1TIMOTE 4:6 - Lai (Hakha) Common Language Bible 2006

⁶ Kan u le kan nau pawl kha, hi cawnpiaknak hi na chimh hna ahcun nangmah cu Khrih Jesuh sal ṭha na si lai, thlarau lei i naa cawmnak ah zumhnak bia le na zulhmi cawnpiaknak ahmaan taktakmi kha, va hmang hna.

Laibaibal Thiang (BSI)

⁶ Cu thil hna cu unau hna kha na cawnpiak ahcun, Jesuh Krih rianṭuantu ṭha, zumhnâk biatak le cawnpiaknâk dik atu tiang i na zulhmi bia i cawmkenmi na si lai.

1TIMOTE 4:6 Iomraidhean Croise

SALM 19:7

Bawipa phung cu a ṭhat a tling, nunnak thar petu a si. Bawipa nawlbia cu bochan awk a tlak, fimnak a baumi fimnak petu a si.

PHUNGTHLÛKBIA 4:2

Zeicahtiah nunchimhnak kan pekmi hna cu a ṭhami nunchimhnak an si i Kan cawnpiaknak hna hi hlaw hlah u.

JEREMIAH 15:16

Na bia zei ah a rel lomi cu ka in hna a hau, Na bia cu kei ka caah cun lawmhnak le thanuamnak a si; Zeicahtiah nangmah nih keimah cu na ta si awkah min na ka bunh cang, Maw Bawipa, Ralkapbu Pathian.

MATTHAI 13:52

Cucaah a thawh hna i, “Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si,” tiah a ti.

LUKA 1:3

Cucaah Bawipa, kei zong nih hi thil vialte hi a hramthawk tein ṭha tein ka dothlat cikcek hnuah na sinah aa tlai thliahmah in ṭial ah a ṭha tiah ka ruah.

LAMKALTU 1:15

Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i,

LAMKALTU 20:31

Cucaah ralring tein um ko u, mitthli he chun zan in kum thum chung nan dihlak in kan cawnpiak hna kha philh hlah u.

LAMKALTU 20:35

Zeizong vialte ah hi bantukin fak piin rianṭuannak thawngin a dermi kha kan bawmh hna awk a si ti cu kan hmuhsak cang hna i Bawipa Jesuh zong nih khan zeitindah a rak ti ti ahcun, ‘Pek leiah hin hmuh lei nakin lunglawmhnak a um deuh,’ a rak ti; cucu kan philh lo awk a si,” tiah a ti.

ROM 15:15

Sihmanhsehlaw hi cakuat i kan theihter ṭhanmi hna ah hin, ka ral a ṭha nawn ko. Ka ralṭhatnak cu Pathian nih Jentail mi hna ca rian ṭuan awk i

1 KORIN 4:17

Hi ruangah hin nan sin i Timote ka rak thlah hi a si. Amah cu Bawipa chungah ka dawtmi le ka zumhmi ka fapa a si. Amah nih cun, Khrih Jesuh chung i nunnak thar in nunning ah zeitindah ka umtu a si ti kha le khuazakip ah khrihfabu kha zeitindah ka cawnpiak hna ti kha an chimh hna lai.

2 KORIN 11:23

Khrih sal an si maw? Annih nakin sal ṭha deuh ka si — mihrut ka lo ai ne. Anmah nakin fak deuh piin rian ka ṭuan, thong voi tam deuh ka tla, tuknak voi tam deuh ka ing, thihnak ing dengmang in voi tam deuh ka um.

2 KORIN 3:6

biakam thar rian a kan ṭuanter khotu cu, cu Pathian cu a si. Cu biakam thar chung i a ummi cu ṭialmi nawlbia kha si loin Thlarau tu a si. Ṭialmi nawlbia nih cun thihnak kha a chuahpi, sihmanhsehlaw Thlarau nih cun nunnak kha a chuahpi.

2 KORIN 6:4

Kan i zuammi tu cu zei kan tuahnak hmanh ah Pathian sal kan si ti langhter kha a si i hnahnawhnak le harnak le retheihnak kha lungsau thinfual in kan in hna.

