1 PETER 2:1 - Lai (Hakha) Common Language Bible 2006

¹ Ṭhat lonak vialte kha hlaw cang hna u; ziar ngei ti hlah u, lih chim ti hlah u; hrawkhrol in um ti hlah u, nahchuahnak ngei ti hlah u, zawmhtaihnak bia hmang ti hlah u.

Laibaibal Thiang (BSI)

¹ Cucaah ruahnâk ṭha lo, hlennâk, zernâk, hnahchuahnâk le, bia ṭha lo vialte hna kha ngol cang u law,

1 PETER 2:1 Iomraidhean Croise

JOB 36:13

Mi lungpuam nih cun an thinhun kha an chuahhnawh i Annih kha a ṭem hna tikah bawmhnak hal an duh lo.

SALM 32:2

Bawipa nih, sual a phawt lomi le a lung chungah hlennak a ngei lomi cu a lung aa lawm.

SALM 34:13

Nan duh ahcun, bia ṭhalo chim kha i sum u, lih kha chim hlah u.

SALM 37:1

Miṭhalo hna ruangah awlokchong in um hlah, ṭhat lonak a tuahmi kha hngar hna hlah;

SALM 73:3

zeicahtiah miṭhalo hna an huncho kha ka hmuh i an i porhlawt kha ka theih tikah cu nih cun ka nah a ka chuahter.

PHUNGTHLÛKBIA 14:30

Lung daihnak nih pum kha a ngan a damter, sihmanhsehlaw nahchuahnak cu khensar zawtnak bantuk a si.

PHUNGTHLÛKBIA 24:1

Miṭhalo hna tluk kha i zuam hlah, annih cu hawikom i i ser zong kha i zuam hlah.

PHUNGTHLÛKBIA 24:19

Ṭhat lonak tuahtu hna kha zuam hna hlah, miṭhalo kha tluk i tim hna hlah;

PHUNGTHLÛKBIA 3:31

Zaang en hmangmi cu va hngar hna hlah, a lam zong kha zeihmanh vaa thim hlah;

ISAIAH 2:20

Cu ni a phak tikah cun, an i serchommi sui siasal hna le ngun siasal hna kha, tawte le palak an hlonhhnawh hna lai.

ISAIAH 30:22

Ngun nan hutmi nan siasal hna le sui nan hutmi nan siasal hna kha nan i lak hna lai i hmunhnawm hlonh in nan hlonh hna lai i, “In hmu ti hna hlah u sih,” nan ti hna lai.

MATTHAI 15:7

Nannih mihrokhrawl hna. Nan kong Isaiah nih a rak chimmi hi a hmaan hringhran ko.

MATTHAI 23:28

Cu bantuk cu nan si, a lenglei cun mi ṭha ko nan lo, sihmanhsehlaw nan chung cu lih le sualnak in a khat.

MATTHAI 24:51

a bawipa nih cun a sam cikcek lai i midepde pawl umnak hmun ah khan a umter ve lai. Cuka ah cun a ṭap lai i a hacang a rial lai.

MATTHAI 7:5

Mi depdepa, na mit chung i thingtan kha chuah hmasa law pei, na unau mithnawm cu fiang tein na hmuh lai i na coihpiak khawh lai cu!

MARKA 12:15

Hlen an timh kha a hngalh i, “Zeicahdah foih nan ka timh len ko? Ngun tangka phar khat in rak pu u law ka zoh tuah lai,” tiah a leh hna.

LUKA 11:44

Nan caah ṭihnung a va si dah. Nannih cu hmelchunhnak tuah lomi thlan, a cung i mi nih hngalh loin an kal tawnnak bantuk cu nan si,” a ti.

LUKA 12:1

Mi cu a thongthong in an i pum i, i pah lulhmalh in an um tikah, Jesuh nih a hmasa bik ah a zultu kha a thawh hna i, “Farasi mi thilnu kha i ralring u, ka chim duhmi cu midepde an sinak hi a si.

LUKA 6:42

Na mit chung i a ummi thingtan cu hmu ṭung loin zeitindah na unaupa cu, “Ka nau, na mithnawm kha in cawihpiakning,” na ti khawh? Mi depde. Na mit chung i thingtan kha chuah hmasa law pei na unau hna mit chung i a ummi mithnawm hme tete cu na hmuh khawh lai i na cawih khawh lai cu,” tiah a ti.

JOHAN 1:47

Jesuh nih cun Nathanael cu amah lei i a rat kha a rak hmuh i, “Israel mi taktak a simi khi zoh hmanh u; amah khi hlenthawinak lungthin zeihmanh a ngei lomi a si,” tiah a ti.

