1TIMOTE 4:12 - Lai (Hakha) Common Language Bible 2006

¹² Na kum a no ruangah ahohmanh nih in zawmhtaih hna hlah seh, sihmanhsehlaw na biachim na holhrel ah siseh, na zia na za ah siseh, dawtnak, zumhnak le thiannak na ngeihmi ah siseh, zumtu hna caah tahchunh awk tlak va si tuah.

Laibaibal Thiang (BSI)

¹² Mino nasi ruangah ahohmanh nih in zomhtaih hna hlah seh, bia in siseh, nuncan in siseh, dawtnâk ah siseh, thlarau ah siseh, zumhnâk ah siseh, thiannâk ah siseh zumtu hna zohchunh awktlâk in nun i zuam.

1TIMOTE 4:12 Iomraidhean Croise

ZEKHARIAH 2:4

a dang vancungmi pakhat amah ton awkah cun a hung chuak i, “Va tli law tlangvalpa khi va chim law, Jerusalem khua cu kulhnak a ngei lomi khua a si lai i a chung i a ummi minung le saṭil cu an tam tuk hringhran lai.

MATTHAI 18:10

“Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko.

1 KORIN 11:1

Cucaah cun kei zong nih Khrih nawl ka cawn bantukin nannih zong nih ka nawl kha i cawn ve u.

FILIPI 4:8

A donghnak ah ka u le ka nau hna, nan lungthin kha a ṭha le thangṭhat awk a tlakmi thil in khahter hna u: a taktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u.

1THESALON 1:6

Kanmah le Bawipa kha kan nawl nan kan cawn i temhinnak tampi nan huah nain Thiang Thlarau sinin a rami bia kha lawm tein nan cohlan.

1THESALON 2:10

Kan tehte cu nanmah kha nan si i cu bantukin Pathian zong a si ve. Nannih a zummi hna cung i kan ziaza cu a thiangmi le ahmaanmi le palhnak zeihmanh a um lomi a si.

1TIMOTE 1:14

Cun kan Bawipa nih cun a tam ngaingaimi a vel kha a toih in a ka toih i Khrih Jesuh he kan i pehtlaihnak thawngin zumhnak le dawtnak kha a ka pek i cu hna cu kanmah ta an si cang.

2TIMOTE 2:15

A rian a zahpi lomi, Pathian biatak hmaan tein mi a cawnpiaktu saya bantukin Pathian hnatlaknak kha na hmuh khawh nakhnga fak piin i zuam.

2TIMOTE 2:22

Tlanval lio pumsa duhnak kha zamtak i zuam hna law, kan bawm ko tiah Bawipa sinah thla a cam lengmangmi hna he dinnak le zumhnak le dawtnak le daihnak kha kawl i zuam u.

2TIMOTE 2:7

Bawipa nih zeizong vialte hngalh khawhnak an pek lai caah ka chimmi hi ruat hna hmanh.

TITAS 2:15

Hihi cawnpiak hna law thazang na pek hna le na chimhhrin hna tikah na nawlngeihnak kha fak piin hmang. Ahohmanh i zohchukter hna hlah.

TITAS 2:7

Cun nangmah hrimhrim zong, thil ṭha tuahnak lei paohpaoh ah, an i zohchun awk tlak na si lai. Na cawnpiak hna tikah lungtak te le biatak tein cawnpiak hna.

JEIM 3:13

Nan lakah a fim i hngalhnak a ngeimi nan um maw? Cu hna nih cun a fimmi le hngalhnak a ngeimi an si kha a ṭhami an nunning le toidornak lungthin le fimnak in an tuahmi thil ah khan an langhter awk a si.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

1 PETER 5:3

Nanmah zohkhenh awkah chiahmi hna kha a uk in uk hna hlah u, sihmanhsehlaw an i zohchun ding tu si i zuam u, tiah kan nawl hna.