1 SAMUEL 21:8 - Lai (Hakha) Common Language Bible 2006

⁸ Cun David nih Ahimelek cu, “Hika ah hin fei siseh, vainam siseh, na ngei pingpang lo maw? Zeitintiah siangpahrang rian kha khulrang in tuah a herh caah ka vainam siseh, ka hriamnam siseh, kaa lak manh hna lo,” tiah a ti.

1 SAMUEL 21:8 Iomraidhean Croise

ESTHER 8:14

Cucaah siangpahrang rian ca i hman tawnmi rang lek mu hna cu i cit in caphortu hna cu khulrang in, siangpahrang nawlbia nih a fial hna bangin an chuak; cun nawlbia kha Susa khuapi chungah khan an thanh.

LUKA 10:4

Phaisa bawm siseh, zal siseh, kedan siseh i phorh hlah u; lampi ah ahohmanh biakchawnh awkah dircon hlah u.

1 SAMUEL 21:7

Cu ni ah cun, khika ah khan, Saul sinum hna lak i pakhat, Bawipa hmai i taantermi a um; amah a min cu Doeg a si, Edom mi a si i Saul saṭil khaltu hna lak i upa bik a si.

1 SAMUEL 21:9

Cun tlangbawi nih cun, “Elah nelrawn i na thahmi, Filistin mi Goliath i a nam kha, zohhmanh, tlangbawi angki hnulei ah khin puan in aa zual i a um ko; mah khi naa lak duh ahcun i lak ko, zeicahtiah mah khi lawng khi a um,” tiah a ti. Cun David nih, “A dang khi bantuk khi a um lo, ka pe tuah,” tiah a ti.

1 SAMUEL 22:22

Cun David nih Abiathar sinah cun, “Kha ni ah khan, Edom mi Doeg a um ve tikah khan, Saul a chimh ṭheo lai, tiah ka hngalh cia ko. Na pa innchungkhar chung mi vialte cu keimah nih ka thihter hna a si ko.

1 SAMUEL 22:9

Cu tikah Edom mi Doeg, Saul sinum hna pawng i a dirmi nih khan a hun leh i, “Jesse fapa cu Nob ah, Ahitub fapa Ahimelek sinah a rat kha ka hmuh i,