1TIMOTE 6:5 - Lai (Hakha) Common Language Bible 2006

⁵ le dong loin bia i al lengmangnak kha a chuahter: biatak a ngei ti lomi cu hi bantuk hi an si ko. Biaknak hi rumnak lam pakhat ah an ruah.

Laibaibal Thiang (BSI)

⁵ ruahnâk chia-kha le biatak pemh lo, a herh lo i bia el hmang le, biaknâk zong chawleh nâkah hman a ngamhmi an si. Cubantuk mi hna cu kawm hna hlah u.

1TIMOTE 6:5 Iomraidhean Croise

ISAIAH 56:11

A paw a kau tukmi, a za cang ti a hngal lomi uico bantuk an si. Hngalhnak ngei lo hruaitu an si. Anmahle an duhning cio paoh khan an um i anmah miaknak lam cio lawng kha an kawl.

JEREMIAH 6:13

Annih cu a hme bik in a ngan bik tiang, hrokhrawl in hmuhmi miaknak kha a duhmi an si; Profet le tlangbawi hna hmanh kha lih in rian a ṭuanmi an si.

JEREMIAH 8:10

Cucaah an nupile cu midang sinah ka pek hna lai i An lo cu mi thar kha ka pek hna lai, Zeicahtiah a hme bik in a ngan bik tiang, a dinglo miaknak ah khan an hak a kau cio; Tlangbawi in profet tiang, an dihlak in hlennak lawngte an tuah.

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

MATTHAI 12:33

“Thingkung cu a kung na ṭhatter ahcun a thei a ṭha, a kung na chiatter ahcun a thei a chia. Thingkung cu a tlai in hngalh khawh a si.

MATTHAI 21:13

annih cu, “Cathiang chungah, ‘Pathian nih ka inn cu thlacamnak inn a si lai, a ti,’ tiah aa ṭial. Sihmanhsehlaw nannih nih cun mifir kua ah nan ser cang,” tiah a ti hna.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

1 KORIN 11:16

Asinain hi kong ah al a ka duhmi nan um ahcun, chim ka duhmi cu hihi a si ko: kanmah nih siseh, Pathian khrihfabu dang nih si hna seh, phung dang hlei kan ngei lo.

2 THESALON 3:6

U le nau hna, Bawi Jesuh Khrih min in, mi thathu le kan in cawnpiakmi hna a zul duh lomi cu kom hna hlah u, tiah kan in fial hna.

1TIMOTE 1:6

Hi bantuk thil tu hi mi a cheu nih an hlawt riangmang hna i bia i al lengmangnak hruhnak burbuk chungah khan an lut.

1TIMOTE 3:3

zu rit hmangmi a si lai lo, mitlokciar a si lai lo, milungnem le daihnak a duhmi a si lai; tangka mitthimi a si lai lo;

1TIMOTE 3:8

Khrihfa upa hna zong ziaza a ṭhami le lungthin a thiangmi an si lai; zu tam tuk a dingmi an si lai lo i hakkaumi zong an si lai lo.

1TIMOTE 4:7

Pathian kong a si lomi tuanbia menmen kha cu hrial hna, kha hna kha cu nutar ca lawngah an i tlak. Pathian he aa tlakmi nunnak kha ngeih i zuam zungzal.

1TIMOTE 4:8

Pum in thiam lakin cawnmi kha santlaihnak a ngei, asinain cu bantuk santlaihnak cu donghnak a ngei; sihmanhsehlaw biaknak ṭhathnemnak cu donghnak a ngei lo, zeicahtiah cu biaknak chungah cun Pathian nih atu kan nunnak ca he hmailei kan nunnak ca he bia a kan kamh.

1TIMOTE 6:6

Biaknak nih hin rumnak a chuahpi taktak, sihmanhsehlaw cu rumnak a ngeimi cu mah tinvo i a lung hna a ngammi kha an si.

2TIMOTE 3:5

kan biaknak phung hi a lenglei in an i tlaih lai, sihmanhsehlaw a chung i a ummi ṭhawnnak taktak kha cu an duh lai lo, cu hna cu hrial i zuam hna.

2TIMOTE 3:8

Jannes le Jambres nih Moses an rak doh bantuk khan hi mi hna hi biatak a dotu an si; annih cu an ruahnak ṭha tein rian a ṭuan ti lomi, zumhnak lei i zeihmanh a si ti lomi an si.

TITAS 1:11

Kha hna pawl kha kham an hau, zeicahtiah an chim awk a si lomi thil an chimmi nih khan innchungkhar hna an dihlak in a tuaiter hna i cu zong cu ningzah awk tlak a simi thil, tangka hmuh duh men caah khan a si.

2 PETER 2:15

Lam ding kha an pialtak i an tlau cang; Beor fapa Balaam lam kha an zul, Balaam cu ṭhat lonak tuahnak ca i phalhmi tangka a duhmi kha a si i

2 PETER 2:3

Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.

BIAPHUAN 18:13

nakzik le musala le zihmui le mura zihmui le frankinsen zihmui le zu le chiti le changvut le facang le caw le tuu le rang le rangleng le sal le minung hmanh kha ahohmanh nih an caw ti hna lo.

BIAPHUAN 18:3

Zeicahtiah a zu kha mi vialte a pek hna i a dinter hna — a hornak zu ṭhawng kha a dinter hna. Vawlei cung siangpahrang hna nih amah he cun nu le pa sualnak an tuah i aa sum lomi a hornak nih cun vawlei cung khuazakip chawlet pawl kha a rumter hna,” a ti.