1 SAMUEL 20:3 - Lai (Hakha) Common Language Bible 2006

³ Sihmanhsehlaw David nih a leh i, “Ka cung i dawtnak na ngeih kha na pa nih fiang tein a hngalh i, ‘Jonathan nih mah hi cu thei theng duh hlah seh, a lung lam a fak ai hnga,’ tiin a ruah lai. Sihmanhsehlaw biangai tein, Bawipa a nun bantuk le nangmah nunnak a nun bantukin, keimah le thihnak karlakah hin kar khat lawnglawng a um,” tiah a ti.

1 SAMUEL 20:3 Iomraidhean Croise

2 SAMUEL 15:21

Sihmanhsehlaw Ittai nih siangpahrang cu a leh i, “Bawipa nih a nun bangin le siangpahrang ka bawipa nih a nun bangin, siangpahrang ka bawipa a umnak hmun paoh ah, thih siseh nun siseh, khika ah na salpa cu ka um ve lai,” tiah a ti.

2 SIANGPAHRANG 2:2

Cun Elijah nih Elisha cu a thawh i, “Hika ah hin rak um tuah, tiah kan nawl; zeitintiah Bawipa nih Bethel tiang kal a ka fial,” tiah a ti. Sihmanhsehlaw Elisha nih, “Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah Bethel ah an vung kal.

2 SIANGPAHRANG 2:4

Elijah nih cun a thawh i, “Elisha, hika ah hin rak um tuah, tiah kan nawl; Bawipa nih Jeriko tiang kal a ka fial,” tiah a ti. Sihmanhsehlaw anih nih, “Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah Jeriko an phan.

2 SIANGPAHRANG 2:6

Khi tikah Elijah nih cun a thawh i, “Hika ah hin rak um tuah, tiah kan nawl; zeitintiah Bawipa nih Jordan tiang kal a ka fial,” tiah a ti. Sihmanhsehlaw anih nih, “Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah an pahnih in an va kal.

SALM 116:3

Thihnak nih a hri in a ka ṭem, Sheol nih a kut in a ka khimh. Ṭihnak le lung retheihnak in ka khat.

JEREMIAH 38:16

Cun Siangpahrang Zedekiah nih Jeremiah sinah cun a thli tein chiat a ser i, “Ka nunnak a sertu Bawipa a nun bangin, kan that lai lo i na nunnak hrawh awk a kawlmi hna kut chung zongah kan chan lai lo,” tiah a ti.

JEREMIAH 4:2

‘Bawipa a nun bangin,’ tiin biatak le biading le dinnak in chiat na ser ahcun, Miphun hna nih nangmah bantukin thluachuakmi si ve awkah thla an cam lai i Nangmah ah cun sunparnak an hmuh lai.”

DEUTERONOMI 28:66

Thih nun hril loin nan um lai; chunzan in therphang in nan um lai i, nan nunnak caah hnangam ti a um lai lo.

DEUTERONOMI 6:13

Bawipa na Pathian cu na ṭih lai; na biak lai i a min lawngin chiat na ser lai.

HEBRU 6:16

Minung nih chiatsernak an tuah tikah minung nakin a ngan deuhmi min kha an hman i cu chiatsernak nih cun pakhat le pakhat bia an i alnak kha a chah tawn.

1 SAMUEL 1:26

Cun amah nih, “Maw ka bawipa! Na nun bangin, ka bawipa, keimah hi hika na hmai i Bawipa sin i thla a rak cam minu kha ka si.

1 SAMUEL 17:55

Saul nih David kha Filistin mipa va doh awk i a chuah kha a hmuh tikah, a ralkapbu haotu Abner sinah khan, “Abner, hi tlangvalpate hi aho fapa dah a si?” tiah a ti. Cun Abner nih, “Na nunnak chalh in ka chim, maw siangpahrang, kan chim kho lo,” tiah a ti.

1 SAMUEL 20:2

Cun anih nih, “A si hrimhrim lai lo! Na thi lai lo. Zohhmanh, ka pa nih hin thil ngan siseh, thil hme siseh zeihmanh keimah theihter loin a tuah lo; cun zeicahdah mah hi cu ka pa nih ka sinin a thuh lai? A thup hrimhrim lai lo,” tiah a ti.

1 SAMUEL 20:4

Khi tikah Jonathan nih David sinah cun, “Na chimmi paoh kan tuahpiak lai,” tiah a ti.

1 SAMUEL 25:26

Cucaah cun ka bawipa, Bawipa a nun bantuk le na nunnak a nun bantukin, thisen chuah mawhnak le nangmah nih na kut hrimhrim in phuhlam tuahnak kha Bawipa nih tuah loin an umter caah, na ral hna le ka bawipa cungah ṭhat lonak tuah awk a kawlmi hna cu Nabal bantuk si ko hna seh.

1 SAMUEL 27:1

Cun David nih a lung chungin, “Ni khatkhat cu Saul kut hin ka thi te lai; Filistin mi hna ram i ka va zam nakin a ṭha deuhmi thil ka caah a um ti lo; khi tikah Saul cu Israel ram chung i keimah kawl kha a lung a dong lai i a kut chungin ka luat lai,” tiah a ti.