk le khap khat a timi cu a ra chuak.

1 SAMUEL 17:52

Cun Israel mi le Judah mi hna cu an tho i an au i Filistin mi cu Gath le Ekron hauka tiang an dawi hna, cucaah hliammi Filistin mi hna cu Shaaraim in Gath le Ekron tiang lampi ah an ril liangluang ko.

1 SAMUEL 29:6

Khi tikah Akhish nih David kha a kawh i a sinah, “Bawipa nih a nun bangin, nangmah cu midik ngaingai na si i hi raldohnak i kan kalnak ah hin keimah sin i na luh na chuah ve hi a ding ko, tiah ka ruah; zeitintiah ka sinah na rat ni in nihin ni tiang nangmah chungah zeihmanh ṭhat lonak ka hmu lo. Sihmanhsehlaw bawi pawl nih nangmah cu an hna na tla lo.

1 SAMUEL 5:11

Cucaah Filistin bawi vialte kha an cah an pumh hna i, “Israel Pathian i a kuang cu kalter ko u, kanmah le kan mi hna kha a kan thah nakhnga lo, amah umnak hmun ah kirter ṭhan ko u,” tiah an ti. Zeitintiah khua chungah khan ṭih a nung ngaingaimi launak a um dih. Pathian kut cu khika ah a rit ngaingai ko.

1 SAMUEL 5:7

Cun Ashdod khuami nih zeitin thil umtuning a si kha an hmuh tikah, annih nih, “Israel Pathian i a kuang cu kan sinah a um awk a si lai lo, zeicahtiah a kut cu kan cung le kan khuazing Dagon cungah a rit ai,” tiah an ti.

1 SAMUEL 6:2

Cun Filistin mi hna nih tlangbawi hna le litin thiam hna kha an auh hna i, “Bawipa kuang hi zeitindah kan tuah lai? A umnak ah zei he dah kan kuat lai, ti kha kan chim tuah u,” an ti.