1TIMOTE 6:10 - Lai (Hakha) Common Language Bible 2006

¹⁰ Tangka duhnak hi ṭhat lonak phun kip chuahnak hram a si. Mi a cheu cu tangka ngeih an duh tuk caah zumhnak kha an kaltak i ngaihchiatnak a phunphun an tong.

Laibaibal Thiang (BSI)

¹⁰ Zeitintiah phaisa duhtuk hi sualnâk vialte hram a si, cheukhat nih cucu an duh i zumhnâk an kaltak i anmah le anmah ngaihchiatnâk tam piin an i chunh tawn.

1TIMOTE 6:10 Iomraidhean Croise

GENESIS 29:14

Laban nih cun a thawh i, “Asi, nangmah cu ka thi le ka sa taktak na si,” tiah a ti. Cuka ah cun Jakob cu thla khat pumte a um.

GENESIS 29:26

Laban nih cun, “Hika ah hin cun u le hlanah naule nih va ngeih phung a si lo.

GENESIS 34:27

An farnu a thang an chiat caah cun Jakob fapa a dang nih khan a ngan a fakmi cu an tuk hna i khua chung i thil sunglawi deuh paohpaoh kha an lak dih.

GENESIS 38:16

Lam pawngah cun a hei fuh i, “Ra tuah, it tuah u sih,” a ti. A fapa nupi ro a si kha a hngal lo. Tamar nih cun, “Zeidah na ka phalh lai?” a ti.

1 SIANGPAHRANG 2:40

Shimei cu a tho i laa pakhat kha a danh i a sal hna kawl awkah Gath ah cun, Akhish sinah cun, a va kal; Shimei cu a va kal i Gath cun a salle cu a ratpi hna.

2 SIANGPAHRANG 5:27

Cucaah Naaman thinghmui zawtnak nih khan nangmah le na tefa hna cu zungzal in an kaih hna lai,” a ti. Cucaah a sin cun amah cu mithinghmui in a chuak, hawhra bantukin a rang.

SALM 32:10

Miṭhalo nih cun temhnak an in a hau ko lai, sihmanhsehlaw Bawipa aa bochanmi cu a dawtnak fek nih khan a huhphenh hna.

SALM 62:10

Zaangṭhawnnak le puarhrannak hi i bochan hlah u, mi thil chuh khawh hi i ruahchan hlah u; na rumnak hi karh lengmang hmanh seh law i bochan hlah.

PHUNGTHLÛKBIA 1:19

Zaang-ennak in miaknak hmuh a duhmi hna lam cu hi bantuk hi a si. Hakkauhnak nih an nunnak kha a hloh tawn.

PHUNGTHLÛKBIA 1:31

Cucaah annih nih an ziaza theitlai cu an ei lai i Anmah khuakhannak lila nih cun a nor cikcek hna lai.

PHUNGTHLÛKBIA 15:27

A hak a kaumi nih a innchungkhar cungah harnak a tlunter, sihmanhsehlaw nawhthuh a duh lomi cu saupi a nung lai.

PHUNGCHIMTU 2:19

cun mah pa cu mifim a si lai le mihrut a si lai kha aho nih dah a hngalh? A zei a si hmanh ah rethei ngaiin ka ṭuanmi le ni toiah ka fimnak ka hmanmi thil vialte cungah amah cu bawi a si ko lai. Mah zong hi pakpalawng a si ko.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

ISAIAH 56:11

A paw a kau tukmi, a za cang ti a hngal lomi uico bantuk an si. Hngalhnak ngei lo hruaitu an si. Anmahle an duhning cio paoh khan an um i anmah miaknak lam cio lawng kha an kawl.

EZEKIEL 13:19

Nannih nih ka mi hna hmaiah barli pei khat ruang le changreu pelpawi ruangah nan ka thurhhnawmh cang, nannih nih lihbia ngaih a duh ngaimi ka mi hna sinah lih nan chimnak thawngin, a thi hnga lo ding kha nan thihter hna i a nung hnga lo ding kha nan nunter hna.

EZEKIEL 16:33

Hlawhhlangnu zong nih a man an lak; sihmanhsehlaw nang nih cun an duhtu kha laksawng tu na pek lehlam hna i nangmah he sualnak tuah awkah vawlei cung khuazakip khan na lem hna.

