1 SAMUEL 12:1 - Lai (Hakha) Common Language Bible 2006

¹ Cun Samuel nih Israel mi vialte hna sinah cun, “Zohhmanh u, nan ka chimhmi vialte ah nan aw kan ngaih hna i siangpahrang kan serpiak cang hna.

1 SAMUEL 12:1 Iomraidhean Croise

HOSEA 13:11

Ka thinhun in siangpahrang cu kan pek hna, ka thinlinh in anmah cu ka lak ṭhan hna.

1 SAMUEL 10:1

Cun Samuel nih chiti thawl kha aa chuah i a lu ah khan a toih i a hnamh i, “Bawipa nih a mi Israel mi hna cung i bawi si awkah chiti an thuh a si lo mei? Cun Bawipa mi cu na uk hna lai i an pawngkam i a ummi an ral hna kut chung khan na khamh hna lai. Cun Bawipa nih amah ro cung i bawi si awkah chiti an thuh cang, ti hmelchunhnak cu mah hihi a si lai.

1 SAMUEL 10:24

Cun Samuel nih mizapi sinah cun, “Bawipa nih a thimmi hi nan hmu maw? Mi vialte lakah amah bantuk ahohmanh an um lo,” tiah a ti. Cun mi vialte nih khan, “Siangpahrang cu saupi nung ko seh,” tiin an au.

1 SAMUEL 8:9

Cucaah atu cu an bia kha ngai ko hna; sihmanhsehlaw ṭha tein ralrinnak na pek hna lai i anmah a uktu ding siangpahrang kalning kha na hmuhsak hna lai,” tiah a ti.