EFESA 6:21

Taikhikas, kan dawtmi kan nau le Bawipa rian ah zumh awk tlak a simi nih ka konglam kha a dihlak in an chimh hna lai i ka ningcang kha nan rak theih lai.

FILIPI 2:20

Amah lawnglawng hi keimah lungthin bantuk a ngei i nan zawn an ruat taktak mi hna cu a si.

FILIPI 2:22

Cu bantuk mi a si taktak ti cu nanmah hrimhrim nih nan hngalh ko i zeitindah keimah le amah cu pa le fa bantukin Thawngṭha rian kan ṭuan ti kha nan hmuh.

FILIPI 3:16

A zei a si hmanh ah, atu tiang kan zulhmi phung ningin hmailei ah kal ko u sih.

KOLOSE 2:19

lu a simi Khrih i tlaih kha an ngol. Lu a simi Khrih sin khan pum nih cun cawmnak a hmuh i pum cu a hliahcang le a thahri hna nih khan an fun an ṭem i Pathian nih ṭhang seh ti a duhning khan a ṭhang.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

KOLOSE 4:7

Kan dawtmi kan nau Taikhikas nih keimah kong kha an chimh hna lai. Amah cu zumh awk tlakmi, Bawipa rian ṭuannak i kan ṭuanhawi a si.

1THESALON 3:2

Timote kha nan sinah rak thlah u sih kan ti. Amah cu Khrih kong Thawngṭha a chim vemi kan sin i rian a ṭuanmi a si.

1TIMOTE 1:10

nu le pa sualnak a tuahmi hna le nu le pa kong ah ningcanglo in khua a sami hna le minung fir a hmangmi hna le lihchim a hmangmi hna le tehte dinglo a simi hna le cawnpiaknak ahmaanmi he aa tlak lomi thil a tuahmi hna ca tu ah khan tuah a si.

1TIMOTE 4:16

Nangmah kha ṭha tein i ralring law na cawnpiaknak zong kha i ralring fawn. Cun nangmah naa khamh hleiah na bia a theimi kha na khamh khawh hna nakhnga hi thil hi ngol loin tuah lengmang ko hna.

1TIMOTE 6:3

Hihi na cawnpiak hna awk le na chimh hna awk a si. Kan Bawi Jesuh Khrih bia le kan biaknak phung nih a kan cawnpiakmi he aa khat lomi cawnpiaknak phun dang a cawnpiaktu hna paoh cu

2TIMOTE 1:6

Cucaah na cung i ka kut ka rak chuan tik i Pathian nih an pekmi laksawng kha na nunter peng nakhnga chimh ṭhan kan duh.

2TIMOTE 3:10

Sihmanhsehlaw nang nih cun kaan cawnpiaknak le ka ziaza le ka nunnak i kaa tinhmi kha na zulh hna; zumhnak ka ngeihmi le ka lungsaunak le ka dawtnak ngeihmi le ka in khawhnak ngeihmi le

2TIMOTE 4:3

Cawnpiaknak a hmaanmi kha mi nih an ngaih duh lo i anmah duhnak tu kha an zulh i anmah theih duhmi chimtu dingah cawnpiaktu an lak hna lai caan kha a phan lai.

TITAS 2:1

Sihmanhsehlaw nang nih cun cawnpiaknak a ṭhami kha na cawnpiak hna lai.

1 PETER 2:2

Ngakchia chuakka bantuk si u law thlarau hnuk kha duh u, cu thlarau hnuk nan din thawngin nan ṭhang lai i khamhnak nan hmuh lai.

2 JOHAN 1:9

Khrih cawnpiaknak chungah um peng loin kar hlei a lammi nih cun Pathian kha an ngei lo. Cawnpiaknak chungah khan a um pengmi nih cun Pa he Fapa he an ngeih hna.

JUDAS 1:5

Cucaah cun nan hngalh dihmi a si ko nain, Bawipa nih Israel mi cu Izipt ram chungin a chuahter hna i sihmanhsehlaw a hnuah a zum lomi cu a thah hnanak kong kha theihter ṭhan kan duh hna.