1 PETER 5:7 - Lai (Hakha) Common Language Bible 2006

⁷ Amah nih an zohkhenh hna caah nan lungretheihnak vialte kha amah cungah chia dih ko u.

Laibaibal Thiang (BSI)

⁷ Amah nih nan zawn a ruah caah, nan buainâk vialte Amah cungah chawnh u.

1 PETER 5:7 Iomraidhean Croise

SALM 34:15

A dingmi cu Bawipa nih a zohkhenh hna i an aunak kha a theih;

SALM 37:5

Na nunnak kha Bawipa pe tuah, amah kha i bochan law amah nih an bawmh lai.

SALM 40:17

Kei cu ka si a fak i ka re a thei, sihmanhsehlaw Bawipa, nangmah nih na ka ruah ko. Nangmah cu ka Khamhtu le a ka Bawmtu na si — rau sawh hlah, Maw ka Pathian!

SALM 55:22

Na thilri cu Bawipa sinah ṭhum ta law amah nih an bawmh lai; miṭha cu zeitikhmanh ah a sunghter bal lai lo.

PHUNGTHLÛKBIA 16:3

Na tuahmi vialte cu Bawipa sinah pe law Na khuakhannak cu a tling kho lai.

MATTHAI 6:27

Nan lungre a theih le nan awlok a chon thawngin nan nunnak tlawmte tal a sauter kho deuh mi aho tal nan um maw?

MATTHAI 6:28

“Cucaah zeicahdah hnipuan kong ah nan lungre a theih? Ramlak i a khomi lili pangpar khi zoh tuah hna ngat u: rian an ṭuan lo, hnipuan zong zeihmanh an i tah lo.

MATTHAI 6:31

Cucaah, ‘Khuazei in dah ka ei awk ka rawl cu ka hmuh lai, ka din awk cu ka hmuh lai, ka hnipuan cu ka hmuh lai,’ tiin lungrethei in um hlah ngat u.

MARKA 4:38

Jesuh cu lawng hnulei ah khan a um i chantling cungah khan a rak i hngilh. A zultu hna nih khan an va hlauh i, “Saya, kan thih dengmang cang ṭung, zei poi loin maw na um ko?” an ti.

LUKA 12:22

Cun Jesuh nih a zultu kha a thawh hna i, “Hi caah hin pei nunnak ca i nan herhmi rawl le nan pum ca i nan herhmi hnipuan kong ah nan lungrethei hlah u kan ti hna cu.

LUKA 12:26

Cu bantuk thil hmete hmanh nan tuah khawh ṭung lo ahcun zeicahdah thil dang kong ah cun lungrethei in nan um?

JOHAN 10:13

Hlanchommi cu hlanchommi lawng a si caah le tuu kha an zawn a ruah hna lo caah a tli ko.

FILIPI 4:6

Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.

1 SAMUEL 30:6

Cun David cu a lungre a thei ngaingai; zeitintiah mi vialte kha an fapa hna le an fanu hna kongah khan an ngaih a chiat ngaingai caah mi nih khan amah kha lung i cheh awk an ceih lengmang. Sihmanhsehlaw David cu Bawipa a Pathian ah khan aa hriim ṭhan.