1 SAMUEL 4:8 - Lai (Hakha) Common Language Bible 2006

⁸ Belo kan si ai! Aho nih dah hi a ṭhawngmi khuazing hna ṭhawnnak chung hin a kan chuah khawh lai? Hi hna hi ramlak ah Izipt mi hna kha rai phunphun in a thattu khuazing an si.

1 SAMUEL 4:8 Iomraidhean Croise

EXODUS 15:14

Miphun dang nih khan cucu an theih i a ther in an ther; nau nganfah bantuk a simi ṭihnak nih Filistin mi cu a tlaih hna.

EXODUS 7:5

Izipt mi nih cun an cung i ka kut ka hler tik le Israel mi kha an ram chungin ka chuahpi hna tikah, keimah cu Bawipa ka si kha an hngalh lai,” a ti.

EXODUS 9:14

Atu cu dantatnak vialte kha keimah hrimhrim nih nangmah cung le na bawi pawl cung le na mi hna cungah ka tlunter lai, cu ti in ka tuah lai cu vawlei cung dihlak ah hin keimah bantuk pathian dang ahohmanh an um lo ti kha na hngalh nakhnga caah a si.

BIAPHUAN 11:6

Van kharnak nawl kha an ngei i cucaah cun Pathian bia an chim chung cu ruah a sur lai lo. Cerhti put zong kha thi i canternak nawl an ngei fawn. Cun vawlei zong kha an duh tik caan paoh ah hremnak a phunphun in hremnak nawl an ngei.

1 SAMUEL 4:7

Filistin mi hna cu an thin a phang i, “Riahhmun chungah khuazing an phan cang,” tiah an ti. Cun annih nih, “Bialo kan si ai! Hi bantuk hi cu hlanah a um bal lo.

1 SAMUEL 4:9

Nan ralṭha ko uh, maw Filistin mi hna, pa bantukin um uh, cu ti a si lo ahcun, nannih tang ah sal an si bantuk hin, anmah Hebru mi tangah hin sal nan si sual lai; pa bantukin um u law, do hna u,” tiah an ti.

1 SAMUEL 5:7

Cun Ashdod khuami nih zeitin thil umtuning a si kha an hmuh tikah, annih nih, “Israel Pathian i a kuang cu kan sinah a um awk a si lai lo, zeicahtiah a kut cu kan cung le kan khuazing Dagon cungah a rit ai,” tiah an ti.