1 SAMUEL 2:5 - Lai (Hakha) Common Language Bible 2006

⁵ A khim tawnmi cu rawl kawl ah kuli an ṭuan, Sihmanhsehlaw a ṭam tawnmi cu an ṭam ti lo. A cingmi nih pasarih a hrin cang hna. Sihmanhsehlaw fa tampi a ngeimi kha cihai in a um.

1 SAMUEL 2:5 Iomraidhean Croise

SALM 113:9

Fa a ngei kho lomi nu kha upatnak a pek hna i fa a ngeimi lunglawmmi nu ah a ser hna. Bawipa cu thangṭhat u! a ser hna. Bawipa cu thangṭhat u!

SALM 34:10

Chiandeih hmanh hi rawl hmu loin an um tawn i rawlṭam in an vak tawn, sihmanhsehlaw Bawipa nawl a zulmi cu zeihmanh an baumi a um bal lo.

ISAIAH 33:9

Ram cu a um sawhsawh ko i mi nih an chuahtak. Lebanon tlang tupi cu an car i Sharon nelrawn cu thetse ram bantuk a si, cun Bashan ram le Karmel Tlang thingkung hna cu an hnah a ṭil dih.

ISAIAH 54:1

Jerusalem, nangmah cu fa a ngei lomi nu bantuk na si. Sihmanhsehlaw atu cu hla na sa kho cang i lunglawm in na au kho cang. A va nih a kaltak bal lomi nu nakin fa tam deuh na ngei cang lai.

JEREMIAH 15:9

Fapa pasarih a ngeimi nu kha thlalau in mah hngal loin a ril ko, Chun a si ko rih lioah a ceunak cu a mit cang; Ningzak le hmaichia in a ril ko. Cun annih lak i a tang rihmi vialte hna cu vainam in thih awkah an ral hna kut chungah ka pek cang hna,” tiah Bawipa nih a ti.

LUKA 1:53

Rawl a ṭammi kha thil ṭhaṭha in a khimter hna i Mirum kha kut lawngin a kalter hna.

LUKA 16:25

Sihmanhsehlaw Abraham nih a thawh i, “Ka fapa, na nun lioah khan thil ṭha phun kip kha pek na si i Lazaruh nih khan thil ṭhalo vialte a co kha philh hlah ngat; sihmanhsehlaw atu cu anih cu nuam tein a um i nang cu nganfak ngaiin na um.

GALATI 4:27

Zeicahtiah cathiang nih, “Fa a ngei bal lomi nu, i lawm tuah! Naunganfah a ing bal lomi nu, lunglawmhnak in au tuah! Zeicahtiah, kaltakmi nu nih, a va he khua a sa komi nu nakin fa tam deuh a ngeih hna lai,” a ti.

RUTH 4:15

Amah cu nangmah caah nunter ṭhantu le na tar leiah an cawmtu a si lai; zeitintiah na fapa nupi, nangmah an dawtu, nangmah ca i fapa pasarih nakin a ṭha deuhmi nih cun, a hrin cang,” tiah an ti.

1 SAMUEL 1:20

cun a caan a tlin tikah Hannah cu fa a pawi i fapa a hrin i, “Amah cu Bawipa sinin ka halmi a si,” tiin a min ah Samuel a sak.

1 SAMUEL 1:6

Cun Bawipa nih a nau inn a khar caah khan amah a engtaitu nih khan amah cu a thin hunter awkah ṭhalo tein a ti hram tawn.