ROM 1:29

Annih cu ṭhat lonak a phunphun le duhfahnak le puarnak le nahchuahnak in an khat i an lungthin cu lainawnnak le i dohnak le i hlennak le ziarngeihnak in a liam in a liam. Pakhat le pakhat an i congoih,

1 KORIN 14:20

Ka u le ka nau hna, khua nan ruahning ah hin ngakchia bantuk si hlah u; ṭhat lonak kongah cun ngakchia bantuk si u, sihmanhsehlaw khuaruahning ah cun nutling patling si u.

1 KORIN 5:8

Cucaah kan puai cu thilnu hlun, sualnak le ṭhat lonak thilnu hlun he cawhmi changreu he khan si loin thilnu aa tel lomi changreu, thiannak le biatak changreu he khan tuah u sih.

2 KORIN 12:20

Nan sin ka phak tikah, si hna seh ti kan duhmi hna kha rak si loin kan hmuh sual hna lai ti kha ka phang i, si seh ti nan ka duhmi kha ka si lo sual lai ti zong kha ka phang ve. Pakhat le pakhat i si le i nahchuah le thintawi le mah zawn lawng ruat le i thangchiat i congoih le i porhlaw le ningcanglo khuasa in kan hmuh sual hna lai ti kha ka phang.

EFESA 4:31

Lungthli in i uamnak le thinhunnak le ingpuannak kha hlaw hna u. I hua ti hlah u, i vawlpam ti hlah u. Huatnak lungthin ngei ti hlah u.

1THESALON 2:3

Kan in chimhmi hna cu ahmaan lomi thil a si lo, tinhmi a thurmi he zong a si lo, cun ahohmanh hlen zong kan in tim hna lo.

1TIMOTE 3:11

An nupile zong ziaza ṭhami an si lai i mi congoih hmangmi an si lai lo; zurit hmang lomi an si lai i zeizong kip ah miding an si lai.

TITAS 2:3

Nutar deuh pawl kha, nan umtuning ah mi hmaizah a thiammi nan si awk a si, na ti hna lai. Mi congoih hmangmi le mizuram an si awk a si lo.

HEBRU 12:1

Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.

JEIM 1:21

Cucaah cun a thurhnawmmi ziaza vialte le a ṭha lomi ziar le zar vialte kha hlaw ko hna u. Pathian sinah khan i pe u law khamhnak an pe khotu hna bia, nan lungchung i a tuhmi kha, i cohlan ko u.

JEIM 3:14

Sihmanhsehlaw nan lung chungin mi nahchuahnak nan ngeih i mi cungah nan thin a hun peng i mah zawn lawng aa ruatmi nan si ahcun, mifim kan si tiin i porhlaw hlah u law, biatak dohnak ah lih kha chim lengmang hlah u.

JEIM 4:11

Ka u le ka nau hna, pakhat le pakhat i soi hlah u. Ahohmanh a u a nau kha a soi i sual a phaw lengmangmi cu Nawlbia kha a soi i sual a phawmi a si. Nawlbia cu sual na phawt a si ahcun nang cu nawlbia a zulmi kha na si ti lo, Nawlbia sual a phawtu kha na si lehlam.

JEIM 4:5

“Pathian nih kan chungah a chiahmi thlarau cu duhnak ṭihnung in a khat,” tiah Cathiang nih a timi kha sullam ngei lo a si tiah ruat sual hlah u.

JEIM 5:9

Harnak nan ton tikah pakhat le pakhat i mawhchiat hlah u. Cu ti nan um ahcun Pathian nih bia an ceih sual hna lai. Biaceihtu cu lamnai te ah a um ko i a rung lut zau ko lai.

1 PETER 2:16

A luatmi bantukin um u, sihmanhsehlaw nan luatnak kha ṭhat lonak khuhnak ah hmang hlah u, Pathian sal bantuk tu in nung u.

1 PETER 2:22

Sualnak zeihmanh a tuah lo, lih a chim bal lo.

1 PETER 3:10

Cathiang nih a ti bangin. “Nuam tein nung ve ning ti a duhmi le caan ṭha hmu ve ning ti a duhmi nih cun, ṭhat lonak bia chim kha aa sum lai i lihchim kha a ngol lai.

1 PETER 4:2

Cucaah atu thawk in, hi vawlei cung i nan nun chung cu, minung duhnak kha si ti loin Pathian duhnak tu kha i ukter cang u.

1 PETER 4:4

Cun atu cu Lawkihmi hna kha, cu bantuk nunning ah cun nan telpi duh ti hna lo caah an khuaruah a har i nannih kha an in serhsat hna.

BIAPHUAN 14:5

Lih an chim bal lo, palhnak zeihmanh an tuah lo.