1TIMOTE 4:3 - Lai (Hakha) Common Language Bible 2006

³ Cu hna pawl nih cun i ṭhit i umh hi thil ṭhalo a si, tiah an ti i ei chia an timi rawl phun zong a um. Sihmanhsehlaw hi rawl cu Pathian nih ei awk ding i a sermi an si i zumtu a simi hna le biatak a hngalmi hna nih cun lunglawmhnak in thlacam hnuah ei awk an si ko.

Laibaibal Thiang (BSI)

³ ṭhit-umh an kham i biatak hngal i a zummi hna nih lawmhnâk bia chim i an cohlanmi Pathian sermi rawl ei hlah u tiah an kham hna.

1TIMOTE 4:3 Iomraidhean Croise

GENESIS 9:3

Saram vialte le thlaihring vialte cu nan ei khawh hna lai; an dihlak in rawl caah kan pek hna;

PHUNGCHIMTU 5:18

Hihi ka va hmuhmi thil a si. Mi nih hin a ṭha bik a tuah khawhmi cu ei i din i Pathian nih nunnak tawite a pekmi chung i a rianṭuanmi chungin a hmuhmi kha i nuamhpi hi a si ko; cucu minung kan covo cu a si ko.

DANIEL 11:37

A pupa hna nih an rak biakmi pathian le nu hna nih an dawtmi pathian kha zeihmanh ah a rel hna lai lo; pathian zei bantuk hmanh kha zei ah a rel hna lai lo, amah tu kha an cungah aa hlorh lai.

MATTHAI 14:19

Mi cu ram cungah khan a ṭhutter hna i changreu hlum nga le nga pahnih cu aa lak i van a cau i Pathian kha a thangṭhat. Changreu kha a cheu hna i a zultu kha a pek hna i a zultu hna nih khan mizapi cu an phawt hna.

MATTHAI 15:11

Mi cu a kaa chung i a lutmi nih a thurter lo, sihmanhsehlaw a kaa chungin a chuakmi tu nih hin a thurter,” a ti hna.

MATTHAI 15:36

Cun changreu hlum sarih le nga kha aa lak hna i Pathian sinah thla a cam i a cheu hna i a zultu kha a pek hna i a zultu nih mizapi kha an pek hna.

LUKA 24:30

Anmah sinah cabuai ah khan a ṭhu i changreu kha aa lak i thla a cam i changreu cu a beuh i a phawt hna.

JOHAN 6:23

Cun Tiberias khua in a rami lawng a dang kha, Bawipa nih Pathian sinah lawmhnak bia a chim hnuah mizapi nih changreu an einak hmun ah khan an hung i din.

LAMKALTU 27:35

Hi bia a chim dih in Paul nih cun rawl kha aa lak i an hmaika ah cun Pathian sinah thla a cam hnuah a ei.

ROM 14:17

Zeicahtiah Pathian Pennak cu ei le din menmen hi a si lo, Thiang Thlarau pekmi dinnak le daihnak le lawmhnak tu hi a si deuh.

ROM 14:3

Zeipaoh a eimi nih khan cu bantukin a ei ve lomi kha a zawmhtaih awk a si lo, cun zeipaoh a eimi kha anhringso lawng a eimi nih a soi awk a si ve lo, zeicahtiah Pathian nih cun a cohlan veve ko hna cu ta.

ROM 14:6

Ni pakhat cu sung khun in a ruatmi nih khan cu ti i a ruah cu Bawipa upatnak in a ruah caah a si; zeipaoh a eimi nih khan cu ti i a ei cu Bawipa upatnak in a si ve ko, zeicahtiah a eimi rawl caah khan Pathian pei a lawmh cu.

1 KORIN 6:13

Cun a cheu nih nan i thawh ṭhan i, “Rawl cu paw caah a si, paw cu rawl caah a si,” nan ti; a si taktak, sihmanhsehlaw Pathian nih a donghter veve hna lai. Minung pum hi sual tuahnak caah hman ding a si lo, Bawipa rianṭuannak ca tu ah hman ding a si deuh, Bawipa zong nih pum caah rian a ṭuan ve.

1 KORIN 7:28

Asinain nupi nan ṭhit ahcun nan sual tinak a si lo, va nan ngeih ahcun nan sual tinak a si lo, ka duhmi cu cu bantuk mi hna nih nifate in a chuak lengmangmi harnak an ton laimi hi luat hna seh ti tu hi a si.

1 KORIN 8:8

Rawl nih cun Pathian he kan i pehtlaihnak cu a ṭhatter deuh hlei lai lo; kan ei lo ah zeihmanh kan sung hlei lai lo, kan ei zongah zeihmanh kan miak hlei lai lo.

KOLOSE 2:16

Cucaah cun ahohmanh nih nan ei nan dinmi thil kong ah siseh, ni thiang le Thla Thar Puai le Sabbath kong ah siseh, phung in serpiak hna hlah seh.

KOLOSE 3:17

Pathian kan Pa cu Khrih thawngin nan lawmh caah, nan tuahmi thil si hna seh, nan chimmi bia si hna seh, Bawipa Jesuh min in si dih ko hna seh.

1TIMOTE 4:4

Pathian nih a sermi thil cu zei thil paoh an ṭha dih; zeihmanh hlawt awk an si lo, lunglawmh thlacamnak he cohlan awk an si ko.

1TIMOTE 5:14

Cucaah cun nuhmei kum no deuh pawl cu va ngei ṭhan ko hna seh law, tefa zong ngei hna seh law an inn an lo kha zohkhenh hna seh law cuticun kan ral pawl kha kanmah thangchiatnak caan ngei kho hna hlah seh, ti ka duh.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

1 SAMUEL 9:13

Nannih nih khua chungah nan va luh ka tein, khuahrum bo i rawl ei awk i a kal hlanah khan, nan va hmuh ko lai; amah nih raithawinak cu thluachuahnak a pek awk a si caah amah a rat hlanah cun mi nih khan an rak ei lai lo; cu hnuah cun sawmmi hna nih khan an ei lai. Cucaah cun hung kal u law, nan hung ton colh ko lai,” tiah an ti.