1 PETER 4:2 - Lai (Hakha) Common Language Bible 2006

² Cucaah atu thawk in, hi vawlei cung i nan nun chung cu, minung duhnak kha si ti loin Pathian duhnak tu kha i ukter cang u.

Laibaibal Thiang (BSI)

² cubantuk mi hna cu an nun chung vialte taksa duhnâk in an nung ti lo i Pathian duhning in an nung cang.

1 PETER 4:2 Iomraidhean Croise

SALM 143:10

Nangmah cu ka Pathian na si; cucaah na duhnak tuah kha ka cawnpiak ko. Na velngeihnak thawngin himnak lam ah ka hruai tuah.

HOSEA 6:7

Adam ah ka biakamnak kha an hrawh, Khika ah an ka hlen.

MATTHAI 12:50

Vancung i a ummi ka Pa nih tuah hna seh ti a duhmi a tuahmi paoh cu, ka nau le ka far le ka nu an si ko,” tiah a ti.

MATTHAI 20:4

Annih cu, ‘Nannih zong ka dum ah rian va ṭuan u law a tawkzawn in kuli man cu kan pek hna lai,’ a ti hna i

MATTHAI 21:31

A si ahcun, cu hna pahnih lakah khan aho nih dah an pa duhnak kha a tuah?” tiah a hal hna. Annih nih, “Upa u nih khan,” tiah an leh. Jesuh nih cun a thawh hna i, “Hihi kan chimh hna: Ngunkhuai khawltu hna le hlawhhlangnu hna nih Pathian Pennak chungah an in luhkanh cang hna lai hih.

MATTHAI 7:21

“ ‘Bawipa, Bawipa,’ tiah a ka timi paoh in Vancung Pennak chungah an lut dih lai, tinak a si lo, sihmanhsehlaw vancung i a ummi ka Pa nih tuah hna seh ti a duhmi a tuahmi lawnglawng kha an lut lai.

MARKA 3:35

Zeicahtiah Pathian nih tuah hna seh, tiah, a duhmi thil a tuahmi paoh cu ka nau, ka far le ka nu an si,” tiah a ti.

MARKA 7:21

Zeicahtiah ṭhat lonak ziaza a tuahtertu ruahnak ṭhalo kha chunglei in a lung chungin a chuakmi an si: nu le pa sualnak tehna, fir tehna, mi thah tehna,

JOHAN 1:13

Pathian fa an can cu minung phung ningin a si lo; vawlei cung i hrinsor ningin a si lo, Pathian hrimhrim kha an Pa cu a si.

JOHAN 7:17

Pathian duhnak tuah a duhmi hna nih cun, kan cawnpiakmi hna hi Pathian sinin a rami maw a si keimah i ka hei in cawnpiak menmenmi hna dah a si, ti kha nan hngalh ko lai.

ROM 12:2

Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a ṭhami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si.

ROM 14:7

Ahohmanh mah ca lawngah kan nung lo, ahohmanh mah ca lawngah kan thi lo;

ROM 6:11

Cu bantukin nannih zong nih, kannih cu sualnak ah kan thi cang i asinain Khrih Jesuh he i pehtlaihnak thawngin Pathian ah kan nung tiah nan i ruah awk a si.

ROM 6:2

Tuah naisai hlah. Sualnak ah cun kan thi cang, zeitindah cu chungah cun kan um peng khawh lai?

ROM 7:4

Cu bantuk cu nannih zong nan si ve, ka naule hna. Nawlbia lei in ti ahcun nannih cu a thimi nan si cang, zeicahtiah Khrih pum chungah nan i tel cang; cun Pathian rian ah santlaimi kan si nakhnga, atu cu thihnak in thawhtermipa ta kha nan si cang.

2 KORIN 5:15

Mi vialte caah a thihnak chan cu minung nih hin an nun chungah anmah ca lawngah nung ti loin, anmah ruang i thihnak a ing i a tho ṭhanmipa ca i an nun nakhnga caah a si.

EFESA 2:3

A ngaingai ti ahcun, kan dihlak hin anmah bantuk cu kan rak si i kan i chuahkehpimi kan pumsa duhnak zulh khan khua kan rak sa i kan pum le kan lungthin duhnak he aa tlakmi paoh kha kan rak tuah. Midang cio bantukin kannih zong Pathian thinhunnak ing ding kan rak si.

EFESA 4:17

Bawipa min in hi bia hi ka chim i ralrinnak kan pek hna: lawkihmi bantukin um ti hlah u. Annih cu an ruahnak kha pakpalawng a si.

EFESA 5:17

Mihrut si ti hlah u, Bawipa nih tuah hna seh ti an duhmi hna tu kha tuah i zuam u.

EFESA 6:6

An in zoh hna lio lawngah an lung tong dingin um hlah u, sihmanhsehlaw Khrih sal bantukin Pathian duhmi kha nan lungthin tak tein tuah u.

KOLOSE 1:9

Nan kong kan theih ri in nan caah thla kan cam lengmang. Pathian nih nannih cu amah hngalhnak le a Thlarau nih an pekmi hna fimnak le hngalhnak in in khahter hna seh tiah Pathian cu kan nawl.

KOLOSE 3:3

Zeicahtiah nan thi cang i nan nunnak cu Khrih he Pathian chungah aa thup.

KOLOSE 4:12

Nanmah mi a simi Epafras zong nih nan kut an tlaih hna, amah cu Khrih Jesuh sal a si. Nan caah thla a cam zungzal i fek tein nan dir nakhnga le nutling patling nan si nakhnga le nan zumhmi kha fiang tein nan hngalh nakhnga le a nawl kha tling tein nan zulh khawhnak hnga Pathian cu a hal zungzal.

1THESALON 5:18

zei bantuk thil nan ton hmanh ah lunglawm in um u. Khrih Jesuh chung i nan nunning ah hin hitihin nung hna seh, tiah Pathian nih an duh hna.

HEBRU 13:21

Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.

JEIM 1:18

Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si.

1 PETER 1:14

Pathian nawl kha ngai u, nan rak hruh lio i nan rak ngeihmi duhnak nih khan nan ziaza cu in uk ti hna hlah seh.

1 PETER 2:1

Ṭhat lonak vialte kha hlaw cang hna u; ziar ngei ti hlah u, lih chim ti hlah u; hrawkhrol in um ti hlah u, nahchuahnak ngei ti hlah u, zawmhtaihnak bia hmang ti hlah u.

1JOHAN 2:17

Vawlei le a chung i a ummi thil minung nih an duhmi hna hi an lo cuahmah cang; sihmanhsehlaw Pathian duhnak a tuahmi cu zungzal in an nung.