EZEKIEL 22:12

Nangmah chungah hin mi nih thisen chuahnak caah ziknawh an ei i docawi tikah dongtanh le a karh an lak hna. Nannih nih i miak duh ruangah nan hawile kha nan hrem hna i keimah cu nan ka philh; tiah Bawipa Pathian nih a ti.

MIKAH 3:11

Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

MALAKHI 1:10

Nannih pakhatkhat nih innkhar ngan kha pit tein rak khar u law ka biakṭheng cungah khan ceu kha lut lo lawlaw in rak um seh law a ṭha deuh suaumau hnga. Nan cungah lunglawmhnak ka ngei lo, nan sinin pekchanhmi thil zeihmanh ka cohlang lai lo, tiah ralkapbu Bawipa nih a ti.

MATTHAI 13:22

Hling lak i a tlami thlaici cu Vancung Pennak kong kha a theih cu a thei i sihmanhsehlaw hi vawlei cung khuasak tintuknak kong i lungretheihnak le chaw le va duhnak nih cu bia cu a thah i thei a tlai lomi hna kha an si.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

MATTHAI 6:19

“Rungrul le cirik nih an ei khawh i mifir nih an baoh i an fir khawhnak vawlei ah hin nan chaw va khong hlah u.

MARKA 4:19

asinain lungretheihnak le rum duhnak le duhnak dangdang kha an hung chuah tikah, kha hna nih khan Pathian bia cu an ṭemṭawn caah, theipar zeihmanh a ngei lomi kha an si.

DEUTERONOMI 16:19

Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.

DEUTERONOMI 23:18

Biakamnak man peknak caah hlawhhlan man siseh, uico si man siseh, Bawipa nan Pathian inn chungah nan ratpi lai lo, zeitintiah hi hna pahnih cu Bawipa caah fihnung a si.

KOLOSE 3:5

Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

1TIMOTE 3:3

zu rit hmangmi a si lai lo, mitlokciar a si lai lo, milungnem le daihnak a duhmi a si lai; tangka mitthimi a si lai lo;

1TIMOTE 6:21

Mi a cheu nih cu fimnak cu kan ngei an ti i zumhnak kha an nganh diam! Pathian vel cu nan dihlak cungah um ko seh.

1TIMOTE 6:9

Sihmanhsehlaw rum a duhmi hna cu tukforhnak chungah khan an tla i ṭih a nungmi le ṭhat lonak a chuahter khotu duhnak nih khan rap foih in a foih hna i cu nih cun rawhralnak ah khan a kalpi hna.

2TIMOTE 3:2

Mi cu anmah zawn lawng aa ruatmi, a hak a kaumi, aa porhlawmi le lung a puammi an si lai; an nu le an pa kha an zawmhtaih hna lai i an nawl an ngai duh hna lai lo; lawmh a hngal lomi le biaknak zeihmanh i a rel lomi an si lai;

2TIMOTE 4:10

Demas cu tu chan vawlei he an i duh i a ka zamtak ai; Thesalonika khua ah a kal cang. Kresen cu Galati ram ah a kal i Titas cu Dalmatia ram ah a kal.

TITAS 1:11

Kha hna pawl kha kham an hau, zeicahtiah an chim awk a si lomi thil an chimmi nih khan innchungkhar hna an dihlak in a tuaiter hna i cu zong cu ningzah awk tlak a simi thil, tangka hmuh duh men caah khan a si.

JEIM 5:19

Ka u le na nau hna, pakhatkhat biatak in nan tlau sual i a dang pakhatkhat nih nan kirpi ṭhan tikah,

JOSHUA 7:21

hranchaw lakah khan Shinar puan aa dawh ngaimi le ngun shekel za hnih le sui tlang khat, shekel sawm nga a ritmi ka hmuh hna tikah ka mit an thi i ka lak hna; cun zohhmanh, ka thlam chung vawlei chungah ka thuh hna, ngun cu a tang bik ah,” tiah a ti.

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.

BIAPHUAN 18:13

nakzik le musala le zihmui le mura zihmui le frankinsen zihmui le zu le chiti le changvut le facang le caw le tuu le rang le rangleng le sal le minung hmanh kha ahohmanh nih an caw ti hna lo.