1 SAMUEL 5:3 - Lai (Hakha) Common Language Bible 2006

³ Cun a thaizing ah, Ashdod khuami hna cu zingkate in an thawh tikah, zohhmanh, Dagon cu a bawktakhup in vawlei ah Pathian kuang hmaiah cun a rak tlu. Cucaah Dagon cu an lak i a umnak kel ah khan an chiah ṭhan.

1 SAMUEL 5:3 Iomraidhean Croise

1 SIANGPAHRANG 18:26

Cun annih nih an pekmi hna cawtum cu an i lak i an can i Baal min cu zingka in chun tiang an auh i, “Maw Baal, kan let tuah!” tiah an ti. Sihmanhsehlaw zei aw hmanh a um lo i zeihmanh nih a let hna lo. Cun an sermi biakṭheng a velchum ah cun heh tiah an i hlok.

SALM 115:7

Kut an ngei, sihmanhsehlaw zeihmanh an tawng kho lo, ke an ngei, sihmanhsehlaw an kal kho lo; an hrom nih aw zeihmanh a ser kho lo.

SALM 97:7

Siasal a biami vialte kha an ning a zak dih, an siasal aa porhlawmi vialte kha an ning a zak dih; pathian vialte cu a hmaiah an kun dih.

EXODUS 12:12

Cu zan ah cun Izipt ram ah khan kaa chawk lai i fater vialte kha minung si hna seh, saram si hna seh, ka thah dih hna lai. Izipt ram pathian vialte kha dan ka tat dih hna lai; keimah hi Bawipa cu ka si.

ISAIAH 19:1

Hi bia hi Izipt kong bia a si. Bawipa cu khuadawm aa cit i khulrang in Izipt ram ah a ra. A hmaiah Izipt ram siasal hna cu an ther i Izipt mi hna cu an lung a dong.

ISAIAH 40:20

Sui le ngun aa damh kho lomi nih cun a rop kho lomi thing kha an i thim. Zungthiam mi kha an kawl hna i siasal cu rawk lo dingin an serter hna.

ISAIAH 41:7

Lehtama nih sui serpa kha, “Na tuahmi a ṭha,” a ti. Siasal a milhtu nih khan siasal cu hmunkhat ah thir in a funtomtu kha, na lung ṭhawng ko, a ti. Pakhat nih, ‘Na senghnak cu a ṭha ko,’ a ti i annih nih siasal cu thir in a umnak ding hmun ah khan an khenh chih.

ISAIAH 46:7

An liang ah an i khinh i an kalpi; cun a hmunte ah khan an chiah i cuka ah cun a dir; a dirnak hmun khan aa ṭhial kho lo. A sin i thla an cam tikah ahohmanh a let kho hna lo. harnak chung zongin a khamh kho hna lo.

JEREMIAH 10:8

Annih cu an dihlak in mihrut an si i an nga fawn; An fimnak pakpalawng cu thingtum sinin an cawnmi a si.

ZEFANIAH 2:11

Bawipa nih annih cu a ṭihnunnak vialte he a chuahhnawh hna lai; vawlei cung khuazing vialte cu santlailo ah a ser dih hna lai i miphun dang hna rilikam ram le tikulh vialte nih amah cu an biak lai, mi kip nih anmahle an inn cio in an biak lai.

MARKA 3:11

Cun khuavang a ngeimi paoh nih amah an hmuh tikah khan a hmaiah cun an tlu, “Pathian Fapa na si,” tiah fak piin an au.

1 SAMUEL 6:1

Bawipa kuang cu Filistin mi hna ram chungah thla sarih a um.

1 SAMUEL 6:5

Cucaah nan bonak mui le nan ram a hrawktu nan zu hna mui cu nan ser lai i Israel Pathian cu sunparnak nan pek lai; nanmah le nan khuazing hna le nan ram cungin a kut cu a hei zanter hmanh maw.