1TIMOTE 5:11 - Lai (Hakha) Common Language Bible 2006

¹¹ Cun nuhmei kum no deuh pawl cu nuhmei cazin chungah khan khumh hna hlah. Zeicahtiah va ngeih an duh ṭhan tikah Khrih kha an chuahtak i

Laibaibal Thiang (BSI)

¹¹ Asinain ano deuhmi nuhmei hna cu ṭialchih hna hlah, zeitintiah an pumsa duhnâk i sum kho loin, Krih nâkin va-ngeih an duh tawn,

1TIMOTE 5:11 Iomraidhean Croise

ISAIAH 3:16

Bawipa nih, “Jerusalem khua nu hna khi zohhmanh hna u, zeitluk in dah an i zumh! An kal ah van lawng an cau i ahohmanh an hmu hna lo; a khiah in an i khiak. An fengbeo i an i thlaihmi an khi-ing tete cu ring cherhmarh hna seh tiah kar tawi tete in an kar.

HOSEA 13:6

Sihmanhsehlaw ram ṭha chungah khan nan vung luh tikah nan paw a khim, nan thi a hnim i nan i porhlaw i nan ka philh.

DEUTERONOMI 32:15

“Jakob nih khim tein a ei, Jeshurun cu a thau i a ke a chaih; Na thau, na thial a chah, na miltlor; Khi tikah a sertu Pathian kha a hlawt i A khamhnak Lungpi kha zei ah a rel lo.

1TIMOTE 4:3

Cu hna pawl nih cun i ṭhit i umh hi thil ṭhalo a si, tiah an ti i ei chia an timi rawl phun zong a um. Sihmanhsehlaw hi rawl cu Pathian nih ei awk ding i a sermi an si i zumtu a simi hna le biatak a hngalmi hna nih cun lunglawmhnak in thlacam hnuah ei awk an si ko.

1TIMOTE 5:12

Khrih sin i bia an i kammi kha an hrawh.

1TIMOTE 5:14

Cucaah cun nuhmei kum no deuh pawl cu va ngei ṭhan ko hna seh law, tefa zong ngei hna seh law an inn an lo kha zohkhenh hna seh law cuticun kan ral pawl kha kanmah thangchiatnak caan ngei kho hna hlah seh, ti ka duh.

1TIMOTE 5:9

Nuhmei cazin chungah khan kum sawm ruk a ti lomi cu khumh ti hna hlah. Cuhleiah amah cu voi khat lawng va a ngeimi a si lai i

JEIM 5:5

Hi vawlei cungah cun nuam ngai le duhtling ngaiin nan nung. Sa thah ni caah nanmah le nanmah nan rak i thauter.

2 PETER 2:18

An holh tikah an bia a puam, an i porhlaw i lawkih mi hna lak i khua a sami hna, an umnak hmun in a chuakka tete pawl foihnak ah khan pumsa duhnak kha an hman.

BIAPHUAN 18:3

Zeicahtiah a zu kha mi vialte a pek hna i a dinter hna — a hornak zu ṭhawng kha a dinter hna. Vawlei cung siangpahrang hna nih amah he cun nu le pa sualnak an tuah i aa sum lomi a hornak nih cun vawlei cung khuazakip chawlet pawl kha a rumter hna,” a ti.

BIAPHUAN 18:7

Sunparnak le nuamhnak amah le amah a rak i pek zat te khan, Temhinnak le ngaihchiatnak pe ve u. Zeicahtiah aa thawh i, Keimah cu bawiṭhutdan cung i a ṭhumi siangpahrang bawinu ka si. Nuhmei ka si lo, ngaihchiatnak cu ka ing bal lai lo, a ti.

BIAPHUAN 18:9

A sualnak le a hornak chungah aa bual vemi vawlei cung siangpahrang hna nih khan a kanghnak meikhu cu an hmuh tikah khuapi cu an ṭah lai.