1 PETER 3:3 - Lai (Hakha) Common Language Bible 2006

³ Lenglei ṭamhnak, nan sam phiarning tehna, nan ṭhi nan hlawn tehna, nan thil nan thuam tehna ah khan nan i dawhnak cu a um awk a si lo,

Laibaibal Thiang (BSI)

³ Nan i ṭamhnâk zongah, lenglei ṭamhnâk, sam a hlei hluat i tuah le, sui ṭhi awih le, thil man tamtuk in i ṭamh lo in-

1 PETER 3:3 Iomraidhean Croise

GENESIS 24:22

Kalauk kha ti a dinh dih hna hnuah Abraham salpa nih khan a man a fak ngaimi sui hnartonh pakhat kha aa chuah i a hnar ah cun a tonh, cun sui kuthrolh ngan pipi pahnih zong aa chuah i a kut ah khan a hrolh hna.

GENESIS 24:47

Ngaknu cu ka thawh i, ‘Ahodah na pa a si?’ ka ti. A ka leh i, ‘Nahor le Milkah fapa Bethuel i fanu ka si,’ a ti. Cun a hnar ah khan hnartonh ka tonh i a kut ah khan kuthruk kha ka hruk hna.

GENESIS 24:53

Cun sui hlawn le ngun hlawn le hnipuan kha a chuah hna i Rebekah kha a pek hna. A ṭa le a nu zong kha a man a fakmi laksawng a pek hna.

2 SIANGPAHRANG 9:30

Jehu cu Jezreel i a rat kha Jezebel nih a theih; cun a mit kha zeilo aa thuh i a lu kha aa ṭamh i thlalangawng in khua a hei cuan.

ESTHER 5:1

Ni thumnak ni ah Esther cu a bawi thuam khan aa thuam i siangpahrang inn chung chungchin tual, siangpahrang khaan kaupi hmai zawn i a ummi ah khan a dir. Siangpahrang cu siangpahrang inn chungah khan, siangpahrang inn luhnak zawn i a ummi a bawi ṭhutdan cungah khan a ṭhu;

SALM 45:9

Na inn i a ummi bawinu hna lakah khan siangpahrang fanu zong an um, cun na bawiṭhutdan orhlei kamah khan siangpahrang bawinu cu a dir, sui ṭha bik in sermi hlawn in aa ṭamh.

EXODUS 3:22

Nu paohpaoh nih nan umnak inn nu le nan innpa kha thilpuan le hlawn le sui le ngun kha nan hal cio hna lai. Cucu nan fapa hna le nan fanu hna kha nan hruk nan aih hna lai i cuticun Izipt mi cu an thil kha nan chuh dih hna lai,” a ti.

EXODUS 32:2

Annih cu Aaron nih khan, “Nan nupile le nan fapale hna le nan fanule hna nih an i tonhmi sui tumbul kha va phoih hna u law rak pu hna u,” a ti hna.

EXODUS 33:4

Hi thawng chia cu mizapi nih khan an theih tikah an ṭap i ahohmanh nih hlawn an i hruk lo.

EXODUS 35:22

Nu he pa he an ra; rak put a duhmi paoh nih khan ṭamhnak ṭhim hna le hnatonh hna le kutdonghrolh hna le ṭhi hna le sui hlawn a phunphun kha an rak put hna. Bawipa sin pekmi thawhlawm caah tiin an pekchanhmi sui hlawn kha an rak put cio hna.

EXODUS 38:8

Kut ṭawlnak dar kheng le a hunnak dar tawdanh cu nu pawl bihnak thlalang in a ser hna, cu nu pawl cu pumhnak thlam luhnak i rian a ṭuanmi kha an si.

ISAIAH 52:1

Jerusalem, ṭhawng law ngan ṭhan tuah! Pathian khua thiang, sunparnak in i thuam tuah! Cuarpar tan lomi cu na kutka chungin ahohmanh an lut ti lai lo.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

JEREMIAH 2:32

Ngaknu nih a hlawn kha a philh khawh lai maw? Mo nih a thuam kha a philh khawh lai maw? Sihmanhsehlaw ka mi hna nih cun atu le atu an ka philh.

JEREMIAH 4:30

Maw nang, ṭiaotakmi, puan sen in naa thuamh i sui hlawn in naa ṭamh i Na mit hna cu thuhmi si in na kauhter hna hi, a sullam zeidah a si? Pakpalawng ah pei naa ṭamh ko cu. Na tlangval hna nih an in nihsawh i na nunnak kha lakpiak an in timh.

EZEKIEL 23:40

Ram hlapi in pa kha an sawm hna i lamkaltu nih an sawm hna bangin an ra. Hi pa hna caah hin naa kholh i na mit kha si naa thuh i na hlawn in naa ṭamh i

ROM 12:2

Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a ṭhami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si.

1 PETER 3:2

zeicahtiah zeitluk nun thiang in dah nan nun ti le zeitluk in dah nan upat hna kha anmah nih an hmuh ko lai.